Connect with us

Lajme

Maqedonia e Veriut në fazën e portokalltë, kujdes në ekspozimin e drejtëpërdrejtë në diell

Published

on

Moti sot do të jetë me diell dhe të ngrohtë, me erë të lehtë deri në mesatare nga drejtimi jugor, temperaturë maksimale deri në 38 gradë dhe Indeksi UV do të jetë 9, ndërsa prej nesër, nën ndikim të masës së ngrohtë të ajrit, priten mbi 40 gradë dhe aktivizim i të a.q. fazë e portokalltë.

Sipas DPHM-ës, vetëm të premten do të ketë rritje të të vranësirave.

Kompetentët bëjnë apel, për shkak të temperaturave të larta të paralajmëruara, të respektohen rekomandimet për mbrojtje, jo vetëm për mosekspozim të drejtpërdrejt të rrezeve të diellit, por edhe për konsum të kujdesshëm të ushqimit, sjelle të drejtë gjatë lëvizjes në ambient të hapur dhe në natyrë, si dhe trajtim të drejtë të kafshëve shtëpiake dhe të fermës.

.”Qytetarët të evitojnë qëndrim në ambient të hapur në periudhën kohore nga ora 11:00 e deri më 17:00,
veshje të rrobave të lehta dhe me ngjyrë të ndritshme, konsumim të ushqimit të lehtë dhe lëngje dhe mënyrë higjienike të përgatitjes së ushqimit” theksojnë kompetentët.

Në ditët e ngrohta rekomandohet që qytetarët të qëndrojnë në ambiente të mbyllura, para së gjitha të kondicionuara, ndërsa gjatë qëndrimit të domosdoshëm në ambient të hapur, të gjenden mundësi për pushime më të shpeshta nën hije. Të sëmurët kronikë rregullit duhet ta marrin terapinë e përshkruar.

Agjencia për Ushqim dhe Veterinari (AUV) veçanërisht rekomandon, se moti i nxehtë është rrezik për helmim nga ushqimi. Pemët dhe perimet para përdorimit të pastrohen mirë me ujë, mishi, qumështi dhe vezët në mënyrë termike të përpunohen mirë. Pas përgatitjes ushqimi i ftohur të ruhet në frigorifer. Ushqimi duhet të mbrohet nga insektet, dhe kafshët shtëpiake të cilat mund të vijnë në kontakt me të. Nëse, megjithatë konsumohet në objekte hotelerie, ata të jenë operatorë të cilët kujdesen mirë për higjienën dhe sigurinë e ushqimit dhe të kenë reputacion të mirë. Në objektet për ushqim të shpejtë të evitohen shtesat të cilat nuk qëndrojnë në frigorifer (majonez, keçap, sallata kremi, salca etj..)

Agjencia njëherit thekson se temperaturat e larta janë stres për çdo kafshë, ndërsa mund të manifestohet me konsumim të zvogëluar të ushqimit, rritje e nevojës për ujë, prodhimtari të zvogëluar të qumështit dhe rritjes së dobët. Përqindja e lartë e lagështisë dhe ventilimi i pamjaftueshëm në objekte mund të jetë arsye për paraqitje të goditjes së nxehtësisë te kafshët, ndërsa djegia nga dielli paraqitet si pasojë e ekspozimit të drejtpërdrejtë në diell. Rrjedha mund të jetë fatale edhe në të dy rastet nëse nuk veprohet në kohë.

Në ferma, plotësojnë nga Agjencia duhet të bëhet kujdes me numrin e madh të akomodimit të kafshëve në objekte. Kafshët duhet të mbrohen nga veprimet direkte të rrezeve të diellit, përkatësisht në çdo dalje, nevojitet të ketë ftohës natyror. Dalja e kafshëve të bëhet në orët e hershme të mëngjesit ose orët e mbrëmjes, periudha kur duhet të organizohet edhe transporti i kafshëve ose ato të përdoren në aktivitete të punës, sepse atëherë temperaturat janë më të ulëta.

