Connect with us

Lajme

REL: Komisioni Anti-korrupsion hap lëndë ndaj zyrtarëve në pushtet

Published

on

Komisioni për Parandalimin e Korrupsionit në Maqedoninë e Veriut ka ngritur dyshime ndaj tre zyrtarëve aktualë të shtetit për korrupsion, nepotizëm dhe konflikt të interesave.

Ekspertët kanë përshëndetur këtë veprim të komisionit në fjalë duke theksuar se me rëndësi është që këto lëndë të vazhdojnë të procedohen edhe në instancat e tjera që në fund të marrin epilog gjyqësor, në të kundërtën theksojnë se puna e këtij Komisioni do të jetë e kotë.

Komisioni për Parandalimin e Korrupsionit në Maqedoninë e Veriut gjatë kësaj jave ka kërkuar që të ndiqet për përgjegjësi penale kreu i Komunës së Sarajit, Blerim Bexheti, i cili vjen nga radhët e partisë shqiptare në pushtet, BDI, ngase ai nuk ka vepruar ndaj ndërtimit joligjor të platformave në lokalitetin turistik të Kanionit Matkë.

Komisioni shtetëror për parandalim të korrupsionit në Maqedoninë e Veriut ka reaguar në lidhje me shfaqjen e konfliktit të interesave, pasi kompania e cila është në pronësi të këshilltarit të Ohrit, Nefi Useini, i cili vjen nga radhët e partisë shqiptare në pushtet, Bashkimit Demokratik për Integrim, ka dorëzuar oferta në tenderin që ka hapur po “Ndërmarrja Komunale” e Komunës së Ohrit. Antikorrupsioni ka hapur edhe lëndë për vendosjen e jashtëligjshme të platformës së restorantit të tij në bregun e Liqenit të Ohrit.

Lënda e tretë ka të bëjë me indiciet për kurdisjen e tenderit lidhur me furnizimet publike të ndërmarrjes për fluturime civile. Në bazë të disa bisedave të përgjuara dyshohet se është i përfshirë sekretari i Qeverisë, Dragi Rashkoski, nga radhët e socialdemokratëve.

Ekspertët thonë se është për t’u përshëndetur puna e Komisionit Anti-Korrupsion, e cila ndryshe nga përbërja e kaluar, hap raste ku të përfshirë janë dhe zyrtarë aktualë, por shtojnë se me rëndësi të veçantë është veprimi i institucioneve përkatëse për t’i zbardhur në tërësi këto raste.

Sllagjana Taseva nga organizata joqeveritare “Transparency International”, për Radion Evropa e Lirë thotë se në këtë moment me shumë rëndësi është që të veprojnë të gjitha institucionet që janë kompetente për luftimin e korrupsionit.

“Ajo që tani pritet, është reagimi i të gjitha institucioneve kompetente duke ndërmarrë veprime konkrete lidhur me kërkesën e Komisionit Shtetëror për parandalimin e Korrupsionit. Nëse nuk ka efekt nga procedimi i lëndëve në të gjitha institucionet që janë përgjegjëse për të luftuar korrupsionin, duke i përballur të gjithë të dyshuarit me drejtësinë, atëherë do të bjerë në ujë e gjithë puna e Komisionit Shtetëror për Parandalimin e Korrupsionit”.

“Pra, nëse nuk ka epilog konkret nga gjykatat, si instancë e fundit do të jetë shumë e parëndësishme nëse ka hapur ose jo lëndë Anti-korrupsioni për veprime të caktuara të zyrtarëve”, thotë Taseva.

Ekspertët thonë se nuk besojnë që institucionet të bëjnë obstruksione në mbledhjen e dokumentacionit të nevojshëm që lëndët t’i procedojnë në organet e drejtësisë, por sipas tyre, problemi më i madh qëndron në veprimin e ngathtë të disa institucioneve që janë kompetente për të ndjekur krimin.

