Connect with us

Lajme

Tetovë/ Privohen nga liria katër persona, posedonin lëndë narkotike

Published

on

Zyrtarët policorë nga Sektori për Punë të Brendshme të Tetovës sot në orët e hershme të mëngjesit në fshatin Zherovjan të Tetovës kanë privuar nga liria 23 vjeçarin H.J. dhe 29 vjeçarin L.M. nga Tetova, shkruan in7.

Gjatë kontrollit në makinën e tyre “Pasat”, me targa të Tetovës është gjetur dhe konfiskuar një sasi e drogës “Kokainë”.

Personat në fjalë janë ndaluar nga policia dhe janë dërguar në stacionin policorë të Tetovës ku pas zbardhjes dhe dokumentimit të rastit do të ngritët padi adekuate.

Në një tjetër rast, në fshatin Bogovinë të Tetovës, gjatë kontrollit të automjetit të markës BMW me tagra të Zvicrës, që e ka drejtuar 30 vjeçari E.H., në të cilën ka qenë edhe 29 vjeçari A.SH., të dy nga fshati Dobridol i Gostivarit, nga ana e SPB në Tetotovë janë gjetur sasi e drogës ‘Kokainë’, që të dy janë privuar nga liria dhe janë dërguaar për bisedë informative në stacionin policor për zbadhjen dhe dokumentimin e rastit, pas së cilës do të pasojë edhe padi penale adekuate./in7.tv/

Continue Reading

Lajme

IRI Amerikan publikon rezultatet e anketës më të re për komunat

Published

on

By

IRI: Kryetarët e komunave janë të pa interesuar, ndërsa qytetarët nuk marrin pjesë në vetëqeverisjen lokale

Kryesisht puna e dobët e kryetarëve të komunave dhe mos përfshirja e qytetarëve në vetëqeverisjen lokale, para së gjithash për shkak të mungesës së interesit të pushtetit lokal.

Qytetarët e Maqedonisë së Veriut e mbështesin aderimin në BE, por jo me çmimin e identitetit të tyre kombëtar, tregon studimi i fundit cilësor I zbatuar në Maqedoninë e Veriut nga ana e Qendrës për hulumtime të sondazhit të Institutit republikan ndërkombëtar (IRI).

Në hulumtim theksohet se qytetarët janë kryesisht të painteresuar për të marrë pjesë në qeverisjen lokale, duke përmendur kryetarët e bashkive si arsye që ata i konsiderojnë të paangazhuar dhe indiferentë ndaj votuesve.

Qytetarët, sipas një deklarate nga IRI, shpesh nuk janë të njohur me emrat dhe punën e këshilltarëve komunalë.

Ndërsa mendimi i disa kryetarëve të bashkive është pozitiv, sondazhi tregoi, shumica e atyre që vlerësuan morën vlerësime të përziera ose kryesisht negative. Kryetarët e bashkive të vlerësuar pozitivisht, theksohet, komunikojnë në mënyrë aktive, mbajnë premtimet e tyre dhe janë në dispozicion të qytetarëve.

“Në pjesën më të madhe të komunave në Maqedoninë e Veriut, kryetarët e bashkive dhe këshilltarët komunalë duhet të jenë më të përgjegjshëm ndaj zgjedhësve të tyre dhe duhet të sigurojnë më mirë shërbime themelore dhe të komunikojnë më mirë me qytetarët për problemet dhe nevojat e tyre lokale”, tha Poll Mekarti, drejtor rajonal i IRI për Evropën, thoshte deklarata. Përndryshe, shton ai, kryetarët e bashkive rrezikojnë që qytetarët të marrin pjesë edhe më pak në qeverisjen lokale dhe të humbin zgjedhjet e ardhshme lokale.

Pjesëmarrësit në hulumtim thanë se kryetarët e komunave të pakënaqur nuk veprojnë në përputhje me nevojat e qytetarëve dhe shpesh nuk i përmbushin premtimet nga fushata zgjedhore. Në këto raste, thuhej në deklaratën e sondazhit, pjesëmarrësit mendonin se udhëheqësit lokalë ishin joefektivë, mosinteresues dhe ndonjëherë të papërshtatshëm në rolin që ata kryen.

Hulumtimi cilësor është kryer në emër të Qendrës Kërkimore të Studimit të Institutit Republikan Ndërkombëtar (IRI) nga agjencia e hulumtimit të tregut BRIMA dhe bazohet në 21 diskutime në internet të grupeve të fokusit të zhvilluara në 18 komuna nga 3 mars deri më 9 prill. 2021. Diskutimet në fokus grupe u zhvilluan me votues të rritur, të pavendosur nga segmente të ndryshme të popullsisë. Rezultatet, sipas një deklarate të IRI, nuk përfaqësojnë pikëpamjet e të gjithë votuesve të pavendosur. 

Continue Reading

Lajme

A do të ketë lista të hapura në zgjedhjet lokale?

Published

on

By

Për lista të hapura në zgjedhjet lokale do të diskutohet prejse Kuvendi do t’i sjellë ndryshimet e Kodit Zgjedhor

Koncepti përfundimtar për lista të hapura në zgjedhjet lokale ose ç’farëdo lloj koncepti për përzgjedhje të zgjedhjeve lokale do të duhet ta diskutojmë prejse Kuvendi do t’i sjellë ndryshimet e Kodit Zgjedhor, tha ministri i Drejtësisë Bojan Mariçiq, në konferencën e sotme për shtyp duke u përgjigjur në pyetjen e gazetarëve nëse në ndryshimet e dakorduara në grupin e punës së partive politike për Kodin Zgjedhor janë parashikuar lista të hapura të këshilltarëve për zgjedhjet lokale, nëse ka prag për zgjedhje të këshilltarëve dhe si do të votojnë qytetarët.

Ajo që është propozuar nga ana e grupit të punës të disa partive politike, informon ai, ka të bëjë me listat e hapura me një mundësi preferenciale, do të thotë votohet edhe për partinë për të cilën dëshironi të votoni, por edhe për një nga listat e këshilltarëve të propozuar nga ajo parti politike ose nga ai koalicion.

“Pragu për një këshilltar të mund të hyjë me atë metodë preferenciale është tre për qind nga votuesit e përgjithshëm të regjistruar në komunë në të cilën votohet. Nëse bëhet fjalë për komunë me gjithsej votues të regjistruar prej 10 mijë votuesve, atëherë do të duhet të fitohen 300 vota, që të mund të llogaritet se janë vendosur në atë mënyrë”, sqaroi Mariçiq.

Për këtë model, që për herë të parë bëhet dhe e propozojmë, e rëndësishme është, ata që do t’i kapërcejnë ato tre për qind si zgjedhje preferenciale të qytetarëve do të futen automatikisht, sqaroi Mariçiq, ndërsa nëse një parti politike fiton më shumë këshilltarë nga vetë ato preferencial, për shembull 10 këshilltarë, ndërsa vetëm tre prej tyre kanë fituar tre për qind nga votuesit e regjistruar, shtatë të tjerët do të zgjidhen nga rendi i listës së kandidatëve të propozuar të partisë për këshilltarë ose koalicioni për këshilltarë në ato zgjedhje.

Ministri Mariçiq theksoi se ky është propozim dhe citoi se për një pjesë të partive politike më të vogla të cilat kanë dilema ose propozime për përmirësim të këtij propozimi, do të ishte mirë në Kuvend të hapet diskutimi dhe në ditët në vijim të rrumbullaksohet.

Sipas Mariçiqit, Kodi Zgjedhor asnjëherë deri tani nuk ka qenë lëndë e bllokadave. Ai potencoi se në këtë tekst të Kodit Zgjedhor i përmban rekomandimet, gjegjësisht vërejtjet e OSBE/ODIHR nga Raporti i zgjedhjeve parlamentare,  që duhet të implementohen, dhe siç tha, do të ishte joadekuate nga cilado parti politike t’i bllokojë ndryshimet e Kodit Zgjedhor, që duhet ta përmirësojnë procesin zgjedhor dhe cili është qëllimi i rekomandimeve të OSBE/ODIHR.

“Do të ishte hera e parë të shkojmë në zgjedhje pa rekomandime të miratuara nga OSBE/ODIHR, megjithatë nëse shihet se ekziston një grup i caktuar deputetësh të cilët kundërshtohen,  mundet, nëse ashtu vendosë shumica e deputetëve, të ndryshohet ose plotësisht të hiqet propozimi për listat e hapura. Nëse ndodh kjo, gjithsesi se do të jetë në dëm të demokratizimit të procesit zgjedhor. Nëse partitë politike vendosin ashtu dhe nëse shumica e deputetëve vendosin njejtë, do të vazhdohet në këtë pjesë të Kodit Zgjedhor, do të vazhdohet me modelin e deritanishëm të zgjedhjes së këshilltarëve dhe të kryetarit të komunës”, tha Mariçiq.

Sipas tij, do të ishte e çuditshme pikërisht partitë politike më të vogla të cilat e kanë hapur çështjen për lista të hapura tani ta bllokojnë Kodin Zgjedhor në këtë pjesë.

“Ne jemi të hapur për dialog pasi Qeveria dhe partitë në Kuvend që përbëjnë shumicën parlamentare janë të hapura për dialog. Nuk është qëllimi për të imponuar këtë zgjidhje, qëllimi është me konsensus të miratohet Kodi Zgjedhor, siç është praktikë e deritanishme tek ne”, potencon ministri Mariçiq.

Nëse nuk ka pajtim për këtë moment, theksoi Mariçiq, mbetet ta implementojmë modelin ekzistues, me përmirësimet që vijnë nga OSBE/ODIHR dhe janë përkthyer në Propozimin e Kodit Zgjedhor dhe në atë mënyrë do të vazhdohet me zgjidhjet ekzistuese. Sipas tij, ato zgjidhje janë të mira, por qëllimi është të kemi model më të mirë dhe më të sofistikuar me të cilin qytetarët do të mund të votojnë edhe për persona, krahas asaj që votojnë për partitë politike dhe koalicionet sikur deri tani.

Continue Reading

Lajme

Sulmi mbi gazetarët do të trajtohet si sulm mbi person zyrtar, gjoba të ashpra edhe për kërcënim për sulm mbi gazetarët

Published

on

By

Në të ardhmen sulmi mbi gazetarët do të trajtohet gjithashtu si sulm mbi një person zyrtar. Vendosim gjoba të ashpra edhe për kërcënim për sulm mbi gazetarët. Në mënyrë shtesë, në të ardhmen prokuroria do të veprojë sipas detyrës zyrtare gjatë rasteve të këtilla. Kjo ishte një kërkesë e madhe e Shoqatës së Gazetarëve, përfaqësuesit e së cilës në mënyrë aktive marrin pjesë në Grupin e punës i cili e përgatiti ndryshimet në KP.

Për këtë sot në konferencë për shtyp informoi ministri i Drejtësisë Bojan Mariçiqi, i cili theksoi se Qeveria në seancën e sotme, e cila ende është në vijim, ka miratuar disa ndryshime dhe plotësime të Kodit Penal, ndërsa të parat kanë të bëjnë me gazetarët. Me këto ndryshime, theksoi ai, parashikohen risi konkrete me të cilat në shtetin tonë dukshëm po rritet siguria e gazetarëve, por edhe i punonjësve mediatikë, gjegjësisht kameramanëve dhe fotoreporterëve. Ministri Mariçiqi pret që këto ndryshime ligjore të cilat menjëherë, siç tha, do të dërgohen në Kuvend, që të miratohen në shtator.

Me këto ndryshime, potencoi Mariçiqi, u japim fund mundësive për praktika të kaluara të mosndëshkimit për dhunë mbi gazetarët edhe kur gazetarët frikësoheshin, shantazhoheshin, mbylleshin, dënoheshin joformalisht   me jetë në frikë të vazhdueshme nga hakmarrja politike dhe institucionale për shkak të kryerjes profesionale të punës së tyre.

Për dallim nga viti 2017, theksoi ai, sot pothuajse për të gjitha pengesat e regjistruara të punës dhe sulmeve mbi gazetarët dhe punonjësit mediatikë, nga ana e policisë dhe organeve kompetente janë inicuar procedura.

Edhe me ndryshimet e sotme të neneve të Kodit Penal të cilat kanë të bëjnë në punën e profesionistëve mediatikë, është decid ministri Mariçiq, kjo Qeveri tregon se ka zero tolerancë për çfarëdo tentimi për   rrezikim të lirisë së fjalës dhe shprehjes.

Ai edhe njëherë u bëri thirrje institucioneve të tjera në shtet, prokurorisë dhe gjykatave, të veprojnë maksimalisht sa më shpejt dhe profesionalisht për të gjitha rastet e sulmit apo kundër punonjësve mediatikë.

Në mënyrë shtesë, theksoi Mariçiqi, në seancën qeveritare kanë kaluar dhe ndryshimet e Ligjit për përgjegjësi civile, ku ka një ulje të konsiderueshme të shumës që do ta paguajnë gazetarët apo megjithatë mediat, nëse eventualisht humbin kontest për shpifje apo fyerje.

“Konkretisht, gazetarët në të ardhmen do të paguajnë maksimum 400 euro për shpifje dhe fyerje, për dallim nga e kaluara kur kjo shumë ishte 2.000 euro. Për redaktorët, me ndryshimet kompensimi i dëmit nuk duhet të jetë më i lartë se 2.000 euro. Për përkujtim sipas ligjit ekzistues ai është 10.000 euro. Për personin juridik ndërkaq, prej 15.000 ulet në maksimum 5.000 euro. Gjegjësisht, pesë herë ulje për gazetarët dhe redaktorët dhe tre për mediat”, informoi ministri Mariçiqi.

Në fjalimin drejtuar gazetarëve, ai theksoi se roli i tyre në shoqëri është i madh.

“Për të qenë korrigjues nevojitet të keni mbrojtje ligjore maksimale. Kjo për ne është një çështje e kahershme dhe për këtë bëjmë gjithçka që mundemi t’ju mbrojmë. Këto ndryshime janë pikërisht në këtë drejtim. Nëse ka nevojë edhe për përshtatje shtesë apo shpjegim të legjislacionit, në të ardhmen do ta bëjmë këtë”, tha Mariçiqi.

