Connect with us

Lajme

Antikorrupsioni propozon hetim ndaj Blerim Bexhetit

Published

on

Antikorrupsioni do ti kërkojë prokurorisë që të ngrejë kallëzim penal kundër Blerim Bexhetit, kryetari të Sarajit, pasi nuk e ka mbrojtur Matkën nga ndërtimet pa leje apo nga platformat ilegale. Anëtarët e Antikorrupsionit kujtuan se kryetari ka qenë i obliguar të veprojë apo të japë përgjigje se ky objekt nuk mundet të legalizohet pasi është në vend që është pasuri natyrore. Antikorrupsioni thotë se përgjegjësia e Blerim Bexhetit është aty se ai e ka mbajtur kërkesën për legalizimin të dy pronarëve në sirtar, dhe nuk ka dhënë përgjigje të prerë apo ta hedhë poshtë kërkesën.

“Pasi ajo platformë është ndërtim i përkohshëm pa leje, nuk mund të jetë pre e procesit të legalizimit. Ligji nuk e lejon këtë. Por kur një kërkesë arrin në komunë doemos kalon një proces. Keqpërdorimi duket tek ajo që kërkesa është ruajtur në komunë dhe nuk është dhënë përgjigje, në mënyrë që ajo kërkesë të mbetet ashtu në situatë latente, të fshehtë. Kryetari i ka patur të gjithë mundësitë dhe obligimet ligjore për të thënë se ky objekt nuk mund të legalizohet. Kështu do tua kishte hapur rrugën institucioneve kompetente për të nisur rrënimin. Kërkesat e tilla pra duhet të refuzohen, ndërsa ai nuk e ka refuzuar”, tha Biljana Ivanovska, kryetare e Antikorrupsionit.

Antikorrupsioni kërkoi nga Qeveria edhe që ta shpallë Matkën si hapësirë të mbrojtur në mënyrë që në të ardhshmen të mos e keqpërdorin me ndërtime të tilla pa leje.

Antikorrupsioni ka nisur hetimin edhe për sekretarin e përgjithshëm të Qeverisë Dragi Rashkovski për shkak të dyshimeve për korrupsion gjatë tenderit për furnizmin me sistemin ATM për nevojat e MNAV – it, që ishte financuar nga BERZH.

Ka nisur hetim edhe për ndërtimet pa leje në Ohër dhe për firmat e angazhuara nga kjo komunë për rrënimin e objekteve pa leje pasi që në mesin e firmave që e kanë fituar tenderin për rrënim, është edhe firma e këshilltarit të BDI së në Ohër, Nefi Useini, objekti i të cilit poashtu është ndërtim pa leje dhe duhet rrënuar.

“Lidhur me firmat e përzgjedhura për rrënimin e objekteve pa leje në Ohër, ku në mesin e dy firmave që kanë dhënë ofertë për tenderin është edhe firma e këshilltarit Nefi Useini i cili ka poashtu objekt ilegal në qendër, Antikorrupsioni ka lëshuar njoftim për kufizimet që i kanë funksionarët në raport me subjetet juridike, apo firmat, në mënyrë që të parandalohet konflikt interesi”, tha Biljana Ivanovska, kryetare e Antikorrupsionit.

Pas kumtimit të rasteve që kanë nisur ti hetojnë, nga ky institucion treguan se tashmë kanë përpiluar edhe një rregullore të re për punë e cila do tu ndihmojë për filtrimin e lëndëve që gjatë kohës së fundit kanë rezultuar se janë të rrejshme. Çdo javë do të kenë kolegjium në të cilin do ti shpalosin lëndët dhe do ti kontrollojnë paraprakisht.

 

BURIMI: SHENJA

Continue Reading

Lajme

Qeveria ende nuk i ka thirrur në bisedime! Sindikatat në këmbë për pagat, nesër protestojnë

Published

on

Gjatë protestës së 1 Majit të organizuar nga Lidhja e Sindikatave, zv/kryeministri për çështje ekonomike Fatmir Bytyqi dhe ministrja për punë dhe politikë sociale Jovana Trençevska i pritën punëtorët para qeverisë, duke u premtuar se do të përmbushet kërkesa e tyre për rritjen e pagave për 2806 denarë në mënyrë lineare.

“Askush nuk duhet të harrojë se punëtori është në vend të parë. Ne si qeveri po themi se kapitali njerëzor është para se gjithash, ne nuk kemi pasuri të tjera, ju jeni pasuria jonë, prandaj do të bëjmë gjithçka për secilin punëtor pa dallim nëse është nga sektori privat apo publik, që i njëjti të paguhet në mënyrë të denjë”, deklaroi Fatmir Bytyqi, zv/kryeministër për Çështje Ekonomike.

Por edhe pse premtuan se me rebalancin e buxhetit do të parashihet kjo rritje, e njëjta doli se ka qenë mashtrim thonë nga Lidhja e sindikatave të Maqedonisë. Të revoltuar kërkojnë takim urgjent me përfaqësuesit e qeverisë. Nga Sindikatat e pavarur dhe Konfederata e Lidhjes së sindikatave kanë paralajmëruar për nesër protesta masive. Të pakënaqur janë edhe përfaqësuesit e Drejtorisë së librave amë të cilët vazhdojnë të jenë në grevë.

“Nuk mund të presim aq kohë më edhe greva po vazhdon, qytetarët janë të shqetësuar nuk mund të nxjerrin dokumente, duam që kjo punë të zgjidhet sa më shpejtë. Pengesa tani është te Ministria e Financave prandaj duam që aty të protestojmë para ministrisë, që qytetarët të mos presin për dokumente ngaqë tani po afrohet edhe periudha e verës”, pohoi Toni Miloshevski, Sindikata e D. së Librave Amë.

Në lidhje me kërkesat e sindikalistëve Ministri i Financave Fatmir Besimi në një kolumnë të tij thotë:

“Duhet të përcaktojmë një metodologji gjithëpërfshirëse me të cilën do të përshtaten pagat në të gjithë sektorin publik. Në këtë metodologji do të vlerësohet produktiviteti, si dhe ruajtja e standardit (rritja reale e pagave dhe inflacioni). Sipas metodologjisë së përcaktuar, do të destinohen edhe mjete”, shkroi Fatmir Besimi, ministër i Financave.

TV21 pyeti qeverinë se a do t’i pranojnë për bisedime përfaqësuesit e sindikatave dhe a do t’i përgjigjen kërkesave të tyre. Prej atje na thanë se negociatat vazhdojnë. Sapo të caktohet takimi me LSM, opinioni do të njoftohet. Ndryshe protesta nesër nis në orën 14h nga Parku i gruas, do të vazhdojë ka Kuvendi, pastaj te Ministria e Drejtësisë, për të përfunduar te Ministria e Financave.

Continue Reading

Lajme

Rruga për Qafë-Thanë, në gjendje të rëndë

Published

on

Edhe këtë verë të gjithë ata që do të kalojnë pushimet në bregdetin shqiptar do të udhëtojnë në një rrugë të pasigurt që të çon në pikën kufitare të Qafë Thanës. Më sinjalistikë të pamjaftueshme dhe plot gropa, udhëtimi në të përbën rrezik jo vetëm për turistët, por edhe për banorët e vendbanimeve aty pranë, shkruan Alsat.

“Siç po kalon koha, do të jetë kështu kohë të gjatë. Rruga është shumë e rrezikshme. Kur bie shi apo edhe në dimër është shumë e vështirë për të vozitur, vrimat hapen nga shiu dhe ato nuk duken. Nuk është shënuar asgjë. As vijat nuk vërehen e asgjë tjetër”, banor.

“Ka pasur premtime të shumta nga shteti gjatë viteve të fundit se rruga që të çon në pikën kufitare Qaf Thanë me Shqipërinë fqinje do të riparohet. Por nga premtimet mbetën vetëm fjalët. Ekipi i Alsat edhe sot ka vërejtur makina që kthehen apo shkojnë drejt Shqipërisë, pasi sot është ditë jo pune”, raporton gazetari i Aslat, Miki Trajkovski

Për rehabilitimin e kësaj rruge të gjatë 19 kilometra janë siguruar 8 milionë euro nga BERZH, thonë nga Ndërmarrja publike “Rrugët Shtetërore”. Për këtë rrugë si dhe për rehabilitimin e pesë rrugëve të tjera është shpallur tender për realizimin e punëve ndërtimore. Tani në proces është vlerësimi i ofertave të arritura. /Alsat.mk

Continue Reading

Kosovë

Deputetja e VV-së uron presidenten Osmani me rastin e Ditës së Presidentit

Published

on

Deputetja e VV-së Doarsa Kica Xhelili, e ka uruar në mënyrë të veçantë presidenten Vjosa Osmani në Ditën e Presidentit.

Deputetja Xhelil është shprehur e lumtur që presidenten Osmani e njeh nga afër dhe para se ta marrë pozitën e shefes së shtetit.

“Para se të jetë, dhe ta njohim si Presidente, kemi njohur Vjosën. Jo rëndom qëllon që njerëzit e njohin nga afër Presidentin apo Presidenten e tyre. Natyrshëm, Vjosa, duke qenë ajo që është, nuk përkon shumë me idenë e të bërit të gjërave ashtu që ato të jenë të pranueshme për masën domosdoshmërisht. Vjosa, duke qenë sikurse është, i bën gjërat asisoji që ajo është e bindur se i shërbejnë zhvillimit të vendit, pavarësisht gjykimit eventual të masës, por gjithmonë duke i shërbyer masës”, ka shkruar ajo.

Ajo ka shkruar se Vjosa Osmani punon shumë prandaj si përfaqësuese e Popullit thotë se nuk e ka pasë ndjesëin e përfaqësimit që nga vdekja e Presidentit Rugova.

“Prandaj Vjosa edhe mund të sulmohet. Prandaj me Vjosën edhe mund të mos pajtohen të gjithë. Por, për arsyet e njëjta, Vjosa nuk mund të injorohet – as brenda, as jashtë. Vjosa punon shumë teksa shkruan historinë e shpërfaqjes së një Kosove ku për Presidentin ngritesh në këmbë, jo për arsye institucionale, jo për arsye protokolare, por për arsye të ndjesisë së përfaqësimit dinjitoz që ky vend sot e ka, për shkak të saj, e që nuk e mbaj në mend ta kem ndjerë pas 21 janarit të vitit 2006. Vjosa, Presidentja jonë, Urime dita yte e merituar”, ka shkruar Kica Xhelili.

Continue Reading

Aktuale