“Të gjitha institucionet kanë obligim ligjor t’i ofrojnë Komisionit për Parandalimin e Korrupsionit dokumentet e nevojshme dhe t’u përgjigjen kërkesave të komisionit në fjalë”.

“Çështja është se këto institucione nuk funksionojnë me azhuritet. Njëherësh anëtarët e Komisionit për Parandalimin e Korrupsionit duhet të insistojnë në kërkimin e dokumentacionit të nevojshëm për procedimin e mëtejmë të këtyre rasteve”, thotë për Radion Evropa e Lirë, Arif Musa, ish-anëtar i Komisionit Anti- korrupsion.

Ekspertët thonë se proceset duhet të zhvillohen në formë transparente që të mos lënë hapësirë për dyshime.

Ndërkohë, ndaj vendimit të Komisionit për Parandalimin e Korrupsionit ka reaguar kryetari i Komunës së Sarajit, Blerim Bexheti. Ai ka paralajmëruar se do të ngrejë padi penale ndaj anëtarëve të Komisionit për Parandalimin e Korrupsionit, duke shfaqur dyshime se vendimi i anëtarëve të Komisionit është i ndikuar politikisht.

Ndryshe, Maqedonia e Veriut në tetor pret caktimin e datës për fillimin e bisedimeve me Bashkimin Evropian, por faktori ndërkombëtarë ka tërhequr vërejtjen se çlirimi i institucioneve nga influenca politike, lufta kundër krimit të organizuar dhe rezultatet konkrete nga realizmi i reformave në sistemin gjyqësor, do të jenë vendimtare nëse vendi do të marrë ose jo dritën e gjelbër për t’u bërë pjesë e familjes evropiane.

Radio Evropa e Lirë

Continue Reading

Lajme

Bozhinovski: LSDM humbi legjitimitetin nga zgjedhjet e mëparshme

Published

on

Vladimir Bozhinovski në emisionin “24 analiza” tha se dështimi i LSDM-së në këto zgjedhje është për shkak të dëshpërimit që qytetarët kanë pritur nga kjo parti.

“Janë dëshpëruar për zhvillimin e shtetit në disa aspekte dhe pas marrjes së legjitimitetit në zgjedhjet e kaluara, LSDM filloi t’i humb dhe të bie”, tha Bozhinovski.

Ai tha se nga viti i kaluar ka ndryshyar perceptimi pozitiv ndaj Filipçes dhe shtetit dhe në vend të mbështetjes, ka perceptim negativ.

“Gjithmonë zgjedhjet lokale janë kombinim për punën e kryetarit dhe puna e qeverisë. Edhe në vitin 2017 ishin zgjedhje lokale dhe ato ishin zgjedhje ku qeveria mori legjitmitetin”, tha Bozhinovski./Telegrafi/

Continue Reading

Bota

Ish-sekretarja e kampit nazist del para gjyqit për vrasjen e 11.000 njerëzve

Published

on

Një ish-sekretare 96-vjeçare e kampit të përqendrimit nazist është paraqitur para gjyqit në Gjermani për dyshimin se ka bashkëpunuar për vrasjen e mbi 11.000 njerëzve të burgosur aty.

Furchner e cila ishte 18 vjeç kur filloi të punonte në kampin Stutthof në Poloni si sekretare e komandantit Paul Werner Hoppe, po gjykohet në një gjykatë për të rinjtë për shkak të moshës së saj kur krimet u kryen.

Pasi tentoi të ikte nga gjyqi në shtator, duke dalë nga shtëpia dhe më pas udhëtoi me një taksi, ajo u arrestua disa orë më vonë dhe u dërgua në mbajtje për pesë ditë, raporton Guardian.

Përveç emrit, adresës së saj dhe se është e ve, ajo nuk i është përgjigjur asnjë pyetje tjetër.

Gjykatës iu tha se ajo “duhet të ketë qenë e informuar për të gjitha ngjarjet” që ndodhën aso kohe nga nazistët në Stutthof për shkak të rolit të saj kyç administrativ.

