Connect with us

Bota

Çahet toka në Francë, gropë në mes të qytetit

Published

on

Një gropë pesë metra e thellë dhe 10 metra e gjerë është hapur krejt papritur në qendër të Amiensit, gjatë natës dhe ka gjasa që shkak të ketë qenë kolapsi i një qilari mesjetar.

Gropa u pa herët në mëngjes nga një patrullë e policisë bashkiake dhe gjashtë dyqane, u detyruan të mbylleshin ndërsa banorët e tre shtëpive përreth u evakuan.

Kuriozët ndërkohë i drejtoheshin vendit për të parë çfarë kish ndodhur e duke bërë fotografi që më pas shpërndaheshin edhe në rrjetet sociale. Veranda e një birrarie, nën të cilën ishte hapur gropa, dukej sikur qëndronte pezull mbi vakum.

Në qytetin francez, shumë banesa të hershme, janë të pajisura me qilarë, e madje nën qytet ka edhe shumë rrënoja galo-romake. Tani, teknikët do të marrin në dorë situatën dhe do të përcaktojnë se çfarë duhet bërë.

Ndërsa zyrtarët lokalë, thonë se janë të kënaqur që nuk ka patur të lënduar pasi nëse incidenti do të kish ndodhur në një orë tjetër të ditës, dhe jo në mes të gushtit, bilanci mund të kish qenë ndryshe.

Continue Reading

Bota

Eurostat: Rreth 100 milionë qytetarë në BE përballen me rrezikun e varfërisë

Published

on

Rreth 100 milionë qytetarë në Bashkimin Evropian u përballën me rrezikun e varfërisë vitin e kaluar.

Zyra Evropiane e Statistikave (Eurostat) ka publikuar të dhëna për qytetarët që jetojnë në rrezik nga varfëria ose përjashtimi social në vendet e BE-së për vitin 2020.

Sipas kësaj 21,9 për qind e qytetarëve në BE u përballën me rrezikun e varfërisë ose përjashtimit social vitin e kaluar, ndërsa gjithsej 96,5 milionë qytetarë në vendet e BE-së jetonin në kufirin e varfërisë.

Vendet me përqindjen më të lartë të qytetarëve që jetojnë në kufirin e varfërisë janë Rumania (35,8 për qind), Bullgaria (33,6 për qind), Greqia (27,5 për qind) dhe Spanja (27 për qind).

Vendet me varfërinë më të ulët ose shkallën e përjashtimit social ishin Republika Çeke, me 11,5 për qind, Sllovakia me 13,8 për qind, Sllovenia me 14,3 për qind dhe Holanda me 15,8 për qind.

Shkalla e varfërisë në fjalë u regjistrua si 22,5 për qind në Gjermani, 18,9 për qind në Francë dhe 20,4 për qind në Belgjikë.

Continue Reading

Bota

Qyteti turk në “luftë”, përleshje e armatosur mes fiseve

Published

on

By

Qyteti turk në “luftë”, përleshje e armatosur mes fiseve

Një përplasje e ashpër me armë ka ndodhur mëngjesin e sotëm në qytetin jug-lindor të Adanasë në Turqi duke shkaktuar shqetësim në të gjithë vendin. Mediat lokale raportojnë për një përplasje të armatosur mes dy fiseve që udhëheqin qytetin, ndërsa pamjet i ngjajnë atyre të luftës në Siri ku civilë me automatikë në duar qëllojnë ndaj njeri-tjetrit.

“Hurriyet” raporton se përplasja e armatosur ndodhi mes fisit “Cono” dhe një grupi tjetër në lidhje me kontrollin e aktiviteteve të paligjshme në qytet.

Nuk ka ende raportime për viktima apo të plagosur, ndërsa është dashur ndërhyrja e forcave speciale të policisë dhe ushtrisë për të stabilizuar situatën. Pas ndërhyrjes, policia ka arrestuar 30 persona.

Turqia mban vendet e para në Europë për numrin e armëve në duart e civilëve, ku krahas pistoletave që janë një realitet i përditshëm, në zonat lindore hasen edhe armët e gjata si pushkë dhe automatikë, të cilat përdoren shpesh në konfliktet mes fiseve duke shkaktuar një numër të madh të vdekurish çdo vit.

Continue Reading

Bota

Sulmi me dron i mori jetën 10 afganëve/ Pasi pranoi fajin, SHBA ofron dëmshpërblim dhe strehim për familjarët

Published

on

By

Sulmi me dron i mori jetën 10 afganëve/ Pasi pranoi fajin, SHBA ofron dëmshpërblim dhe strehim për familjarët

Departamenti amerikan i Mbrojtjes ka ofruar dëmshpërblim për familjarët e 10 personave që u vrarë gjatë një sulmi me dron në muajin gusht në Afganistan.

Zëdhënësi i Pentagonit, John Kirby tha se po bashkëpunon me Departamentin amerikan të Shtetit për t’i ndihmuar familjarët e viktimave që të zhvendosen në Shtetet e Bashkuara.

SHBA pranoi më herët se sulmi me dron në Kabul disa ditë para tërheqjes së saj ushtarake vrau 10 njerëz të pafajshëm.
Një hetim i Komandës Qendrore të SHBA zbuloi se një punonjës i ndihmës dhe nëntë anëtarë të familjes së tij, përfshirë shtatë fëmijë, vdiqën në sulmin e 29 gushtit. Fëmija më i vogël, Sumaya, ishte vetëm dy vjeç.

Sulmi vdekjeprurës ndodhi disa ditë pas një sulmi terrorist në aeroportin e Kabulit, në mes të një përpjekjeje kaosi të evakuimit pas kthimit të papritur të talebanëve në pushtet.
Kjo ishte një nga aktet përfundimtare të ushtrisë amerikane në Afganistan, para përfundimit të operacionit të tij 20-vjeçar në vend.

Inteligjenca amerikane kishte gjurmuar makinën e punonjësit të ndihmës për tetë orë, duke besuar se ishte e lidhur me militantët e ISIS-K, një degë lokale e grupit të Shtetit Islamik (IS), tha gjenerali i Komandës Qendrore të SHBA Kenneth McKenzie, i cili e përshkroi sulmin si një “gabim tragjik”.

Continue Reading

Aktuale