Connect with us

Lajme

Borrisov: As që mendoj të bllokojmë MV në NATO dhe BE

Published

on

Bullgaria nuk mendon ta kushtëzojë Maqedoninë e Veriut në marrjen e datës së Bashkimit Evropian edhe nëse deri në tetor nuk arrihet kompromis për çështjet e figurave historike, që tangojnë të dy vendet, ka thënë në konferencën e përbashkët për shtyp Kryeministri bullgar, Bojko Borisov, njofton in7.

“As që mendoj se mundet të vijë puna deri tek një çështje e tillë, Bullgaria t’a bllokojë Maqedoninë e Veriut në anëtarësimin e saj në NATO. Nuk lejohet që unë të ngre dorën kundër Maqedonisë Veriore,”, ka thënë Borisov.

Nga ana tjetër në fjalimin e tij, kryeministri Zaev ka njoftuar se sot kanë vendosur t’i inkurajojnë komisionet për të arritur zgjidhje edhe për çështjet tjera historike që vijojnë, siç është figura historike Goce Dellçev, i cili sipas tij “mund vetëm t’i bashkojë shtetet”.

“Sot kemi vendosur që t’i inkurajojmë të dy komisionet e të dy anëve, të vazhdojnë në zgjidhjen e çështjeve që vijojnë. Tashmë kemi zgjidhur katër personalitete historike, të cilat bashkërisht do t’i respektojmë. Gjithashtu shpresoj se do të gjendet zgjidhje edhe për personalitetin historik, Goce Dellçev. Goce Dellçev është personalitet dhe hero që i lidh dy kombet. Për këtë në Maqedoninë Veriut dhe në Bullgari do të vazhdojmë t’i japim respekt të madhit Dellçev. Nëpërmjet gjuhës së kuptimit reciprok, këtë e bëjmë bashkërisht, nëpërmjet miqve të afërt, të cilët ndajnë ndjenja, vlera dhe qëllime të ngjashme. Jam i bindur që Goce Dellçevi mund vetëm të na bashkojë”, ka thënë Zaevi.

Meqë në fjalimin e tij Borisovi e përdor termin “maqedonas-veriorë”, pas reagimit të disahershëm të gazetarëve, ai u sqarua se lëshimi ishte i paqëllimshëm, dhe kërkoi falje.

“Qytetarë të Maqedonisë së Veriut, më falni, por unë pa dashje e thashë atë”, ka thënë Borisovi.

Republika e Maqedonisë së Veriut dhe Republika e Bullgarisë sot e shënojnë dyvjetorin e nënshkrimit të Marrëveshjes për fqinjësi të mirë dhe bashkëpunim mes dy vendeve, ku kryeministrat e të dy vendeve, Zoran Zaev dhe Bojko Borisov mbajtën një konferencë të përbashkët për shtyp në Shkup/in7.tv/

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale