Connect with us

Shëndeti

Sëmundjet mendore: Vitamina e trurit që zëvendëson ilaçet, pse psikiatrit e fshehin

Published

on

Vitamina B3 (niacin) është provuar shkencërisht se është e efektshme kundër psikozës, e megjithatë psikiatrit pak e përdorin, edhe pse efekti i saj dihet prej 50 vitesh

Nga Andrew W. Saul
Kryeredaktori i Mjekësisë Orthomoleculare

Vitamina B3, e njohur ndryshe si Niacin ose acid nikotinik, është një komponim organik i tretshëm në ujë, me formulë C6H5NO2.

Emri “Niacin” rrjedh nga acid nikotine + vitamin. Ajo është e njohur edhe si (acid nikotine) dhe ka 2 forma të tjera, niacinamide (nikotinamid) dhe inositol hexanicotinate, të cilat kanë efekte të ndryshme nga Niacin.

Vitamina B3 ëshë e nevojshme për trupin e njeriut.

Ajo ndihmon në konvertimin e ushqimit në glukozë, prodhon energji, prodhon makromolekula, duke përfshirë acidet yndyrore. Riparon ADN dhe largon stresin…

POR, në vijim, do t’ju flasim për rolin madhor të niacinës apo vitaminës B3, për trajtimin e sëmundjeve mendore e sidomos, skizofrenisë.

Sa më poshtë, vjen një referencë profesionale nga Andrew W. Saul kryeredaktori i revistës amerikane prestigjioze Mjekësia Orthomoleculare, të transmetuar në blogun e wordpress-it psikolog1, ku flitet rreth një libri të famshëm se si janë përmbysur sëmundjet mendore me vitaminën B3, të shkruar nga Dr. Abram Hoffer (shkrimi origjinal gjendet në sajtin amerikan: doctoryourself.com).

EKSPERIMENTE DIREKT ME PACIENTE
Vitamina B3 (niacin) është provuar shkencërisht se është e efektshme kundër psikozës, e megjithatë psikiatrit pak e përdorin gjerësisht, edhe efekti i saj dihet prej 50 vitesh.

Në vitin 1952, Abram Hoffer, Phd. në mjekësi, sapo kishte mbaruar praktikën mjekësore në psikiatri.

Ai provoi me eksperimentet e tij të kontrolluara me placebo, të llojit double-blind, se vitamina B3 mund të shërojë skizofreninë.

Çdokush do kishte menduar se psikiatrit do të kishin bërë të pamundurën për të përsëritur eksperimentin e tij dhe të kolegut, Humphrey Osmond.

Por, në psikiatrinë moderne, niacina dhe skizofrenia janë mënjanuar në një qoshe, larg shikimit.

Pacientët, të trajtuar deri në nënshtrim me qetësues apo me Prozak për në botën e çudirave, janë apatikë ose të pastrehë, çka e bën pothuaj të pamundur që të marrin vitamina. Skizofrenikët në institucione kanë ushqyerje disi më të mirë.

Vitaminat nuk përdoren, sepse, të gjithë “e dinë”, se vitaminat nuk i shërojnë sëmundjet “e vërteta”.

Por mjeku Hoffer kundërshton.

Për gjysëm shekulli ai ka kundërshtuar.

Kundërshtimi i tij kryesor ka qenë: sëmundja, përfshirë sëmundjen mendore, nuk shkaktohet nga mungesa e ilaçeve.

Por shumë lloj sëmundjesh, sidomos sëmundjet mendore, mund të shkaktohen nga mungesa e vitaminave.

Kjo ka kuptim, dhe eksperimentet e kanë mbështetur.

Libri i Hofferit “Vitamina B3 dhe skizofrenia” e provon këtë.

LIDHJA MENDJE-USHQIM, SHËRIMI ME NIACIN
Personalisht, duhet ta kisha vënë re lidhjen mes ushqyerjes dhe mendjes, gjatë netëve të gjata pa gjumë në universitet, gjatë të cilave haja me shumicë ëmbëlsira.

Nuk isha psikotik, por gjithsesi mendjen e kisha të çoroditur nga sheqeri, ushqimi fast-food dhe adrenalina të cilat më mbanin zgjuar deri në 3 të natës.

Humorin e kisha përtokë, mendjen të axhituar, nuk flija dot, nuk më zinte vendi dhe nuk buzëqeshja.

