Connect with us

Lajme

Boki 13: Më shumë para kam bërë nga ata që thonë “shiko pederasti”!

Published

on

Boki 13: Më shumë para kam bërë nga ata që thonë “shiko pederasti”!

Bojan Jovanovski, i njohur me emrin artistik si Boki 13 ka qënë temë bisede në javët e fundit në opinion, media e në ambiente të ndryshme shoqërore. Ai akuzohet për “zhvatje” të personave të dyshuar të drejtësisë, me qëllim të ndihmës, lirimit nga akuzat apo edhe shërbime të ngjashme, të paligjshme, shkruan in7.
Sot, Kryeministri Zaev e ofendoi atë duke i thënë “pederast” dhe duke paralajmëruar se personazhe të tillë nuk do të mund ta rrëzojnë qeverinë e tij.
Kjo deklaratë e Zaevit ka shtuar më shumë dozën e polemikave dhe akuzave ndaj pushtetit dhe aktorëve politik në vend.

Por çfarë ka thënë Boki 13 para dy vitesh, për personat që e kanë ofenduar atë për orientimet e tij seksuale? Sipas tij, pikërisht nga këta persona, ka fituar më së shumti para.

“Më shumë kam fituar nga ata që më kanë tallur dhe kanë thënë ‘shiko pederasti’. Jemi popull sehirxhi dhe nëse nuk di ti ofrosh popullit shou, më mirë rri në shtëpi” – ka thënë kohë më parë Boki 13 në një intervistë televizive para rreth dy vitesh, shkruan MKD, përcjell in7.

Bojan Jovanovski – Boki shton se për 4 muaj turne në Sërbi, ka fituar rreth 200 mijë euro.

Boki 13 aktualisht është në paraburgim, i akuzuar për rastin “Zhvatja”, ndërsa debati për akuzat ndaj tij u shtua edhe më shumë pas publikimit të 3 videove nga gazeta italiane “La Verita”. Në këto video, Boki shihet se si bashkë me atë arrestuarin tjetër, Zoran Milevski – Kiçeec, kanë marrë dy çanta me para nga i dyshuari i PSP-së, Orce Kamçev, në shtëpinë e këtij të fundit. /in7.tv/

Continue Reading

Kosovë

Escobar: Njohja reciproke do të ishte ideale për normalizim të marrëdhënieve Kosovë-Serbi

Published

on

Zëvendësndihmës-Sekretari amerikan i Shtetit për Evropën dhe Euroazinë, njëherësh i dërguari për Ballkanin Perëndimor, Gabriel Escobar ka thënë të enjten se administata e presidentit amerikan, Joe Biden ka dyfishuar përkushtimin amerikan për të punuar me aleatë dhe partnerë që Ballkani Perëndimor të avancojë në rrugën evropiane.

Në një dëshmi para Nën-Komitetit të Dhomës së Përfaqësuesve për Evropë, Energji dhe Ambient, ai ka thënë se autoritetet amerikane janë duke punuar me partnerë të Bashkimit Evropian për të përforcuar mesazhin se anëtarësimi mbetet mundësi brenda afateve realiste kohore, më pas shtysë për kryerjen e reformave, si dhe për forcim të rezistencës ndaj ndikimit rus dhe kinez në prag të Evropës.

“Mesazhi më i fuqishëm që mund të japë tani BE-ja është që të caktojë nisjen e bisedimeve për anëtarësim me Maqedoninë e Veriut dhe Shqipërinë, para fundit të këtij viti”, ka deklaruar Escobar.

Sipas tij, vonesat në këtë drejtim mund të nxisin dyshime dhe rrezikojnë të shkatërrojnë shpresat e një brezi të ri për të ardhmen evropiane.

Për këtë arsye, ai ka thënë se Sekretari amerikan i Shtetit, Antony Blinken dhe Përfaqësuesi i Lartë i BE-së për Politikë të Jashtme dhe Siguri, Josep Borrell, kanë dalë me komunikatë të përbashkët,më herët gjatë këtij muaji, për të theksuar se anëtarësimi në bllokun evropian është rruga e vetme përpara për rajonin.

Gjatë dëshmisë së tij, ai ka përmendur edhe rëndësinë e vazhdimit të dialogut mes Kosovës dhe Serbisë, që ndërmjetësohet nga BE-ja.

Escobar ka thënë se për këtë arsye ka udhëtuar në Bruksel muajin e kaluar për të përkrahur përpjekjet e Përfaqësuesit Special të BE-së për dialog, Mirosllav Lajçak, që të shtyjë të dyja palët për të shtensionuar situatën për shkak të targave të makinave dhe për të gjetur zgjidhje.

Escobar i është referuar marrëveshjes së arritur mes Kosovës dhe Serbisë më 30 shtator, sipas së cilës, makinat e regjistruara në Kosovë dhe në Serbi duhet të vendosin letra ngjitëse mbi simbolet shtetërore në targat e makinave kur të kalojnë në territorin e njëra-tjetrës.

“Së bashku e kemi bërë të qartë se dialogu është forum në të cilin të dyja palët, si të barabarta, duhet të punojnë për të zgjidhur dallimet e tyre dhe për të normalizuar marrëdhëniet, në mënyrë ideale përmes një njohjeje reciproke”./Rel/

Continue Reading

Lajme

Taravari prezanton shumicën e re në Këshillin Komunal

Published

on

Sot në komunën e Gostivarit u formua këshilli komunal, ky keshill komunal ka 31 anetar. ASH ka arritur tē siguroj shumicen me partite tjera dhe kanë 19 keshilltar, informon portali tetova1.

Arben Taravari në rrjetin e tij social facebook shkruan:

Shumicë e re në komunën e Gostivarit 19/31

Continue Reading

Lajme

436 raste të reja dhe 7 viktima nga COVID-19 në 24 orët e fundit

Published

on

Gjatë 24 orëve të fundit sipas njoftimit të Ministrisë së Shëndetësisë janë regjistruar 436 raste të reja të të infektuarve me Kovid-19.

Numri më i madh i të infektuarve është regjistruar në Shkup, 203, Manastir-23, Veles-21, Kumanovë dhe Kavadar nga 22, e kështu me radhë.

Ndërkohë nga Instituti i Shëndetit Publik (ISHP) njoftojnë për 497 pacientë të shëruar dhe 7 të tjerë të cilët e kanë humbur betejën me koronavirusin

Continue Reading

Aktuale