Drejtoria për Mbrojtje dhe Shpëtim, megjithatë, bën apel të mos hidhen cigare, mbeturina të qelqit dhe shishe të qelqit, të mos ndizet zjarr dhe zgarë në ambient të hapur dhe në pyll, të mos lihen fëmijët të luajnë me çakmakë dhe flakë, të mos digjet mbeturinë dhe material tjetër djegëse, as kashtë dhe nëse vërehet zjarr menjëherë të njoftohet Njësia territoriale kundër zjarreve në telefonin falas 193.

Drejtoria përkujton se nga marsi është vendosur ndalesë për lëvizje në pyll dhe tokë pyjore përveç për të punësuarit në NP Pyjet Kombëtare, ndërsa me qëllim të ruajtjes së pyjeve, nga 15 korriku e deri në 15 gusht në territorin e të gjithë vendit zbatohet Fushata për mbrojtje nga zjarret nën moton “E ardhmja u takon atyre të cilët janë të gatshëm – Natyra është përgjegjësia jonë”.

Continue Reading

Lajme

Qeveria ende nuk i ka thirrur në bisedime! Sindikatat në këmbë për pagat, nesër protestojnë

Published

on

Gjatë protestës së 1 Majit të organizuar nga Lidhja e Sindikatave, zv/kryeministri për çështje ekonomike Fatmir Bytyqi dhe ministrja për punë dhe politikë sociale Jovana Trençevska i pritën punëtorët para qeverisë, duke u premtuar se do të përmbushet kërkesa e tyre për rritjen e pagave për 2806 denarë në mënyrë lineare.

“Askush nuk duhet të harrojë se punëtori është në vend të parë. Ne si qeveri po themi se kapitali njerëzor është para se gjithash, ne nuk kemi pasuri të tjera, ju jeni pasuria jonë, prandaj do të bëjmë gjithçka për secilin punëtor pa dallim nëse është nga sektori privat apo publik, që i njëjti të paguhet në mënyrë të denjë”, deklaroi Fatmir Bytyqi, zv/kryeministër për Çështje Ekonomike.

Por edhe pse premtuan se me rebalancin e buxhetit do të parashihet kjo rritje, e njëjta doli se ka qenë mashtrim thonë nga Lidhja e sindikatave të Maqedonisë. Të revoltuar kërkojnë takim urgjent me përfaqësuesit e qeverisë. Nga Sindikatat e pavarur dhe Konfederata e Lidhjes së sindikatave kanë paralajmëruar për nesër protesta masive. Të pakënaqur janë edhe përfaqësuesit e Drejtorisë së librave amë të cilët vazhdojnë të jenë në grevë.

“Nuk mund të presim aq kohë më edhe greva po vazhdon, qytetarët janë të shqetësuar nuk mund të nxjerrin dokumente, duam që kjo punë të zgjidhet sa më shpejtë. Pengesa tani është te Ministria e Financave prandaj duam që aty të protestojmë para ministrisë, që qytetarët të mos presin për dokumente ngaqë tani po afrohet edhe periudha e verës”, pohoi Toni Miloshevski, Sindikata e D. së Librave Amë.

Në lidhje me kërkesat e sindikalistëve Ministri i Financave Fatmir Besimi në një kolumnë të tij thotë:

“Duhet të përcaktojmë një metodologji gjithëpërfshirëse me të cilën do të përshtaten pagat në të gjithë sektorin publik. Në këtë metodologji do të vlerësohet produktiviteti, si dhe ruajtja e standardit (rritja reale e pagave dhe inflacioni). Sipas metodologjisë së përcaktuar, do të destinohen edhe mjete”, shkroi Fatmir Besimi, ministër i Financave.

TV21 pyeti qeverinë se a do t’i pranojnë për bisedime përfaqësuesit e sindikatave dhe a do t’i përgjigjen kërkesave të tyre. Prej atje na thanë se negociatat vazhdojnë. Sapo të caktohet takimi me LSM, opinioni do të njoftohet. Ndryshe protesta nesër nis në orën 14h nga Parku i gruas, do të vazhdojë ka Kuvendi, pastaj te Ministria e Drejtësisë, për të përfunduar te Ministria e Financave.

