Connect with us

Lajme

Borisov e thotë hapur, Goce Delçev ishte bullgar

Published

on

Kanë kaluar dy vjet që kur u nënshkruar marrëveshja për fqinjësi të mirë ndërmjet Maqedonisë së Veriut dhe Bullgarisë dhe gjatë këtyre dy viteve janë bërë përpjekje të përbashkëta, të cilat i kanë dhënë një perspektivë evropiane Maqedonisë së Veriut. Këtë e ka thënë kryeministri bullgar,Bojko Borisov pas takimit në katër sy me kolegun e tij Zoran Zaev, në Shkup, transmeton in7 .

Kryeministri bullgar ka thënë se në delegacionin e tij ka pasur edhe profesorë të historisë, siç janë, profesor Angel Dimitrov dhe eurodeputetin Angel Dzhambazki.

Ai ka theksuar se shpreson që historia nuk do të jetë ajo që do të na ndajë në të ardhmen, duke sigurar homologun e tij, Zaev se punët në Korridorin 8 do të përshpejtohen:

“Ne u pajtuam me kolegun tonë të shkonim në Gueshevo javën tjetër. Tuneli në anën tonë është pothuajse gati, po punohet për të përfunduar Korridorin 8. ”

Ai u bëri thirrje historianëve të punojnë për të arritur konsensus mbi çështjet e diskutueshme.

“Për t’i bashkuar përpjekjet tona, duhet të punojmë çdo ditë. Kemi pak kohë për t’i dhënë fund këtyre konflikteve, të themi. Për të gjithë ne që argumentojmë, heronjtë që dhanë energjinë e tyre sakrifikuan veten për të punuar së bashku, thjesht nuk është e drejtë për ideologjinë e tyre, qëllimin, ëndrrën. Ata ëndërronin për autonomi, për më shumë të drejta për njerëzit. Shpresoj që historianët, jo vetëm që nuk do ta pengojnë, por do të bëjnë përpjekje të mëdha dhe të gjejnë zgjidhjen e duhur të historisë që të na bashkojë, të shkojmë bashkërisht dhe të përkulemi para varreve të tyre.” ka thënë Borisov.

Kryeministri bullgar, gjithashtu ka dhënë edhe afat që brenda tetorit komisionet e përbashkëta të arrijë një kompromis për të gjitha çështjet e diskutueshme të historisë që tangojnë këta dy vende fqinje.

“Jo, duhet të arrihet, patjetër të arrihet kompromis, nuk duhet të kalohet tetori. Duhet të mblidhen Komisionet, të punojnë çdo ditë. Patjetër të arrihet!” –tha Kryeministri i Bullgarisë, Bojko Borisov.

Problemi në të cilin “ngecën” ekspertët për tejkalimin e çështjeve të diskutueshme në librat shkollorë në të dyja vendet, është definimi i Goce Dellçevit, si revolucionar maqedonas, bullgar ose i përbashkët. Në të dyja vendet ai festohet me dekada, ndërsa shumë institucione, shkolla dhe rrugë e mbajnë emrin e tij.

Ndërkaq i pyetur nga gezetarët se çfarë nacionaliteti kishte Goce Delçev, Burisov u përgjigj: “Goce Delçev është bullgar që u mundua për lirinë e Maqedonisë”.

“Bullgaria në asnjë mënyrë nuk ndërhyn në punët e Republikës së Maqedonisë së Veriut. Unë gjithashtu kam hulumtuar me kujdes mjedisin tuaj të mediave dhe për keqardhjen time të madhe shoh një ndikim të fortë kundër Bullgarisë. Mickoski është shoku im, ne jemi nga një familje politike. Çfarë kemi bërë për ju? Heronjtë tanë, kur u vranë, kishin pikërisht këto synime – të ishim vëllezër, të kishin prosperitet dhe të ardhura të përbashkët. Sepse ky është qëllimi më i madh i çdo politikani,” ka thënë kryeministri bullgar Borisov.

