Connect with us

Lajme

DW: A është ky fundi i drejtësisë në Maqedoni?

Published

on

Gazeta italiane “La Verita” në edicionin on-line ka publikuar një video nga takimi i të dyshuarve në rastin “Zhvatja” Bojan Jovanovski “Boki 13” dhe Zoran Mileski-Kiçec me biznesmenin Jordan Kamçev. Në videon e publikuar, e cila është filmuar në shkurt të këtij viti, siç bën të ditur gazeta, shihen euro të paketuara me specifikime të shënuara me dorë në fleta, ndërsa dëgjohet edhe një bisedë e Jovanovskit dhe Kamçevit për një lëndë të Prokurorisë Speciale, në të cilën përmendet emri i prokurores speciale publike Katica Janeva.

Në bisedën midis zhvatësit, Bojan Jovanovski dhe biznesmenit Orce Kamçev dëgjohet se si zhvatësi i premton biznesmenit se do të lirohet nga akuza në lëndën “IMPERIA”.

“Katica nuk do të përdorë mjete juridike për zvarritje, të hënën ose të martën ju jeni në liri”, i thotë Jovanovski Kamçevit. Në lëndën “Zhvatja” janë të dyshuar Bojan Jovanovski i njohur me nofkën “Boki 13” dhe Zoran Milevski i njohur si Zoki Kiçec, për zhvatjen e biznesmenëve nëpërmjet prokurorit publik apo shefes së Prokurorisë speciale Katica Janeva.

Institucionet gjyqësore distancohen nga videoja

Videoja, që e ka publikuar gazeta italiane “La Verita” në lidhje me lëndën “Zhvatja” nuk ka dalë nga Prokuroria, thotë prokurori shtetëror publik Lubomir Joveski.

“Filmimi i publikuar në gazetën italiane nuk është nga burim i Prokurorisë”, thotë Joveski në një deklaratë për “Gazetën e Pavarur”.

Nga Prokuroria Themelore Publike për Krim të Organizuar dhe Korrupsion, që procedon lëndën “Zhvatja”, nuk precizojnë nëse e posedojnë këtëm filmim si dëshmi materiale.

“Të gjitha dëshmitë të cilat Prokuroria Themelore Publike për Krim të Organizuar dhe Korrupsion i posedon në lëndën për të cilën tregoni interes do t’i prezantojë para gjykatës kompetente gjatë procedurës eventuale gjyqësore. Lënda është në fazën e hetimit në të cilën në vazhdimësi po punohet në sigurimin e të gjitha dëshmive”, thuhet në kumtesën e Prokurorisë.

Prokuroria Speciale Publike (PSP) përmes një njoftimi për media ka reaguar në lidhje me videon e publikuar për rastin “Zhvatja” në të cilën shihet se si të akuzuarit i kanë marrë paratë nga afaristi Jordan Kamçev. Nga PSP thonë, se në pamjet e publikuara shihet se nuk ka lidhje mes të thënave në video dhe propozimeve për paraburgim nga PSP

A është ky fundi i drejtësisë në Maqedoni?

Në videon që publikoi gazeta italiane “La Verita” nga ana e të akuzuarit Bojan Jovanovski u përmend edhe prokurorja speciale Katica Janeva, kjo paraqet indikatorë për hetime shtesë, thotë avokati Aleksandar Tortevski.

“Nga aspekti penalo-juridik, Janeva nuk është e komprometuar, sepse përmendet nga një person tjetër, por përmendja e saj, duke pasur parasysh se bëhet fjalë për funksionarë të lartë, është mjaftueshëm për hetime shtesë lidhur me përmbajtjen e bisedës. Duhet të hetohet si është sjellur ajo në lëndën konkrete, a kanë ndodhur detajet që janë folur, a ka qenë sjellja e çuditshme dhe e pazakontë në raport me lëndët e tjera”, thotë Tortevski. Sipas tij ky filmim është i mjaftueshëm që Janeva të thirret në intervistë. Ai thekson, se në këtë drejtim duhet të hetohen edhe bashkëpunëtorët e Janevës.

Profesori i së drejtës penale Bashkim Selmani vlerëson se që nga momenti i dyshimit, prokuroria është e detyruar që të hapë lëndë penale për vërtetësi penale apo jo.

“Që nga momenti i dyshimit, për involvim direkt apo indirekt në bazë ligjit procedural parahetimor dhe prova që çojnë në vërtetësinë provuese, qofshin provat verbale apo materiale, prokuroria dhe organet e ndjekjes janë të detyruara që të hapin lëndë penale për të vërtetuar nëse ka bazë penale apo jo. Por ndodh që në praktikën jo-funksionale apo të vonuar hetimore, keqbërësit ndikojnë në hubmjen apo fshehjen e elementeve të krimit!”, thotë profesori i së drejtës penale Bashkim Selmani.

Eksperti juridik Gordan Kallajxhiev është i mendimit se pas publikimit të kësaj videoje duhet seriozisht të hulumtohet se si këto dëshmi nga rasti “Zhvatja” kanë arritur në Itali.

“Rrëfimi në video është konzistent me tregimin e zhvatjes . Është shqetësues fakti, se ka tregues, që të çojnë në linjën se në tërë këtë rrëfim ka implikime politike”, thotë Kallajxhiev. Sipas tij është tejet papërgjegjësi e madhe se gjykatësja Vilma Rusokosa, e cila udhëheq lëndën gjyqësore “Zhvatja” dhe prokurorja speciale Katica Janeva, për momentin gjenden në pushim jashtë vendit.