Continue Reading

Lajme

Rruga për Qafë-Thanë, në gjendje të rëndë

Published

on

Edhe këtë verë të gjithë ata që do të kalojnë pushimet në bregdetin shqiptar do të udhëtojnë në një rrugë të pasigurt që të çon në pikën kufitare të Qafë Thanës. Më sinjalistikë të pamjaftueshme dhe plot gropa, udhëtimi në të përbën rrezik jo vetëm për turistët, por edhe për banorët e vendbanimeve aty pranë, shkruan Alsat.

“Siç po kalon koha, do të jetë kështu kohë të gjatë. Rruga është shumë e rrezikshme. Kur bie shi apo edhe në dimër është shumë e vështirë për të vozitur, vrimat hapen nga shiu dhe ato nuk duken. Nuk është shënuar asgjë. As vijat nuk vërehen e asgjë tjetër”, banor.

“Ka pasur premtime të shumta nga shteti gjatë viteve të fundit se rruga që të çon në pikën kufitare Qaf Thanë me Shqipërinë fqinje do të riparohet. Por nga premtimet mbetën vetëm fjalët. Ekipi i Alsat edhe sot ka vërejtur makina që kthehen apo shkojnë drejt Shqipërisë, pasi sot është ditë jo pune”, raporton gazetari i Aslat, Miki Trajkovski

Për rehabilitimin e kësaj rruge të gjatë 19 kilometra janë siguruar 8 milionë euro nga BERZH, thonë nga Ndërmarrja publike “Rrugët Shtetërore”. Për këtë rrugë si dhe për rehabilitimin e pesë rrugëve të tjera është shpallur tender për realizimin e punëve ndërtimore. Tani në proces është vlerësimi i ofertave të arritura. /Alsat.mk

Continue Reading

Kosovë

Deputetja e VV-së uron presidenten Osmani me rastin e Ditës së Presidentit

Published

on

Deputetja e VV-së Doarsa Kica Xhelili, e ka uruar në mënyrë të veçantë presidenten Vjosa Osmani në Ditën e Presidentit.

Deputetja Xhelil është shprehur e lumtur që presidenten Osmani e njeh nga afër dhe para se ta marrë pozitën e shefes së shtetit.

“Para se të jetë, dhe ta njohim si Presidente, kemi njohur Vjosën. Jo rëndom qëllon që njerëzit e njohin nga afër Presidentin apo Presidenten e tyre. Natyrshëm, Vjosa, duke qenë ajo që është, nuk përkon shumë me idenë e të bërit të gjërave ashtu që ato të jenë të pranueshme për masën domosdoshmërisht. Vjosa, duke qenë sikurse është, i bën gjërat asisoji që ajo është e bindur se i shërbejnë zhvillimit të vendit, pavarësisht gjykimit eventual të masës, por gjithmonë duke i shërbyer masës”, ka shkruar ajo.

Ajo ka shkruar se Vjosa Osmani punon shumë prandaj si përfaqësuese e Popullit thotë se nuk e ka pasë ndjesëin e përfaqësimit që nga vdekja e Presidentit Rugova.

“Prandaj Vjosa edhe mund të sulmohet. Prandaj me Vjosën edhe mund të mos pajtohen të gjithë. Por, për arsyet e njëjta, Vjosa nuk mund të injorohet – as brenda, as jashtë. Vjosa punon shumë teksa shkruan historinë e shpërfaqjes së një Kosove ku për Presidentin ngritesh në këmbë, jo për arsye institucionale, jo për arsye protokolare, por për arsye të ndjesisë së përfaqësimit dinjitoz që ky vend sot e ka, për shkak të saj, e që nuk e mbaj në mend ta kem ndjerë pas 21 janarit të vitit 2006. Vjosa, Presidentja jonë, Urime dita yte e merituar”, ka shkruar Kica Xhelili.

Continue Reading

Aktuale