Connect with us

Lajme

Zgjohet Titoja/ I papranueshëm është qëndrimi i Borisovit

Published

on

Ish kryetari i Kuvendit dhe drejtuesi i PRSD-së, Tito Petkovski, në një paraqitje telefonike për televizionin KANAL 5, ka thënë se ishte i befasuar nga paraqitja e kryeministrit bullgar Bojko Borisov në konferencën e sotme për shtyp, ku sipas tij Borisov po tenton të shantazhojë integrimet e Maqedonisë së Veriut, me kontekstin që ka vendi me Bullgarinë në lidhje me historinë, transmeton in7.

“Absolutisht është e papranueshme që Borisov të afatizojë që deri në tetor të zgjidhet çështja e Goce Delçevit ose Bullgarisë do të ketë një qëndrim krejtësisht të ndryshëm ndaj Maqedonisë, përsa i përket integrimeve në BE”, thotë Tito Petkovski, ish kryetar i parlamentit dhe ish-drejtuesi i PRSD, e cilë eshtë pjesë e koalicionit qeverisës.

Kryeministri bullgar, Bojko Borisov, sot në konferencën e përbashkët me homologun e tij, Zoran Zaev, ka dhënë edhe afat që brenda tetorit komisionet e përbashkëta të arrijë një kompromis për të gjitha çështjet e diskutueshme të historisë që tangojnë këta dy vende fqinje.

“Jo, duhet të arrihet, patjetër të arrihet kompromis, nuk duhet të kalohet tetori. Duhet të mblidhen Komisionet, të punojnë çdo ditë. Patjetër të arrihet!” –tha Kryeministri i Bullgarisë, Bojko Borisov.

Problemi në të cilin “ngecën” ekspertët për tejkalimin e çështjeve të diskutueshme në librat shkollorë në të dyja vendet, është definimi i Goce Dellçevit, si revolucionar maqedonas, bullgar ose i përbashkët. Në të dyja vendet ai festohet me dekada, ndërsa shumë institucione, shkolla dhe rrugë e mbajnë emrin e tij.

Ndërkaq i pyetur nga gezetarët se çfarë nacionaliteti kishte Goce Delçev, Borisov është përgjigjur se Goce Delçev është bullgar që u mundua për lirinë e Maqedonisë./in7.tv/

 

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Aktuale