“Tek ne po fundoset shpresa për shtetin juridik ,shtetin e së drejtës ndërsa ato që duhet ta zbardhin këtë aferë janë në pushim”, shprehet Kallajxhiev.

 

BURIMI: DW

Continue Reading

Lajme

ASH-dega Studeniçan: Ne mbështesim dhe përkrahim Azem Sadikin

Published

on

By

ASH-dega Studeniçan: Ne mbështesim dhe përkrahim Azem Sadikin

Dega e Aleancës për Shqiptarët (ASH) – në Komunën e Studeniçanit në rrethinë e dytë të zgjedhjeve lokale mbështet me strukturat e saj kryetarin aktual edhe për një mandat, Azem Sadiki.

Këtë e ka bërë të ditur kreu i degës së ASH-së në Karshiakë, Avdil Imeri. “Vendim shumë i lehtë për strukturat e Aleancës për Shqiptaret se kënd duhet te përkrahim më 31 tetor ne Karshiakë. Punët e mira i prekim dhe i shohim çdo ditë andaj apelojmë te çdo anëtar dhe simpatizues i ASH-së si dhe te çdo banor i komunës tonë që fuqishëm te mbështesim kryetarin aktual z. Azem Sadiki që të vazhdojnë punët e mira për banorët e Karshiakës. -Te votojmë drejt dhe pastër, #Voto11”, ka bërë të ditur Imeri.

Në anën tjetër, pak orë më parë sekretari gjeneral i Aleancës për shqiptarët (ASH), Arben Taravari i ftuar në Tv Klan-M duke folur për mbështetjen e partisë së tij për kandidatët nëpër komunat ku nuk garon ASH-ja në rrethinë e dytë, ka theksuar se anëtarësi e ASH-së në Studeniçan është për mbështetje të kryetarit aktual të komunës Azem Sadiki.

“Në Studeniçan në parim, edhe pse nuk e kemi biseduar, logjika ime është që duhet të përkrahet ai kandidat që nuk është i BDI-së. S’kemi qëndrim partie po në parim e shoh se anëtarësia më së shumti duan ta votojnë atë që nuk është BDI. Por përsëri ato le të vendosin vet”, ka theksuar Taravari.

Continue Reading

Lajme

MPB: Letërnjoftimet do të mund të merren edhe të shtunën dhe të dielën

Published

on

By

MPB: Letërnjoftimet do të mund të merren edhe të shtunën dhe të dielën

Në prag të raundit të dytë të zgjedhjeve lokale, që do të mbahen të dielën (31 tetor), MPB informon se edhe të shtunën edhe të dielën do të punojnë shërbimet administrative në komunat ku do të ketë votim, ndërsa qytetarët do të mund t’i marrin letërnjoftimet.

Departamenti i Çështjeve Civile, përkatësisht drejtoritë për punë administrative të kësaj njësie organizative në kuadër të MPB-së në Kumanovë, Veles, Ohër dhe Tetovë me të gjitha njësitë rajonale në kuadër të tyre më 30.10.2021 do të punojnë në pranimin dhe lëshimin e letërnjoftimeve me orar të rregullt, prej orës 08.00 deri në 16.00.

Nga MPB njoftojnë se njëkohësisht, Departamenti për Çështje Administrative – Shkup do të punojë për pranimin dhe dhënien e letërnjoftimeve me orar të rregullt të punës nga ora 08:00 deri në 16:00 vetëm në objektin e RTVM-së më 30.10.2021 (e shtunë).

“Të dielën, më 31 tetor 2021, të gjitha njësitë organizative kompetente të listuara do të punojnë vetëm në dhënien e letërnjoftimeve të përgatitura për qytetarët me orar të punës nga ora 07:00 deri në 19:00, duke përfshirë edhe pikat e shpërndara në Shkup (Gjorçe Petrov, Beko, Butel dhe Draçevë)”, thonë nga MPB.

Continue Reading

Kosovë

Kurti për kërcënimin: Nuk ndjehem i rrezikuar, s’e kam ndryshuar agjendën

Published

on

By

Kurti për kërcënimin: Nuk ndjehem i rrezikuar, s’e kam ndryshuar agjendën

Kryeministri i Kosovës Albini Kurti, ka folur në konferencë për media për kërcënimet që ka marrë nëpërmjet rrjeteve sociale.

Në një postim në Facebook, një person me llogari false kishte thënë se do të paguante para për vrasjen e Kurtit.

Kurti ka thënë se nuk ndihet i kërcënuar dhe se nuk e ka ndryshuar agjendën që e kishte të planifikuar. Ai nuk ka dhënë detaje se për çka është kërcënuar dhe nga kush.

“Unë nuk ndjehem i rrezikuar, por janë organet e sigurisë që i vlerësojnë rrethanat e caktuara, përndryshe unë as dje e as sot nuk e kam ndryshuar agjendën time”, tha Kurti.

Kurti u përgjigj edhe sa i përket pyetjes për braktisjen e institucioneve nga përfaqësuesit serb.

“Mund të ketë pretekste të imagjinuara, por nuk ka arsye që përfaqësuesit serb t’i braktisin institucionet”, tha Kurti.

Burimi

Continue Reading

Aktuale