Borisov dhe Zaev, një ditë para Ilindenit, dita e cila gjithashtu në të dyja vendet festohet si festë shtetërore, vendosën lule në varrin e Goce Dellçevit në kishën Sveti Spas në Shkup. Eshtrat e revolucionarit, pas Luftës së Dytë Botërore, autoritetet e atëhershme bullgare u pajtuan që t’ia dorëzojnë Maqedonisë së Veriut./in7.tv/

https://www.facebook.com/boyko.borissov.7/videos/2495417667352955/

Continue Reading

Lajme

KSHZ-ja nxjerr rezultatet e para paraprake të zgjedhjeve lokale

Published

on

Kryetari i Komisionit Shtetëror të Zgjedhjeve, Aleksandar Dashtevski, në një dalje për shtyp, ka nxjerrë rezultat e para të kandidatëve që kanë fituar komunat që në raundi e parë dhe ato që shkojnë në balotazh, pas dy javësh, më 31 tetor.

Rezultatet parapake të zgjedhjeve lokale të 17 tetorit:

Haraçina shkon në balotazh, LSDM-BDI

Manastir shkon në balotazh LSDM-VMRO-DPMNE

Bogovina shkon në balotazh

Bevernica shkon në balotazh

Butel ka fituar VMRO-DPMNE-ja

Silevo shkon në balotazh VMRO-LSDM

Vevçan shkon në balotazh LSDM-VMRO

Vrapçisht shkon në balotazh ASH-BDI

Gazi Baba ka fitura në raundin e parë

Gjevgjeli shkon në balotazh LSDM-VMRO

Gradsko ka fituar VMRO-ja

Dibër shkon në balotazh BDI-ASH

Dimir Hasar shkon në balotazh VMRO-LSDM

Dollnen shkon në balotazh LSDM-BDI

Zhelinë shkon në balotazh Besa-BDI

Kërçovë shkon në balotazh BDI-VMRO

Kratov shkon në balotazh LSDM-VMRO

Kriva Pallanka fiton LSDM

Krushevë fiton LSDM

Kumanovë shkon në balotazh LSDM-kandidat i pavarur

Likovë fiton BDI

Kamenicë shkon në balotazh VMRO-LSDM

Makedonski Brod shkon në balotazh VMRO-LSDM

Ohër shkon në balotazh VMRO-LSDM

Continue Reading

Kosovë

Për humbjen në Prizren, Anton Quni ia lë fajin edhe horoskopit

Published

on

Kandidati i Lidhjes Demokratike të Kosovës për kryetar të Prizrenit, Anton Quni ka arritur t’i marrë vetëm 14,98% të votave në zgjedhjet e djeshme, ku doli i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).
Një nga faktorët për humbjen e djeshme, Quni tha se ishte edhe pozita e yjeve në horoskop. Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme, raporton Express.

“Është fakt që kemi filluar vonë. Kjo më shumë lidhet me shëndetin tim.

Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.

Ai shtoi se ka pasur edhe faktorë tjerë që kanë ndikuar në rezultatin e këtyre zgjedhjeve.

“Janë edhe shumë faktorë të tjerë që ndikojnë. Krijohet një opinion. Vetë fakti se përsëriteshin sondazhet publikisht, tregohet sadopak se nga duhet të orientohet vota”, tha Quni.

Ai deklaroi se nuk kanë vija të kuqe për LVV-në dhe LDK-në që do të garojnë në balotazh.

“Me Z.Haskuka nuk kemi përvoja të mira”, tha Quni, i cili shtoi se “me seriozitetin më të madh do ta analizojmë situatën”.

Continue Reading

Lajme

Ja sa këshilltarë kanë partitë politike në Strugë

Published

on

Ja numri i 27 këshilltarve të rinj në Këshillin e ardhshëm komunal të Strugës, 2021-2025:

BDI- 10 këshilltarē
ASH-AA- 7 këshilltarë
VMRO-DPMNE- 5 këshilltarë
LSDM- 4 këshilltarë
BESA – 1 këshilltarë

Në Strugë do të ketë raund të dytë në garën për kryetar komune mes Ramis Merkos nga BDI dhe Idri Istrefit nga ASH-AAA.

Continue Reading

Aktuale