Connect with us

Lajme

Zbulohet indentiteti i viktimës së gjetur në qese plastike dje në Shkup

Published

on

Vetëm për pak javë në lokacione të ndryshme në vend janë gjetur 3 persona të vdekur të cilët në rrethana ende të panjohura e kanë humbur jetën. Në komunën e Strumicës përkatësisht në ujërat e akumulimit “Turija” në periudha të ndryshme kohore janë gjetur 2 kufoma. Vrasja e tyre është kryer në mënyrën e njëjtë, gjë që ngjallë dyshime për vrasës serik. Ndërkohë pak ditë më parë u gjet trupi i pajetë i një gruaje i mbështjellë me qese në fshatin Orizare e Epërme të Shkupit që jozyrtarisht mësohet të jetë e kombësisë rome. Zv/ministri i Brendshëm Agim Nuhiu, duke mos dashur të zbulojë detaje për shkak të hetimeve thotë se policia po punon në zbardhjen e plotë të rastit dhe se deri tani janë ndaluar 6 persona.

“Është i njohur edhe profili i të njëjtit trup, dhe mu për këtë arsye ne kemi ndaluar mbrëmë 6 persona si pista të mundshme për të hedhur dyshimet të bazuar se ata mund të jenë edhe kryerës të kësaj vrasje dhe për shkak se jemi në fazën e avancuar të hetimeve kriminalistike nuk mund të ndaj për opinionin informata për identitetin dhe për profilin e trupit të pajetë”- ka thënë Agim Nuhiu, Zv-ministër i Brendshëm.

Ndërkaq për dy kufomat që u gjetën në ujërat e akumulimit “Turija” në Strumicë, Nuhiu tha se personi I dyshuar për vrasjen e tyre është arrestuar dhe ndodhet në paraburgim.

Mund të them për opinionin se për policinë identiteti I trupit të dy të gjeturve në Strumicë është i njohur megjithatë presim prononcim zyrtarë nga ekzaminimet e AND-së dhe për këtë vrasje ne kemi person të dyshuar i cili ndodhet në paraburgim dhe e dimë motivin se si është kryer dhe ka ngjashmëri ka lidhje të ngjashme për nga forma dhe mënyra e kryerjes së vrasjes edhe me vrasjen që ka ndodhur muaj më parë në territorin e qytetit të Strumicës”- ka thënë Agim Nuhiu, Zv-ministër i Brendshëm.

Sipas Ministrisë së Punëve të Brendshme në vitet e fundit është shënuar rënie e numrit të vrasjeve, krahasuar me periudhën e kaluar.

 

 

Continue Reading

Lajme

Rinis furnizimi me ujë për banorët e Krujës/ ISHP: Ka prani të bakterit Enterokokus

Published

on

Furnizimi me ujë për banorët e qytetit të Krujës do të rinisë sot në orën 20:00 me kapacitet të reduktuar në mënyrë që të kryhen analiza të tjera në vijim për furnizimin e radhës.

Sipas Ujësjellës Kanalizime Krujë, deri në një njoftim të dytë, uji do të përdoret vetëm për arsye sanitare dhe jo për t’u pirë.

“Lutemi për mirëkuptimin Tuaj në zbatim të protokolleve të Higjienës dhe Sigurisë së Shëndetit Publik, që uji i rrjedhshëm nga rrjeti si dhe uji në depozitat familjare të përdoret vetëm për nevoja sanitare shtëpiake dhe jo për konsum për pirje dhe gatim, deri në një njoftim të dytë nga ana e Ujësjellës Kanalizime Krujë”, sipas njoftimit të UKK.

ISHP ka dalë në përfundime se helmimi i mbi 600 qytetarëve në Krujë ka ardhur si pasojë e ujit duke e cilësuar si epidemi hidrike nga ndotja sipërfaqësore e ujërave nga shiu.

Për këtë ISHP bëri përgjegjës ujësjellësin se ka vepruar me vonesë për rastin dhe se ka kapur çrregullimet që i kanë ndodhur në depon kryesore.

“Nga analizat e marra nga ISHP ka rezultuar që në një pikë të vetme të ujësjellësit ka rezultuar bakteri Enterokokus, shkak i këtyre shqetësimeve, situata që sot flasim është shumë e qetë, ka mbaruar pothuajse shqetësim, do e ndjekim me rigorozitet, epidemi e shkaktuar nga uji. Kemi konstatuar në një pikë, por rezultate kanë ardhur pa ndërhyrjes që ka bërë vetë ujësjellësi i Krujës pas pastrimit dhe klorinimit. Kam bindjen se në ditët në vijim nuk do këtë probleme. Për aq kohë epidemi hidrike, përgjegjësia i bie ujësjellësit të Krujës, duhet të kishin qenë më të kujdesshëm që me turbullirën e parë të këtij shqetësimi. Autoritetet duhet të kishin vepruar më shpejtë. Ndotja ka qenë sipërfaqësore si rezultat i shirave, ka pasur çrregullime nga ujësjellësi”, tha mjeku Ulqinaku.

Mësohet se autoritetet lokale kanë dezinfektuar depozitën kryesore që përdoret për ujin e pijshëm.

Një pjesë e banorëve e kanë marrë ujin nga autobotët që qarkullojnë nëpër qytet, kurse një pjesë tjetër e kanë blerë atë.

Një ditë më parë, Prokuroria e Krujës njoftoi nisjen e hetimeve, ku theksohet se është në pritje të analizave përfundimtare, edhe pse dyshimet e para janë që uji i pijshëm të ketë pasur ngarkesë bakteriale esheria koli dhe streptokoku fekale.

Prokuroria ka zbarkuar tek ndërmarrja ujësjellës-kanalizime Krujë, ku janë marrë disa dokumente si dhe janë marrë në pyetje drejtuesit e këtij institucioni.

Continue Reading

Lajme

LSDM: Nuk ka përfunduar asgjë për shumicën e Këshillit të Bashkisë së Shkupit

Published

on

Për shumicën në Këshillin e Qytetit të Shkupit asgjë nuk ka përfunduar. Beteja në Shkup është të dielën, pas së cilës do të shohim se kush e ka shumicën reale, tha Ljubica Janceva nga LSDM në përgjigje të deklaratave të sotme të VMRO-DPMNE-së se opozita parlamentare në Kuvendin e Maqedonisë, sipas numrit të votave të fituara, ka një këshill bashkiak me shumicë absolute.

Por, sipas Jançevës, deklaratat e sotme vetëm sa konfirmuan se VMRO-DPMNE dhe e majta janë një dhe e njëjta gjë.

“Siç e dini, do të ketë një rivotim në një vend në Shuto Orizarë dhe në varësi të rezultatit mund të ketë një orar të ri të vendeve të këshillit.

Po ashtu, të gjitha listat e pavarura, votat reale të qytetarëve nuk mund të jenë jashtë Këshillit të Qytetit të Shkupit, do t’i përfshijë LSDM-ja”, tha Jançeva./Telegrafi/

Continue Reading

Bota

OBSH-ja i bën thirrje G20-s që të angazhohet për t’i dhënë fund pandemisë

Published

on

Organizata Botërore e Shëndetësisë (OBSH) dhe grupet e tjera të ndihmës të enjten u bënë thirrje udhëheqësve të 20 ekonomive më të mëdha në botë për të financuar një plan prej 23.4 miliardë dollarësh për të sjellë vaksina, teste dhe ilaçe për COVID-19 në vendet më të varfra vitin e ardhshëm.

Plani ambicioz përshkruan strategjinë e Përshpejtuesit të Mjeteve të Aksesit për COVID-19 (ACT-A) deri në shtator 2022, që pritet të përfshijë përdorimin e një pilule eksperimentale orale antivirale të bërë nga Merck për trajtimin e rasteve të lehta dhe të moderuara .

Nëse pilula miratohet nga autoritetet rregullatore, kostoja mund të jetë deri në 10 dollarë për një person, tha plani, në përputhje me një draft dokument.

“Kërkesa është për 23.4 miliardë dollarë. Kjo është një shumë e drejtë parash, por nëse e krahasoni me dëmin që i është bërë ekonomisë globale nga pandemia, nuk është në të vërtetë aq shumë”, ka thënë Carl Bildt, i dërguari special i OBSH-së në ACT-Accelerator.

Kërkesa vjen përpara një takimi këtë fundjavë të udhëheqësve të Grupit 20 që përfshin ekonomitë më të pasura dhe në zhvillim në botë.

Bildt, një ish-kryeministër i Suedisë, pranoi se ACT-A ka luftuar për të siguruar financimin e mëparshëm dhe vuri në dukje se Norvegjia dhe Afrika e Jugut bashkëkryesojnë një përpjekje për mbledhjen e fondeve.

“Pra, ne presim një sinjal të fortë nga (G20) që do të dalë nga takimi në Romë gjatë fundjavës” , tha ai.

Buxhete të barabarta prej 7 miliardë dollarësh janë caktuar si për vaksinat ashtu edhe për testet diagnostike, me 5.9 miliardë dollarë të tjerë për rritjen e sistemeve shëndetësore dhe 3.5 miliardë dollarë për trajtimet, përfshirë antiviralët, kortikosteroidet dhe oksigjenin mjekësor.

COVAX, krahu i vaksinave të ACT-A, ka shpërndarë rreth 400 milionë doza të vaksinës anti-COVID në më shumë se 140 vende me të ardhura të ulëta dhe të mesme, ku normat e vaksinimit mbeten të ulëta, tha shefi shkencëtar i OBSH-së, Soumya Swaminathan.

Rreth 82 vende ka të ngjarë të humbasin objektivin global të OBSH-së prej 40% të mbulimit të vaksinimit deri në fund të vitit, por disa prej tyre mund t’ia dalin nëse ka furnizime.

Continue Reading

Aktuale