As më shkonte mendja kurrë se ushqyerja mund të ishte shkaku.

Sepse, me shumë kujdes na e kanë ngulitur në mendje se janë ilaçet që shërojnë dhe jo dieta.

Aq më tepër jo vitaminat sintetike!

Por e vërteta do të dalë!

Tre vjet më vonë, pashë për herë të parë se si niacina ndihmoi një person.

Ishte një rast klinik tipik, i diagnostikuar saktë, i pashërueshëm.

Ishte skizofrenik në një spital psikiatrik.

Por sigurisht niacinën nuk e piu në spital.

Atje nuk jepen vitamina.

Jo, prindërit e pacientit ishin kaq të dëshpëruar, sa ishin gati të provonin gjithshka, edhe nutricionin.

Ndoshta sepse djali i tyre ishte kaq i dhunshëm, saqë e dëbuan nga azili dhe e nisën tek prindërit.

Një ditë të bukur, nëna dhe babai i tij arritën ta bindin të pijë 3,000 mg niacin dhe 10,000 mg vitamin C.

Fillimisht një i pagjumë kronik, ai reagoi duke fjetur 18 orë rresht natën e parë dhe duke u sjellë plotësisht normal brenda disa ditëve.

E kisha njohur më parë, dhe e pashë pas marrjes së vitaminave.

Kisha folur me prindërit e tij rregullisht.

Ky përmirësim ishte i mahnitshëm.

Ca kohë më vonë, provova niacinën që të shikoja nëse më ndikonte në pagjumësinë time.

Zbulova se funksiononte, madje në dozë të vogël, e shumta 100 mg.

Po të pija më shumë më skuqeshin faqet.

Më vonë zbulova se po të haja fast food ose sheqer në sasi të konsiderueshme, mund të pija 500 mg a më shumë vitamin B3 pa pasur skuqje, pa pasur efekte anësore, me një mendje të qetësuar.

CFARË I BËN NIACINA TRUPIT DHE MENDJES
Në librin e vet “Vitamina B3 dhe Skizofrenia”, Dr. Hoffer e shpjegon kështu:

1) Në përgjithësi, sa më i sëmurë të jesh, aq më shumë niacin mund të pish pa pasur efekte anësore. Pra, nëse ke nevojë për niacinën, trupi do e përthithë mirë. Ku shkon? Një pjesë e mirë e saj përdoret për të prodhuar enzimën NAD.

2) Niacina vepron si anti-histaminik. Shumë persona me sjellje psikotike vuajnë nga alergjitë cerebrale. U duhet më shumë niacinë për të përballuar alergjitë. Ata duhet të ndërpresin së piri ushqimet ndaj të cilave kanë ndjeshmëri, kryesoret ndër to: fast-fudet dhe sheqerin.

3) Është një substancë që gjendet me shumicë tek skizofrenikët. Ky është adrenokromi. Adrenokromi është adrenalinë e oksiduar dhe ka efekt të ngjashëm me drogën LSD në trup. Adrenokromi mund të shpjegojë sjelljen e skizofrenikëve. Niacina ndihmon që trupi të prodhojë më pak adrenokrom.

Dr. Hoffer ka trajtuar me mijëra pacientë për rreth 50 vite. Eksperienca e tij ka qenë gjithmonë po ajo: vitamina B3 ndihmon të sëmurët me skizofreni.

SHËNIM: Ushqime shumë të pasura me vitaminë B3 janë mëlçitë, mishi, kurse me vitaminë C, janë limoni, kivi, portokallja, domatja, speci etj (shihni listën e ushqimeve bashkangjitur)

Libri i Hofferit: Vitamin B-3 and Schizophrenia: Discovery, Recovery, Controversy by Abram Hoffer, MD. Quarry Press, Kingston, Ontario Canada (1998) ISBN 1-55082-079-6

USHQIME TË PASURA ME NIACIN – VITAMIN B3
– Mëlçitë.

– Pulat.

– Gjeli i detit.

– Arrat.

– Bishtajoret.

– Misri.

– Gruri i plotë.

– Qumështi, djathi.

– Peshku-ton, salmon.

– Spinaqi, sallata jeshile, lakërishta.

– Fara luledielli.

– Bathët.

– Vezët.

– Domatet.

– Patatja e ëmbël.

– Karrota.

– Avokado.

– Kikirikët/gjalpi i kikirikëve.

