Connect with us

Lajme

Stefanova: Katica Janeva nuk donte që Kamçevi të burgosej

Published

on

Lile Stefanova, prokurorja speciale në lëndën “IMPERIA”, ku të dyshuar janë Orçe Kamçev dhe Cvetan Pandelski, ka dhënë një deklaratë menjëherë pas asaj të Kryeprokurores Speciale, Katica Janeva, transmeton in7.

Ajo në këtë deklarim detajizon se si Kamçev dhe Pandeleski janë përpjekur që të ndikojnë tek ajo dhe se si ajo ka pasur mosmarrëveshje edhe me Janevën në lidhje me zëvendësimin e masës së paraburgimit ndaj dy të dyshuarëve të lartëpërmendur.

Ajo thotë se nuk ka pranuar që t’i kthehet pasaporta Pandeleski, dhe se në një takim në prill të këtij viti, Katica Janeva i ka thënë se duhet të përgatit një raport për të dyshuarit (Kamçev dhe Pandelski) që të paguajnë dëmet e shkaktuara ndaj shtetit, pas së cilës rastet “duhet të mbyllet”dhe të dyshuarit“ të mos shkojnë në burg ”.

“Në gusht 2018, të dyshuarit Jordan Kamçev dhe Cvetan Pandeleski u përpoqën të ndikojnë në hetimin paraprak që ishte drejtuar kundër tyre dhe të tjerëve në atë kohë, duke përdorur njohjen time me z. Vanço Çifliganec. Për këtë kam informuar Katica Janevën dhe prokurorët tjerë, dhe gjithashtu kam informuar ekipin tim të hetuesve. Në një takim të realizuar në Prokurorinë Speciale, z. Vanço Çifliganec u përpoq të merrte informacione për procedurat kundër “miqve të tij”, Cvetan Pandelski dhe Jordan Kamçev. Unë ia bëra të qartë z. Çifliganec se nuk vjen parasysh asnjë diskutimi rreth kësaj çështje. Thënia e të dyshuarit Jordan Kamçev, në pamjet e publikuara, në të cilat ai i lejoi vetes të përdorte emrin tim është plotësisht e pavërtetë. Unë besoj se qëllimi i Kamçevit me këto publikimeve është të më diskreditojë mua si prokuror në procedurat kundër tij, veçanërisht pasi ai e regjistroi bisedën me personin Bojan Jovanovski. Gjatë procedurave të mëtejme, asnjë person personalisht nuk ka kërkuar asgjë në lidhje me këtë lëndë, as nuk e dija që kërkesa të tilla i drejtoheshin edhe Katica Janevës,” thotë në deklaratën e saj, prokurorja Stefanova.

Gjithashtu ajo thotë se në gjysmën e dytë të muajit dhjetor të vitit të kaluar, ajo ka shprehur mospajtime me vendimin e Janevës për ndryshim të masës së paraburgimit, në masë paraburgimi shtëpiak për të dyshuarit e rastit “IMPERIA”.

“Vlerësova se paraburgimi shtëpiak do të lejonte që të dyshuarit të ndikonin në hetim, gjë që u vërtetua se ishte e saktë, duke pasur parasysh regjistrimet e publikuara tani”.

Në mars të këtij viti, sipas saj, Stefanova as nuk ishte pajtuar me vendimin e Katica Janevës për lëshimin e një dokumenti të përkohshëm udhëtimi për të dyshuarin, Cvetan Pandelski.

“Por, pavarësisht kundërshtimit tim, u dha një pëlqim i tillë. Vendimi për lëshimin e një dokumenti të përkohshëm udhëtimi për të dyshuarin Jordan Kamçev u mor nga Katica Janeva në një kohë kur isha me pushim vjetor dhe për këtë nuk u njoftova. Për këtë vendim mora vesh nga prokurorja Elizabeta Josifoska, së cilës i kishte ardhur i gatshëm për nënshkrim”, thotë Stefanova.

Ajo më tej thotë se më 16 prill të këtij viti, në zyrën e Katica Janevës është mbajtur një mbledhje në të cilën ajo solli vendime të caktuara para prokurorëve pjesëmarrës në lidhje me veprimet e mëtejme në rastet “IMPERIA” dhe “POSHTENSKA BANKA”.

“Konkretisht, ne u udhëzuam, deri më 6 maj 2019, të paraqisnim raporte me shkrim për dëmin në të dy rastet që të dyshuarit duhet t’i paguanin shtetit, pas së cilës lëndët duhet ‘të mbyllen këtu’ dhe të dyshuarit ‘të mos shkojnë në burg’. Megjithatë, unë dhe prokurori Burim Rustemi përgatitëm raporte me shkrim në të cilat, përveç shumave të dëmeve, renditëm edhe dënimet e mundshme me burg, sipas Kodit Penal, në rast të marrëveshjes me Prokurorin Publik. Për më tepër, për rastin ‘IMPERIA’, theksova se ishte në një fazë shumë të hershme për një zgjidhje të mundshme dhe se hetimi duhet të vazhdojë në periudhën e ardhshme,”, ka thënë prokurorja Lile Stefanova./in7.tv/

Continue Reading

Lajme

Rruga për Qafë-Thanë, në gjendje të rëndë

Published

on

Edhe këtë verë të gjithë ata që do të kalojnë pushimet në bregdetin shqiptar do të udhëtojnë në një rrugë të pasigurt që të çon në pikën kufitare të Qafë Thanës. Më sinjalistikë të pamjaftueshme dhe plot gropa, udhëtimi në të përbën rrezik jo vetëm për turistët, por edhe për banorët e vendbanimeve aty pranë, shkruan Alsat.

“Siç po kalon koha, do të jetë kështu kohë të gjatë. Rruga është shumë e rrezikshme. Kur bie shi apo edhe në dimër është shumë e vështirë për të vozitur, vrimat hapen nga shiu dhe ato nuk duken. Nuk është shënuar asgjë. As vijat nuk vërehen e asgjë tjetër”, banor.

“Ka pasur premtime të shumta nga shteti gjatë viteve të fundit se rruga që të çon në pikën kufitare Qaf Thanë me Shqipërinë fqinje do të riparohet. Por nga premtimet mbetën vetëm fjalët. Ekipi i Alsat edhe sot ka vërejtur makina që kthehen apo shkojnë drejt Shqipërisë, pasi sot është ditë jo pune”, raporton gazetari i Aslat, Miki Trajkovski

Për rehabilitimin e kësaj rruge të gjatë 19 kilometra janë siguruar 8 milionë euro nga BERZH, thonë nga Ndërmarrja publike “Rrugët Shtetërore”. Për këtë rrugë si dhe për rehabilitimin e pesë rrugëve të tjera është shpallur tender për realizimin e punëve ndërtimore. Tani në proces është vlerësimi i ofertave të arritura. /Alsat.mk

Continue Reading

Kosovë

Deputetja e VV-së uron presidenten Osmani me rastin e Ditës së Presidentit

Published

on

Deputetja e VV-së Doarsa Kica Xhelili, e ka uruar në mënyrë të veçantë presidenten Vjosa Osmani në Ditën e Presidentit.

Deputetja Xhelil është shprehur e lumtur që presidenten Osmani e njeh nga afër dhe para se ta marrë pozitën e shefes së shtetit.

“Para se të jetë, dhe ta njohim si Presidente, kemi njohur Vjosën. Jo rëndom qëllon që njerëzit e njohin nga afër Presidentin apo Presidenten e tyre. Natyrshëm, Vjosa, duke qenë ajo që është, nuk përkon shumë me idenë e të bërit të gjërave ashtu që ato të jenë të pranueshme për masën domosdoshmërisht. Vjosa, duke qenë sikurse është, i bën gjërat asisoji që ajo është e bindur se i shërbejnë zhvillimit të vendit, pavarësisht gjykimit eventual të masës, por gjithmonë duke i shërbyer masës”, ka shkruar ajo.

Ajo ka shkruar se Vjosa Osmani punon shumë prandaj si përfaqësuese e Popullit thotë se nuk e ka pasë ndjesëin e përfaqësimit që nga vdekja e Presidentit Rugova.

“Prandaj Vjosa edhe mund të sulmohet. Prandaj me Vjosën edhe mund të mos pajtohen të gjithë. Por, për arsyet e njëjta, Vjosa nuk mund të injorohet – as brenda, as jashtë. Vjosa punon shumë teksa shkruan historinë e shpërfaqjes së një Kosove ku për Presidentin ngritesh në këmbë, jo për arsye institucionale, jo për arsye protokolare, por për arsye të ndjesisë së përfaqësimit dinjitoz që ky vend sot e ka, për shkak të saj, e që nuk e mbaj në mend ta kem ndjerë pas 21 janarit të vitit 2006. Vjosa, Presidentja jonë, Urime dita yte e merituar”, ka shkruar Kica Xhelili.

Continue Reading

Lajme

Ekstremisti Sheshel ftohet që të dëshmojë në Hagë

Published

on

Lideri i partisë djathtiste në Serbi, Partisë Radikale Serbe, Vojsllav Sheshel, është thirrur që të dëshmojë para Mekanizmit Ndërkombëtar për Gjykatat Penale, që është pasues i Tribunalit të Hagës.

Sheshel konfirmoi për Radion Evropa e Lirë se seanca dëgjimore është caktuar që të mbahet më 1 korrik.

Ai po ashtu tha se me shumë gjasa do t’i përgjigjet kësaj ftese.

Ftesën për marrje në pyetje e ka konfirmuar përmes një postimi në Twitter edhe ish-zyrtari i lartë i partisë së Sheshelit, Nemanja Sharoviq. Ai tha se nuk dëshiron që ta pranojë ftesën e këtij mekanizmi, sepse siç tha, nuk ishte shkruar në cirilik.

Sheshel tha për Radion Evropa e Lirë se ftesë e ngjashme u është dërguar edhe Lilana Mihajlloviqit, Ognjen Mihajlloviqit, Mirolub Ignjatoviqit, Marina Ristiqit dhe Marina Ragusit. Që të gjithë këta janë anëtarë ose ish-anëtarë të Partisë Radikale Serbe.

Ftesa për dëshmi ka të bëjë me “shkeljet e pretenduara të rregullave të Tribunalit të Hagës sa i përket mbrojtjes së identitetit të dëshmitarëve të mbrojtur dhe dokumenteve konfidenciale”, tha Sheshel gjatë një bisede telefonike me Radion Evropa e Lirë.

“I kam publikuar që të gjitha në librat e mi, mbi 50 libra. Do të publikoj të gjitha materialet e Tribunalit të Hagës nga rasti im, sepse rasti im ka përfunduar dhe ata nuk mund t’i mbajnë sekrete për 100 vjet këto informacione”, tha Sheshel.

Ai shtoi se nuk ka rrezikuar jetën e dëshmitarëve, por tha se do të vazhdojë të nxjerrë këto materiale.

Nga Mekanizmi Ndërkombëtar për Gjykatat Penale dhe Zyra e Prokurorit të Serbisë për Krime Lufte ende nuk kanë komentuar.

Vojsllav Sheshel më 2018 ishte dënuar me 10 vjet burgim nga Tribunali i Hagës për nxitje të persekutimit, dëbimit, zhvendosjes, zhvendosjes me forcë të kroatëve në fshatin Hërtkovci më 1992.

Më 6 maj 1992, Sheshel mbajti një fjalim në këtë vend, që sipas Mekanizmit Ndërkombëtar për Gjykatat Penale tha se ka kontribuar në persekutimin, dëbimin dhe veprime jonjerëzore.

Sheshel u la i lirë në Serbi për shkak se vuajti dënimit gjatë paraburgimit nga viti 2003 deri më 2014.

Ndryshe, Mekanizmi Ndërkombëtar për Gjykatat Penale për vite me radhë i ka kërkuar Serbisë që të ekstradojë anëtarët e partisë së Sheshelit, Petar Jojiq dhe Vjerica Radeta, të cilët akuzohen për frikësim, kërcënim dhe ofrim të ryshfetit për dëshmitarët në rastin gjyqësor kundër Sheshelit.

Serbia ende refuzon që të ekstradojë ata, duke argumentuar se sipas një vendimi të Gjykatës së Lartë të Beogradit, nuk janë plotësuar kushtet për ekstradimin e këtyre personave. Kjo gjykatë, më 2016, tha se nuk ka baza ligjore për arrestimin dhe ekstradimin e anëtarëve të Partisë Radikale Serbe, sepse ligji vendor për bashkëpunim me gjykatën e Hagës parashikon se vetëm personat e akuzuar për krime lufte mund të ekstradohen dhe jo ata që akuzohen për minim të gjykatës. /REL

Continue Reading

Aktuale