Connect with us

Teknologji

Të rinj nga mbarë bota garojnë në panairin Google

Published

on

Adoleshentë nga mbarë bota morën pjesë në panairin shkencor të organizuar nga kompania Google.

Pjesëmarrësit konkuruan me hulumtime shkencore, në garën për çmimin e madh prej 50 mijë dollarësh. Projektet e tyre hapën një perspektivë ndryshe të trajtimit të çështjeve që lidhen me shëndetin dhe mjedisin.

16 vjeçarja Celestine Wenardy nga Indonezia shpjegon projektin e saj shkencor që mundëson shfrytëzimin e sensorëve për të matur nivelin e glukozës në trup, pa pasur nevojë të merret gjak.

Ajo është mes 20 ekipeve të adoleshëntëve nga mbarë bota që marrin pjesë në panairin shkencor të firmës Google.

Projekti që iu shpërblye me një çmim, nuk është përpjekja e saj e parë në panire shkencore.

“Para modelit që solla në panairin shkencor të kompanisë Google, kisha një tjetër me të cilin dështova. Pjesa më e vështirë është të kuptosh nëse një projekt është ose jo i duhuri për një panair shkence. Pjesa më e vështirë është të pranosh dështimin”, tha Celestine Wenardy nxënëse nga Indonezia.

Tuan Dolmen nga Turqia është munduar të prodhojë energji nga lëvizja e degëve të pemëve, që fermerët të kenë një burim alternativ energjie në fushë. Fermerëve u nevojitet energji për të vënë në punë sensorët digjitalë që monitorojnë cilësinë dhe lagështinë e ajrit.

“Ideja ime e parë ishte gjenerimi i elektricitetit nëpërmjet insekteve. Por nuk më dukej diçka etike për ta bërë”, thotë Tuan Dolmen nga Turqia.

Shumë ide të nxënësve kanë synim të ndihmojnë njerëzit me aftësi të kufizuara ose ata që trajtohen nga ndonjë lëndim. Daniel Kazantsev nga Rusia dëshiron të shndërrojë lëvizjet, si ato të gjuhës së shenjave, në fjalë të vërteta.

“Kam krijuar teknologji që kupton pozicionin e duarve duke u bazuar në aktivitetin e muskujve. Zbulimi im ndihmon njerëzit që të komunikojnë përmes gjuhës së shenjave”, thotë Daniel Kazantsev nga Rusia.

Çmimin prej 50 mijë dollarësh e mori Fionn Ferreira nga Irlanda. Ai ka krijuar një mënyrë për largimin e mbetjeve të vogla nga uji, përmes magnetit.

“Jetoj larg dhe i izoluar prandaj më është dashur të ndërtoj gjithçka nga e para, për ta testuar. Më është dashur të krijoja spektromatësin në vend që të krijoja një mikroskop. Ishte kënaqësi të bëja gjithçka në rrethana të kufizuara në vendin ku jetoj”, tha fituesi i panairit shkencor, Fionn Ferreira.

Jo të gjithë këta adoleshentë do të vazhdojnë hulumtimet pasi të kthehen në vendet e tyre, por organizatorët e panairit shpesojnë se të gjithë do të ruajnë shpirtin eksplorues.

 

BURIMI: VOA

Continue Reading

Teknologji

Apple rrit çmimin e iPhone-it në Japoni, çfarë pritet të ndodhë në shtator

Published

on

Duke filluar nga e enjtja, Apple Japan ka përditësuar çmimet e tij për të gjitha modelet e iPhone, disa modele janë rritur në çmim deri në 20%, gjë që mund të reflektojë dobësimin e jenit japonez kundrejt dollarit amerikan, i cili ka humbur rreth 15% të vlerës së tij ndaj dollarit në tre muajt e fundit.

iPhone 13 Pro, për shembull, tani ka një çmim prej 144,800 jen (1,066 dollarë) nga 122,800 jen (904 dollarë) për opsionin e ruajtjes 128 GB.

Ndërkohë, iPhone SE Gen 3 ka shkuar në 62,800 (462 dollarë) nga 57,800 jen (425 dollarë).

Rritja e çmimit të iPhone nga Apple vjen jo shumë kohë përpara se Apple pritet të lëshojë një linjë të re të iPhone-ve në shtator.

Aktualisht, Apple ka rritur vetëm çmimin e iPhone-ve të tij dhe ende nuk ka rregulluar ndonjë çmim për produktet e tjera nga linjat Mac ose iPad të Apple.

Ndërsa bota merret me inflacionin në të gjithë kombet, është normale që kompanitë shumëkombëshe si Apple të rregullojnë çmimet në një treg specifik, kështu që ato korrespondojnë me ndryshimin e fuqisë së një monedhe kundrejt të tjerëve.

Continue Reading

Teknologji

Përdoruesit e Gmail dhe Hotmail mashtrohen përmes emailit të rrejshëm dhe të rrezikshëm

Published

on

Përdoruesit e Gmail dhe Hotmail duhet që të kenë kujdes nga një mesazh i rrejshëm që pretendohet se dërgohet nga ekipi i Facebook Support.

Emaili mashtrues, i cili u vu në dukje nga ekspertë të sigurisë kibernetike tek Trustwave, pretendon se llogaria e përdoruesit të Facebook është në rrezik të mbylljes pasi që u gjetën shkelke të standardeve të komunitetit.

Përdoruesit të Facebook i kërkohet që të klikojë në një link ku thuhet se mund të bisedojë me ekipin e Facebook Support në Messenger, por që nëse e klikon atë link të gjitha të dhënat e përdoruesit vidhen, përcjell Telegrafi.
Raporti i The Trustwave thotë se njëri nga mesazhet e rreme që ata zbuluan ka titullin “mesazh i ri nga Facebook”.

Në email shkruhej: “Faqja e juaj është planifikuar që të fshihet për shkak të shkeljes së standardeve të komunitetit. Nëse ne nuk marrim mesazh nga ju në 48 orët e ardhshme, faqja në pyetje do të fshihet automatikisht. Mund ta apeloni këtë vendim duke vizituar kutinë tuaj të mesazheve”.

Në email-in e dërguar shfaqet një buton ku shkruhet Apelo Tani, në të cilin përdoruesit e Hotmail, Gmail dhe Outlook mund të klikojnë.

Megjithatë, sapo që ai buton të klikohet, përdoruesit drejtohen tek një faqe e rreme apeli në Facebook dhe një bisedë false në Messenger, e cila udhëhiqet nga Google Firebase.

Continue Reading

Teknologji

Ky furgon kushton 365 mijë euro, por ja cila është arsyeja e këtij çmimi

Published

on

Çmimi i lartë i këtij furgoni mund të shpjegohet pjesërisht për faktin se nuk është një Volkswagen, por një Porsche.

Janë ndërtuar vetëm një numër prej 10 modeleve të VW T3 me motor të Porsche 911.

Këta furgon thuhet se janë ndërtuar për shkak se ishin shumë të ngadalshëm në vitet e 80ta për të shërbyer si vetura mbështetëse testimi për testet që Porsche i kryente në atë kohë. Kështu që Porsche konvertoi një numër të këtyre modeleve dhe u bashkëngjiti edhe motorin 3.2 litërsh nga Carrera.

Nuk dihet saktë se sa modele janë ndërtuar, por që është e qartë që nuk janë ndërtuar më shumë se dhjetë prej tyre, dhe pasi që më nuk u shitën si Volkswagen, atëherë T3 B32 mund të jetë një nga modelet më të rralla nga Zuffenhausen, aty ku edhe gjendet fabrika e Porsche.

Një nga dhjetë modelet tani është në shitje nga ueb-sajti gjerman për shitjen e veturave Mobile.de. Furgoni gjendet në Porsche Centrum Gelderland të Heterin.

T3 B32 vije me regjistrimin e parë që e kishte bërë në vitin 1988, një ndërrues i shpejtësive manual dhe ka 130,770 kilometra të kaluara. Sigurisht se furgoni ka numrin origjinal të shasisë të Porsche.

Modeli i cili ishte ndërtuar në vitin 1985 ka një ngjyrë të bardhë metalike, ndërsa më parë ishte edhe nën pronësinë e drejtorit ekzekutiv të Porsche Peter Schutz, dhe ka dokumenta gjermane.

Continue Reading

Aktuale