Tetovë, shitet drogë me veturën e inspektori

Gjatë një aksioni të policisë, mbrëmë në Tetovë janë kapur dy të rinj duke kryer tregti me substanca narkotike të tipit “kokainë”, njoftojnë shërbimet e MPB-së.
Dy të rinjtë për këtë lloj biznesi ilegal kanë shfrytëzuar automjetin e një inspektori policie nga Sektori për Punë të Brendshme në Tetovë, shkruan in7.
Bashkë me dy shpërndarësit e drogës në polici është marrë edhe automjeti me të cilin ata e kanë shitur mallin.
Siç mëson in7, si pasojë e presionit të madh politik, automjeti i inspektorit nuk është mbajtur për ekzaminimet e nevojshme dhe si fakt për procedurën kundër dy shitësve, por është dhënë leje që të largohet nga stacioni i Policisë në Tetovë. Bëhet fjalë për automjet të tipit Pasat, ngjyrë gri metalike, me targa TE 99**AF. Inspektori në fjalë është vëlla i një shefi shtabi të BDI-së në zgjedhjet e fundit lokale, në një komunë të rëndësishme në Pollog.
Ndërkaq nga shërbimet e MPB-së, në njoftimin për këtë rast nuk përmendet fakti se automjeti i tipit Pasat ka qënë në pronësi të një nëpunësi policie, konkretisht Inspektori kundër tregtisë së palejuar dhe kontrabandës, njofton in7.
Identiteti i inspektorit është i njohur për redaksinë, por të njëjtin do ta bëjmë publik pasi të marrim zyrtarisht konfirmim nga ana e MPB-së./in7.tv/