Në seancën e Qeverisë, janë miratuar më shumë ndryshime dhe plotësime të Kodit Penal, të Ligjit për përgjegjësi qytetare dhe ndryshime dhe plotësime të përcaktuara ose tekste të reja ligjore nga më shumë sfera me qëllim që ta përforcojnë efikasitetin e drejtësisë, qeverisjen e së drejtës dhe të përshpejtohen reformat në gjyqësi. 

Sipas Mariçiqit, janë adresuar më shumë ndryshime ligjore që të bëhet zhvendosje cilësore lidhur me drejtësinë për tema për të cilat me dekada paraprakisht nuk është ndërmarrë asgjë. 

U përqendrua edhe në periudhën e kaluar, kur opinioni ishte shqetësuar nga grupi i Telegrafit “Dhoma Publike”, ku midis tjerash u ndanë edhe të dhëna personale të femrave, të cilat më pas në mënyra të ndryshme janë shqetësuar. Me këto ndryshime të KP, paralajmëroi Mariçiqi, vihen disa vepra penale me të cilat do të sigurohet mbrojtja e grave nga shqetësimet seksuale dhe ndonjë lloj tjetër i shqetësimeve.

“Me veprën e re “Përndjekja”, për të cilën foli edhe kryeministri, parashohim sanksione rigoroze për shqetësime edhe përmes internetit, diçka që për fat të keq, tek ne dhe në botë po ndodhë gjithnjë e më shumë. Të jem më i saktë, pasi ndryshimet të hyjnë në fuqi, ai që do të ndjekë , përndjekë dikë në mënyrë të paautorizuar ose që do të ndërhyjë në jetën personale të një personi tjetër ose me të vendosë ose tenton të vendosë kontakt të padëshiruar, me lëvizje në hapësirën ku ndodhet ai person, me keqpërdorimin e të dhënave personale, me përdorimin e mjeteve për informim publik dhe mjeteve të tjera të komunikimit ose në një mënyrë tjetër psikikisht e keqpërdorë, shqetëson ose frikëson, do të dënohet me para ndërsa mund të marrë edhe dënim me burg deri në tre vjet. Me këtë vepër përcaktohet se si veprohet kur dikush edhe përmes internetit frikëson ose insiston të realizojë kontakt të padëshiruar me një person tjetër”, sqaroi ministri Mariçiq.

Ndryshimet parashohin edhe mbrojtje shtesë të grave, të cilat dalin prej Konventës së Stambollit, të cilën Maqedonia e Veriut e nënshkroi që në vitin 2011, ndërsa e ratifikoi shtatë vite më vonë. Me ndryshimet të cilat dalin nga kjo konventë, theksoi Mariçiqi, në aspektin juridik mbrohet gruaja nga çdo lloj dhune.

“Më duhet ta pranoj se personalisht jam krenar që gjatë mandatit tim bëhen këto ndryshime”, tha ai. 

Qeveria sot i ka miratuar edhe Ligjin për fondin e viktimave të veprave penale, Ligjin për procedurë gjyqësore, Ligjin për avokaturë, Ligjin për Akademinë e gjykatësve dhe prokurorë publike, si edhe transponimin e direktivës policore në projektligjin për mbrojtjen e personave fizikë lidhur me përpunimin e të dhënave personale gjatë veprimit të organeve hetimore për vepra penale.

Këto ndryshime, theksoi ministri Mariçiq, bëhen që të përforcohet qeverisja e së drejtës dhe të përshpejtohen reformat në gjyqësi për të cilat flitet shumë. 

“Vlerësoj se me hapat që i kemi ndërmarrë punët po ecin mirë…. raportet e para pozitive ndërkombëtare për qeverisjen e së drejtës i kemi marrë, 16 gjykatës janë shkarkuar për shkak të punës joprofesionale dhe të pandërgjegjshme, taksat gjyqësore janë zvogëluar për 8 herë, fillon digjitalizimi i plotë i gjyqësisë, pas 20 vitesh po bëjmë regjistrim si çdo shtet normal, është arritur marrëveshje për rritjen e pagave të gjykatësve dhe prokurorëve, kemi siguruar monitorim ndërkombëtar për rastet e korrupsionit të lartë për të cilin gjithashtu do të informojmë nesër në mënyrë më të detajuar… Vazhdojmë akoma më fuqishëm me qëllimin e vetëm… të kthehet besimi i qytetarëve në shtetin ligjor dhe prej kësaj nuk do të heqim dorë”, theksoi në konferencë shtypi ministri i Drejtësisë Mariçiq. 

Continue Reading

Aktuale