Presidenti i Kosovës Hashim Thaçi, ka kujtuar shtatë vjetorin e vdekjes së intelektualit shqiptar Arbën Xhaferi. Thaçi thotë se Arben Xhaferi do të mbetet njëri nga idhtarët dhe formësuesit më të mëdhenj të identitet evropian të shqiptarëve në tri dekadat e fundit.

Postimi i Thaçit:

Në shtatë vjetorin e vdekjes, sot kujtojmë intelektualin dhe politikanin e madh, Arbën Xhaferi.
Trashëgimia intelektuale, kulturore dhe politike e tij, do të na shërbejë gjatë si frymëzim për t’i vazhduar përpjekjet për modernizimin e shoqërisë, përmes vlerave evropiane. Arben Xhaferi do të mbetet njëri nga idhtarët dhe formësuesit më të mëdhenj të identitet evropian të shqiptarëve në tri dekadat e fundit. HTH

Veseli: Kombi ynë të mbaj orientimin gjeopolitik drejt perëndimit

Kryeparlamentari i Kosovës Kadri Veseli ka kujtuar 7 vjetorin e vdekjes së Arbën Xhaferit.
Nëpërmjet një statusi në faqen e tij në Facebook, të cilën e ka shoqëruar me një fotografi të kohës së luftës së UÇK-së, Veseli ka thënë se Arbën Xhaferi kujtohet me mirënjohje për aktivitetin e tij patriotik duke u angazhuar me përkushtim çështjes kombëtare gjatë gjithë jetës së tij.

Statusi i plotë i Kadri Veselit:

7 vjet më parë u nda nga jeta miku im, Arbën Xhaferri, i cili ka lënë një gjurmë të madhe në historinë shqiptare jo vetëm si politikan, por edhe si shkrimtar, gazetar dhe intelektual i shquar. Arbën Xhaferi kujtohet me mirënjohje për aktivitetin e tij patriotik duke u angazhuar me përkushtim çështjes kombëtare gjatë gjithë jetës së tij. Ai njihet gjithashtu edhe për punën e palodhur që ka bërë në kultivimin e vlerave të lirisë e demokracisë duke këmbëngulur që kombi ynë të mbaj orientimin gjeopolitik drejt Perëndimit, i cili është edhe vizioni im.