Connect with us

Bota

La pozitën e ministrit dhe u largua me tren për në shtëpi

Published

on

 

Duke mbajtur postin e kancelarit të Thesarit, Philip Hammond ishte për tre vite njeriu i dytë më i fuqishëm në qeverinë britanike pas ish-kryeministres Theresa May. Por me ardhjen e Boris Johnson në krye të ekzekutivit, Hammond dha dorëheqjen.

Në mediat britanike është publikuar një foto e Philip Hammond brenda në metronë e Londrës, pasi ishte larguar nga Apartamenti nr.11 në Doëning Street.

Me dy valixhe në dorë, një prej politikanëve më të fuqishëm në Britani është fotografuar teksa priste trenin në stacionin qendror të Londrës. Ai u largua nga kompleksi qeveritar me një makinë zyrtare, me destiancion stacionin e trenit.

Philip Hammond është anëtar i Parlamentit që prej vitit 1997 dhe ka mbajtur detyra të rëndësishme si ajo e ministrit të Jashtëm apo e ministrit të Mbrojtjes.

Continue Reading

Bota

Egjipt: Edhe një grua tjetër mbytet nga peshkaqeni

Published

on

Një grua tjetër është vrarë nga një peshkaqen në brigjet e Detit të Kuq të Egjiptit.

Trupi i një turisteje rumune rreth të dyzetave, u gjet pranë resortit të Hurghadas, vetëm disa orë pas një sulmi tjetër fatal ndaj një gruaje austriake 68-vjeçare.

Të dy sulmet ndodhën 600 metra larg njëri-tjetrit, në brigjet e Sahl Hasheesh.Guvernatori i zonës, Amr Hanafi, ka lëshuar një urdhër për të pezulluar të gjitha aktivitetet në brigjet përreth sulmeve.

Të gjitha aktivitetet detare janë ndaluar, duke përfshirë zhytjet, lundrimin dhe peshkimin me anije.

Sulmet e peshkaqenëve janë të rralla në zonë, me incidentet e fundit që besohet të jenë të parat që nga viti 2020.

Gruaja austriake kishte qenë duke notuar kur u sulmua, me peshkaqenin që ia këputi një këmbë dhe një krah, raporton SkyNews.

Ajo mezi ishte gjallë në kohën kur mbërriti në një spital aty pranë dhe vdiq pak më pas, sipas një zyrtari shëndetësor egjiptian.

Hurghada, një qytet turistik i cili shtrihet rreth 25 milje përgjatë bregut të Detit të Kuq të Egjiptit, është veçanërisht i njohur për zhytjet në skuba.

Sulmet vijnë pasi resorti u hap pas izolimit nga pandemia e koronavirusit.

Continue Reading

Bota

Turqit ndalojnë një anije me grurë, të cilën rusët ua kishin vjedhur ukrainasve

Published

on

Autoritete doganore turke kanë ndaluar një anije mallrash ruse e cila transportonte grurë, të cilin më herët Ukraina e kishte raportuar të vjedhur, thekson ambasadori i Ukrainës në Turqi.

“Kemi bashkëpunim të plotë. Anija tani është në hyrje të portit, duke u ndalur nga autoritetet doganore turke”, tha ambasadori Vasyl Bodnar për televizionin shtetëror ukrainas.

Nis shërbimi për pajisje më pasaportë dhe kartë identiteti për qytetarët shqiptarë rezident në Kandada

Ai tha se për fatin e anijes do të vendoset pas mbledhjes së organeve kompetente që do të mbahet nesër, të hënën.

/Ancnews.al/

Continue Reading

Bota

19 të vdekur në aksidentin e një autobusi në Pakistan

Published

on

Një autobus pasagjerësh rrëshqiti nga një rrugë malore dhe ra në një përroskë të thellë në një shi të dendur në Pakistanin jugperëndimor të dielën, duke vrarë 19 persona dhe duke lënduar 12 të tjerë, tha një zyrtar qeveritar.

Mahtab Shah, ndihmës administrator për rrethin e Shiranit në provincën Baluchistan, tha se rreth 35 pasagjerë po udhëtonin në autobus. Ai tha se punëtorët e shpëtimit po kërkonin për të mbijetuar në rrënojat e automjetit të shkatërruar dhe rrethinat.

Shah tha se me sa duket autobusi rrëshqiti në rrugën e lagësht mes shiut të dendur dhe shoferi humbi kontrollin e automjetit, i cili ra rreth 61 metra në përrua.

Aksidentet rrugore vdekjeprurëse janë të zakonshme në Pakistan për shkak të infrastrukturës së dobët rrugore dhe mosrespektimit të ligjeve të trafikut, si dhe automjeteve të mirëmbajtura keq.

Muajin e kaluar, 22 persona humbën jetën në një aksident të ngjashëm kur një autobus ra në një luginë në rrethin Qila Saifullah./REL

Continue Reading

Aktuale