Lajme

Ekspertët: Të shuhet Prokuroria Speciale

Published

4 years ago

10.08.2019

B.SH

Prokuroria Speciale është themeluar më 15 shtator të vitit 2015 dhe kishte për obligim ndjekjen e veprave penale që kanë dalë nga afera e përgjimeve. Kjo prokurori deri tani ka ngritur 17 padi kundër 94 personave, por deri tani epilog ka pasur për ish-kryeministrin Nikolla Gruevski, i dënuar me dy vjet burgim dhe ish-ministren e brendshme, Gordana Jankullovska, me 6 vjet, por asnjëri prej tyre nuk janë duke e vuajtur dënimin. Gruevski është arratisur në Hungari, kursa Jankullovska për arsye të ndryshme disa herë ka shtyrë vendimin për të shkuar në burg

Derisa sa partitë politike vazhdojnë përplasjet lidhur me Ligjin për Prokurorinë Publike, që në thelb ka zgjidhjen statusit të Prokurorisë Speciale, njohësit e çështjeve juridike, kanë dalë me qëndrimin se kjo prokurori duhet të pushojë së ekzistuari. Shkas për një qëndrim të tillë të disa prej ekspertëve të njohur, është humbja e kredibilitetit të Speciales, pas dyshimeve për përfshirjen e kreut të saj, Katica Janeva, në një skandal korruptiv, zhvatje të afaristëve, njëri prej të cilëve ka dhënë 1.5 milion euro për t’i lehtësuar procesin gjyqësor për një shkelje tjetër korruptive.

Një gazetë italiane “La Verita” ka publikuar një video, në të cilën sipas gazetës, shihen paratë që i jepen Bojan Jovanovskit (i afërt i Katica Janevës), ndërsa bisedon me afaristin Orce Kamçev, të cilit i premton se Janeva nuk do të ankimojë vendimin për lirimin e tij nga paraburgimi. “Mendoj se kjo agoni duhet të marrë fund, të gjithë prokurorët duhet të japin dorëheqje nga institucioni i Prokurorisë Speciale dhe punën e tyre ta vazhdojnë në kuadër të Prokurorisë për ndjekjen e krimit të organizuar dhe korrupsionit. Veç kësaj, kjo prokurori duhet t’i procedojë edhe rastet që ajo është duke i hetuar apo për të cilët tani më po zhvillohen procese gjyqësore”.

“Nëse ka lëndë gjyqësore apo procedura hetimore që kanë nisur pas skadimit të afatit për ngritjen e tyre nga Specialja, konsideroj se ato duhet të përsëriten që të mos lihet as edhe një hapësirë për dyshime apo interpretime të ndryshme në aspekt të ndikimeve politike apo mosfunksionimit të së drejtë”, thotë Aleksandar Tortevski, njohës i çështjeve juridike. Ai thotë se në debatin që ka të bëjë me Ligjin për Prokurorinë Publike, fjalën kryesore duhet ta kenë ekspertët, që vendi përfundimisht të ketë një zgjidhje, e cila garanton pavarësi në punën e organit të ndjekjes penale. Kjo, sipas tij, do të çojë në kthimin e besimit të qytetarëve në gjyqësor, që vazhdon të jetë në nivelin më të ulët të mundshëm, në veçanti pas pritjeve të mëdha që kishin në Prokurorinë Speciale.

I të njëjtit mendim është edhe Trendafil Ivanovski, ish-kryetar i Gjykatës Kushtetuese, sipas të cilit Maqedonisë së Veriut, si asnjëherë më parë i duhet një prokuror profesionist dhe i pandikuar nga politika ditore. “Ne duhet të kemi një Prokurori, e cila do të luftojë krimin, korrupsionin dhe që do të përgjigjet para çdo veprimi të saj bazuar në dispozitat ligjore e kushtetuese. Ne duhet të kemi një prokuror të ndershëm, përgjegjës, prokuror i cili në asnjë moment nuk do të ndikohet nga politika. Vetëm një jurist i mirë dhe i përgjegjshëm mund të jetë në krye të organit të akuzës”, vlerëson Ivanovski.

Ai beson se Prokuroria Speciale mund të kishte një rol të tillë, sikur të mos dilnin dyshimet për përfshirjen e kreut të saj në rastin me afaristin, të cilit dy personat që ndodhen në paraburgim i morën 1.5 milion euro. “Prokuroria Speciale, sikur mos të na turpëronte me veprimet e fundit, do të mund të ishte një organ i tillë, me karakteristikat që përmenda. Por, aktet e fundit, dyshimet për përfshirjen e kreut të saj në afera të ulëta e kanë rrënuar imazhin e saj. Në kuadër të saj ka njerëz që mund të vazhdojnë profesionin e tyre, por derisa të mos pastrohet rasti me ish-kryeprokuroren Speciale, kredibiliteti i këtij institucioni është i rrënuar”, thotë Ivanovski.

BURIMI: REL

Lajme

Edhe në sondazhin e ri Taravari shumë pranë Ahmetit

Published

55 mins ago

27.03.2023

G.A

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

11 hours ago

27.03.2023

G.A

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Lajme

Anëtarë te Besës nga Gostivari kalojnë në ASH

Published

2 days ago

25.03.2023

G.A

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe simpatizantë të tjerë nga Lëvizja Besa në Gostivar të kalojnë në ASH.