Connect with us

Lajme

Lufta kundër ‘Fake News’, sfidë për Maqedoninë e Veriut

Published

on

Lufta kundër lajmeve të rreme paraqet sfidë për Maqedoninë e Veriut, aq më tepër se vetë institucionet e shtetit jo rrallë herë janë ata që i gjenerojnë të njëjtat duke plasuar fakte jo të vërteta ose gjysmë të vërteta, thonë ekspertët në këtë lëmi.

Nga ana tjetër, Qeveria e Maqedonisë së Veriut kohë më parë ka prezantuar planin që ka të bëjë me luftën kundër dezinformatave, lajmeve të rreme dhe sulmeve kundër demokracisë.

Ekspertët në lëminë e mediave, thonë se Qeveria duhet të tregohet më e vendosur në këtë drejtim duke luftuar lajmet e rreme, madje edhe atëherë kur konstatohet se ajo ka gabuar.

Zhaneta Trajovska nga Shkolla e Lartë e Gazetarisë ne Shkup, për Radion Evropa e Lirë thotë se qytetarët janë të ndjeshëm nga plasimi i lajmeve jo të sakta nga ana e institucioneve të shtetit si rrjedhojë e përvojës së hidhur nga e kaluara, andaj shton ajo, institucionet duhet të tregohen këmbëngulëse për të thënë të vërtetën edhe në momentin kur duket qartë se ata kanë gabuar.

“Nëse nuk sqarohet deri në fund ky rast dhe jo vetëm, kjo do të shndërrohet në një njollë që do të errësojë pasqyrën e realitetit të veprimeve të kësaj qeverie”, thotë Trajkovska.

Nga Qeveria e Maqedonisë së Veriut, thonë se propozim-plani për luftimin e lajmeve të rreme është në përputhje me rekomandimet që ka marrë shteti nga Brukseli dhe Uashingtoni.

“Propozim-plani për veprim është përmbledhje e proceseve, projekteve, masave dhe rekomandimeve për luftë kundër dezinformatave, i përpiluar si rezultat i ndjekjes së masave të Komisionit Evropian, sektorit të komunikimeve të NATO-s, si dhe Komitetit të ekspertëve për gazetari kualitative pranë Këshillit të Evropës”, ka deklaruar kryeministri i Maqedonisë së Veriut, Zoran Zaev.

Por, Isen Saliu, gazetar për Radion Evropa e Lirë konsideron se për të filtruar eterin mediatik nga lajmet e rreme më kompetentë janë vetë gazetarët.

“Kur qeveria apo autoritetet shtetërore tentojnë të vendosin të përcaktojnë se çka është lajm i rremë dhe çka nuk paraqet lajm të rremë, lajm i vërtetë apo lajm i pavërtetë, atëherë rriten gjasat që të bëhen vlerësime të gabuara”.

”Mendoj se kjo çështje nuk i takon në asnjë mënyrë qeverisë apo institucioneve shtetërore, por është çështje që duhet ta rregullojnë organizatat profesionale që merren me çështjen e lirisë së mediave”, thotë Isen Saliu, kryeredaktor i së përditshmes Lajm.

Ai njëherësh thekson se problem paraqet dhe plasimi i lajmeve gjysmë të vërteta dhe nga ana e vetë institucioneve të shtetit të cilat qytetarëve u ofrojnë informacione të rreme ose gjysmë të vërteta për realizimin e çështjeve të caktuara.

“Nuk mund të zgjidhet çështja me lajmet e rreme që për Maqedoninë e Veriut paraqet problem jashtëzakonisht të madh pa pasur një klasë politike e cila drejton institucionet e shtetit e cila nuk bën premtime të rrejshme dhe pason informacione gjysmë të vërteta për çështje të caktuara që i ka nën kompetencë për t`i realizuar”, thotë Iseni.

Ndryshe, Maqedonia e Veriut ka qenë pre e lajme të rrejshme në masë më të theksuar që nga negociatat për Marrëveshjen e Prespës dhe deri tek ratifikimi i protokollit për anëtarësimin e Maqedonisë së Veriut në NATO, kjo ka imponuar nevojën e nënshkrimit dhe të marrëveshjes me Greqinë për t’i bërë ballë sfidës me lajmet e rreme.

Edhe përfaqësuesit e lartë ndërkombëtarë kanë theksuar se qarqe të ndryshme të cilat janë kundër integrimit të vendit në strukturat euroatlantike, do të synojnë ta minojnë këtë proces përmes plasimit të lajmeve të rrejshme.

 

BURIMI: REL

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Aktuale