Për momentin deri tek Ministria e Drejtësisë ende nuk ma arritur kërkesa nga Serbia për ekstradimin e ish-ushtarit të UÇK-së, kështu ka thënë Ministrja e Drejtësisë, Renata Deskoska e pyetur nga gazetarët, se a do të ekstradohet në Sebi, ish ushtari i UÇK-së, Tomor Morina, transmeton in7.

Ministra e Drejtësisë, Renata Deskoska në konferencës së sotme për shtyp ka thënë se nëse mbërrin kërkesa, Ministria është e obliguar që atë ta dorëzoj në Gjykatë , nga ku edhe pritet vendimi për Morinën.

“Procedura shkon deri tek gjykatat përgjegjëse. Sipas Ligjit tonë kërkesa për ekstradim duhet të arrij deri tek Ministria e Drejtësisë më pas kërkesa dërgohet deri tek gjykatat që vendosin. Procedura e deri tanishme ishte që me kërkesë të Interpolit, MPB ndalon personin që ka dashur të kaloj kufirin më pas Gjykata vendos. Ne si Ministri deri më tani kemi pasur përgjegjësi që të informojnë ambasadat përmes Ministris së Punëve të Jashtme. Ai është shtetas i Britanisë dhe i Kosovës, komfor këtyre procedurave kemi dërguar lajmërim deri tek ambasadat përkatëse në shtetin tonë. Deri dje nuk kemi marrë kërkesë për ekstradim. Nëse tashmë ka arritur kërkesa, ne e dërgojmë deri tek Gjykata e cila do të vepron më tutje” ka thënë në konferencën për shtyp, Ministrja e Drejtësisë, Renata Deskoska, përcjell in7.

Përndryshe, dje avokati i Morinës, Naser Raufi për televizionin Alsat-M ka thënë se për sot pritet që ish ushtari i UÇK-së Tomor Morina të lirohet nga paraburgimi. Lidhur me shqyrtimin e kërkesës për ekstradimin e tij në Serbi, ekspertët juridik thonë se vetëm gjykata e Hagës është kompetente për ekzekutimin e procedurave për krime lufte në Kosovë dhe e përjashtojnë mundësinë që Morina të ekstradohet në Serbi./in7.tv/