Continue Reading

Lajme

KSHZ-ja kërkon listën e kompanive që kanë importuar “Fingerprint”

Published

on

Komisioni Shtetëror i Zgjedhjeve dy ditë pas zgjedhjeve lokale nga Drejtoria e Doganave kërkoi listën e kompanive që eventualisht kanë porositur aparate të njëjta për leximin e shenjave të gishtave nga jashtë vendi, si ato që u shfrytëzuan në zgjedhje. Këtë për Alsat e konfirmoi kryetari i KSHZ-së, Aleksandar Dashtevski i cili tha se këtë e kërkojnë për arsye sigurie, që të mos vijë deri te mundësia e përzierjes së aparateve që i siguroi KSHZ me aparate të njëjta të mundshme të blera nga kompani dhe firma private.

“Kemi indikacione se përgjigja do të jetë pozitive, se asnjë kompani nuk ka importuar pajisje të tilla deri më tani. A keni pasur ndonjë njoftim si KSHZ që ndoshta disa kompani kanë porositur pajisje të tilla? – Nuk kishim njoftim të tillë, siç thashë, e bëra për sigurinë tonë, për të qenë të sigurt se nuk kishte diçka të tillë, që mos të dalë se të tjerët po importojnë, për t’u siguruar që askush nuk ka importuar pajisje të tilla deri më tani- Pse po e bën këtë Komisioni Shtetëror Zgjedhor, a nuk ka shërbime sigurie që duhet ta bëjnë? – Po, ka. Siç thashë, për ne, për shkak të interesit personal që kemi, për t’u siguruar që nuk ka diçka të tillë”- deklaroi Aleksandar Dashtevski- kryetar i KSHZ.

Kjo kërkesë është pranuar nga Dogana një ditë më parë kurse shërbimet po kontrollojnë nëse ndonjë kompani apo institucion ka porositur pajisje të njëjta. Dashtevski siguron që pajisjet janë të sigurta dhe funksionale dhe tani për tani nuk ka nevojë të porositen tjera. Nëse ndonjë nga pajisjet prishet në pesë vitet e ardhshme, është detyrim i kompanisë gjermane “Dermalog” ta zëvendësojë me tjetër. Përndryshe, zgjedhjet do të mbahen përsëri në dy komuna. I tillë është rasti me Mavrovën dhe Rostushën si dhe Qendër Zhupën. Në të dy komunat nuk kishte pjesëmarrje të një të tretës së votuesve të regjistruar. Por, çfarë nëse nuk ka pjesëmarrje të mjaftueshme përsëri në votimin e përsëritur?

“Pra, ligjvënësi do të duhet të vendosë nëse ajo komunë duhet të zgjerohet, zvogëlohet e kështu me radhë, sepse nuk ka pjesëmarrje të mjaftueshme. Dhe mendoj se arsyeja është sepse nuk ka mjaft banorë në kuptimin që nuk janë të pranishëm në shtëpitë e tyre “- pohoi Aleksandar Dashtevski, Kryetar i KSHZ-së.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Mavrovë- Rostushë

Pjesëmarrja: 31%

Votues: 10.144

Kanë votuar: 3.144

Votat e nevojshme: 3.381

Mungojnë: 237 vota

Qendër Zhupa

Pjesëmarrja: 25,60%

Votues: 7.317

Kanë votuar: 1.873

Votat e nevojshme: 2.439

Mungojnë: 566 vota

Ndërkohë rrjedh afati prej 48 orësh për pjesëmarrësit në zgjedhje të cilët mund të paraqesin ankesa në KSHZ, në lidhje me rezultatin e zgjedhjeve. Nëse ankesat nuk pranohen nga KSHZ -ja, atëherë partitë dhe pjesëmarrësit në zgjedhje kanë të drejtë të paraqesin padi në Gjykatën Administrative, si instancë më e lartë. /Alsat M/

Continue Reading

Aktuale