– Kërpudhat shiitake.

– Salcë soje.

EFEKTET TRAJTUESE Të VITAMINëS B3
– Funksionin normal të sistemit nervor.

– Zvogëlon rrezikun e sëmundjeve të zemrës.

– Zvogëlon incidencën e astmës.

– Parandalon sëmundjen Alzheimer.

– Mirmbajtjen e lëkurës dhe mukozës.

– Funksionet normale psikologjike.

– Redukton lodhjen.

– Zvogëlon rrezikun e kancerit të gojës dhe fytit.

– Zvogëlon simptomat e Diabetit.

– Ul nivelin e kolesterolit të lartë.

– Parandalon atherosclerosis.

– Ruan mëlçinë nga dëmtimet.

– Ruan lëkurën, largon puçrrat e rinisë dhe lebrën.

– Mbron sistemin nervor.

Shkaku kryesor i mungesës së vitaminës B3 është kequshqyerja dhe alkoolizmi kronik.

MUNGESA E VITAMINËS B3 MUND TË SHKAKTOJË
– Lodhje.

– Të vjella.

– Plagë dhe skuqje të lëkurës.

– Depression, stress.

– Ulçëra të gojës.

– Diarre.

– Dermatit.

– Sëmundje psikike.

– Sëmundje të lëkurës.

– Vështirësi në tretje, amnezi.

– Sëmundjen Hartnup.

 

 

 

BURIMI: Super Shendeti

Continue Reading

Shëndeti

​Studimi: Vaksinat anti-Covid, të sigurta në shtatzëni, nuk rrisin rrezikun e abortit

Published

on

Gratë shtatzënë hezitojnë të marrin dozën anti-Covid pasi kanë frikë për shëndetin e tyre dhe të fëmijës, por dy studimet e fundit kanë arritur në përfundimin se vaksinimi i kësaj popullate është i sigurt para dhe gjatë shtatzanisë. Kërkimet kanë zbuluar se vaksinat kundër Covid-19 nuk rrisin rrezikun e humbjes së fëmijës dhe nuk kanë asnjë ndikim negativ në shtatzëni.

Dy kërkime të reja shkencore konfirmojnë se vaksina kundër koronavirusit është është e sigurt para dhe gjatë shtatzënisë duke hedhur poshtë informacionet që qarkullojnë në rrjetet sociale në lidhje me abortin dhe infertilitetin.

Një studim i shkencëtarëve norvegjezë i botuar në Gazetën Mjekësore Amerikane ka dalë në përfundimin se nuk është gjetur asnjë lidhje midis vaksinave kundër Covid-19 dhe një rreziku në rritje të abortit gjatë tremujorit të parë të shtatzënisë.

Ekipi norvegjez analizoi të dhënat e rreth 18 500 grave shtatzëna, të cilat ishin vaksinuar me vaksinat e Pfizer/Biotech, Modernës dhe AstraZenecës.

Pjesë e studimit ishin dhe 4 500 gra, të cilat kishin kaluar një abort gjatë tremujorit të parë të shtatzanisë.

Autorët arritën në përfundimin se studimi nuk gjeti prova të një rreziku në rritje për humbjen e hershme të shtatzënisë pas vaksinimit kundër Covid-19 duke konfirmuar gjetjet nga studimet e mëparshme që mbështesin vaksinimin gjatë shtatzënisë.

Sipas shkencëtarëve norvegjezë është shumë e rëndësishme që gratë shtatzëna të vaksinohen sepse ato kanë një rrezik më të lartë të shtrimit në spital dhe komplikimeve nëse infektohen si dhe rrezikojnë të lindin para kohe.

Ata konfirmojnë se vaksinimi gjatë shtatzënisë mund të mbrojë fëmijën nga virusi në muajt e parë pas lindjes.

Studimi i dytë ndërkombëtar, i botuar në revistën mjekësore The Lancet shqyrtoi 107 gra të cilat mbetën shtatzënë ndërsa morën pjesë në provat e vaksinës AstraZeneca në Mbretërinë e Bashkuar, Brazil dhe Afrikën e Jugut.

Ata arritëm në konkluzionin se vaksina e kompanisë AstraZeneca nuk ka asnjë efekt negativ në shtatzëni dhe fertilitet.

Por, mungesa e të dhënave klinike mbi ndikimin e vaksinave të koronavirusit në shtatzëni ka çuar në hezitimin e shtatzënave për të marrë vaksinat, pavarësisht rrezikut të shtuar të Covid-19 në këtë popullatë.

Continue Reading

Shëndeti

Shikim i turbullt nga qëndrimi i gjatë para ekraneve? Ja çfarë duhet të bëni

Published

on

Fakti që shumë e më shumë njerëz po punojnë nga shtëpia këto muaj, nënkupton se ata kalojnë më shumë orë duke parë ekranet e kompjuterave dhe pajisjet e lëvizshme si celularët dhe tabletët. Ekspertët e syve në Mayo Clinic në SHBA, thonë se kjo mund të krijojë disa probleme të përkohshme me shikimin.

Sipas tyre nëse shihni shumë gjatë në një monitor kompjuteri apo në celular, dhe më pas përjetoni një shikim të turbullt të përkohshëm, kjo ka të ngjarë të ndodhë pasi po thahet shtresa e lagështisë në sipërfaqen e përparme të syrit tuaj.

“Nëse niveli i lagështisë nuk është i duhuri dhe i njëtrajtshëm, dhe me cilësinë dhe sasinë e duhur, shikimi ka tendencë që të turbullohet. Prandaj njerëzit mund të vërejnë se kanë një shikim të paqartë,në një moment ata shohin në mënyrë të mjegullt. Por vetëm pak me vonë shikimi qartësohet vetë”-thotë dr.Muriel Shornak, optometre në Mayo Clinic.

Pulitja e syve përhap një sasi loti të rëndësishëm mbi sipërfaqen e përparme të syrit. “Sa herë që jemi duke bërë ndonjë gjë që kërkon vëmendje të veçantë tek detajet vizuale, bie shkalla e pulitjes së syve tanë”- shton ekspertja.

Në vend të një shkalle normale të pulitjes nga çdo 5-7 sekonda, kur shihni mbi një ekran ju mund të pulitni sytë vetëm çdo 15-20 sekonda.“Pulitja e syve është jashtëzakonisht e rëndësishme, pasi garanton komoditetin tonë. Ky është padyshim një veprim aspak i kushtueshëm për ne”-thotë dr.Shornak.

Prandaj herën tjetër kur ta gjeni veten duke vështruar një ekran, provoni rregullin 20-20-20. “Çdo 20 minuta, shihni diçka 20 metra larg, pulitini 20 herë sytë për 20 sekonda”-thotë ajo. Mund të ndihmojë edhe përdorimi në mënyrë periodike dhe gjatë gjithë ditë si një solucion me pika që mund të merret në farmaci pa recetë.

Continue Reading

Shëndeti

E pazakontë/ Veshka e derrit transplantohet tek njeriu, operacioni doli me sukses

Published

on

Është hera e parë që veshka e një derri nuk refuzohet nga trup i njeriut. Sipas mediave të huaja, eksperimenti i NYU Langone Health në New York është një hap i madh përpara në historinë e transplanteve. Një grua po mbahej artificialisht e gjallë me shenja të mosfunksionimit të veshkave, familja e së cilës u pajtua me eksperimentin para se të shkëpuste “mbështetjen e jetës”.

Kirurgët lidhën me sukses veshkën e rritur në një derr të rritur gjenetikisht me pacienten dhe organi filloi të funksionojë rregullisht. Një procedurë që mund të hapë dyert për ndërhyrje të reja dhe të kompensojë mungesën e tmerrshme të organeve njerëzore për transplantim.

“Ende ka shumë pyetje, por një gjë është e sigurt: veshka u mbajt për 54 orë . Pas tre ditësh ajo ishte akoma e lidhur me enët e gjakut, “Rezultatet e testit në veshkën e transplantuar u shfaqën normale.”-tha për Dr. Robert Montgomery, kirurg që drejtoi studimin.

“Veshka ka prodhuar sasinë e urinës që do të pritej nga një veshkë njerëzore e transplantuar dhe nuk kishte asnjë dëshmi të refuzimit të hershëm të fuqishëm, i cili ndodh me veshkat e derrave të pamodifikuara kur transplantohen në primatët jo-njerëzorë. E njëjta procedurë mund të miratohet edhe për organet e tjera, duke hapur kështu një kapitull i ri në kërkimin mjekësor të transplanteve.”- shtoi Montgomery.

Continue Reading

Aktuale