Connect with us

Lajme

Moti sot me temperaturë deri 36 gradë, prej nesër edhe 41 gradë Celsius

Published

on

Mot me diell dhe i ngrohtë me temperaturë deri 36 gradë Celsius, ndërsa prej nesër do të jetë shumë më nxehtë me temperaturë që do të rritet edhe mbi 40 gradë Celsius, me çka do të aktivizohet faza e verdhë, ndërsa në disa rajone edhe faza portokalli. Indeksi UV do të bëhet më i lartë dhe arrin 9.

Nga DPHM informojnë se moti sot do të jetë me diell dhe më i ngrohtë me erë të dobët nga drejtim i ndryshëm. Temperatura e mëngjesit do të jetë mes 10 dhe 19, ndërsa ajo maksimale do të arrijë prej 29 deri 36 gradë Celsius. Vlera e rrezeve UV do ta arrijë indeksin 9.

Moti në Shkup do të jetë me diell dhe i ngrohtë, me temperaturë prej 16 deri 34 gradë Celsius.

Meteorologët për nesër deri kah mesi i javës së ardhshme paralajmërojnë rritje të temperaturës e cila vende-vende do të arrijë 41 gradë Celsius nën ndikim të masës shumë të ngrohtë ajrore.

Në kushte kur aktivizohet faza e verdhë dhe portokalli rekomandohet qytetarët të mbrohen nga ekspozimi direkt në diell, të shmanget qëndrimi në vend të hapur në periudhën nga ora 11 deri në orën 17, të mbajnë veshëmbathje të ndritshme dhe të lehtë, ndërsa gjatë ekspozimit direkt në diell të mbajnë syze dhe kapelë, të konsumojnë ushqim të lehtë dhe pije, të kenë kujdes gjatë përgatitjes dhe konsumimit të ushqimeve, të shmangin prodhime të papërpunuara termike, si majonezë nga vezët, me kujdes të konsumohen akullore dhe kremëra të ndryshëm, të konsumohet sasi më e madhe e pijeve, t’u shmangen pijeve alkoolike, ndërsa gjatë hyrjes në automjet duhet për një periudhë të caktuar ta ajrosin.

Në ditët e nxehta nevojitet që qytetarët të qëndrojnë në hapësira të mbyllura, me kondicioner, ndërsa gjatë qëndrimit të domosdoshëm në vend të hapur në këtë periudhë, të gjejnë mundësi për pushime më të shpeshta nën hije. Personat e sëmurë kronik rregullisht ta marrin terapinë e shënuar.

Për shkak të paralajmërimit të valës së nxehtë nga Drejtoria për mbrojtje dhe shpëtim apelojnë të mos hudhen cigare dhe bishta të cigareve, mbeturina të qelqit dhe shishe të qelqit, të mos ndizet zjarr dhe zgarrë në hapësirë të hapur, të mos lejohet që fëmijët të luajnë me çakmak, zjarr, të mos ndizen mbeturinat dhe materiali tjetër djegës, as kashta, ndërsa nëse vërehet zjarr menjëherë të njoftohet Njësia territoriale e zjarrfikësve në linjën telefonike falas 193.

Përveç rekomandimeve bazë për sjellje në kushte të tilla, DMSH ndërmerr edhe masa për veprim parandalues për mbrojtje nga zjarret e mundshme pyjore dhe zjarret tjera në hapësirë të hapur. Njëherit apelon te komunat, qytetarët dhe vizitorët e vendit, të kenë kujdes kur janë në vend të hapur.

Drejtoria përkujton se nga muaji mars është sjellur ndalesë për lëvizje në pyll dhe tokë pyjore përveç për të punësuarit në NP pyjet nacionale, ndërsa me qëllim të ruajtjes së pyjeve, nga 15 korriku deri më 15 gusht, në territorin e gjithë vendit, zbatohet fushatë për mbrojtje nga zjarret nën moton “E ardhmja u përket atyre të cilët janë të gatshëm – Natyra është përgjegjësia jonë”.

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale