Connect with us

Bota

Politika e jashtme në fokus të debatit mes kandidatëve demokratë për president

Published

on

Dhjetë kandidatët presidencialë demokratë janë përplasur me argumente në një debat televiziv në Shtetet e Bashkuara.

Ky është debati i parë mes demokratëve i cili do të pasohet nga një debat tjetër ku do të paraqiten 10 kandidatët tjerë, përfshirë Joe Biden dhe Kamala Harris, që synojnë nominimin e Partisë Demokratike, për garën presidenciale të SHBA-së më 2020.

Shëndetësia, migracioni dhe politika e jashtme, dominuan debatin që u zhvillua të martën në mbrëmje.

Elizabeth Warren dhe Bernie Sanders, ndër kandidatët më të njohur mes demokratëve ishin në qendër të kritikave nga kundër-kanditatët e tyre.

Ashtu si presidenti i SHBA-së, Donald Trump, senatori, Bernie Sanders shprehu neverinë e tij ndaj rolit “polic i botës” nga ana e Shteteve e Bashkuara.

Sanders tha se ai do të përmirësonte qëndrimin e Shteteve të Bashkuara me Kombet e Bashkuara dhe do të përqëndrohej në diplomaci në vend të veprimeve ushtarake.

“Ajo që na duhet është një politikë e jashtme që përqendrohet në diplomaci dhe përfundimin e konflikteve nga njerëzit që ulen në tryezë dhe diskutojnë”, tha Sanders.

Kryebashkiaku i Indianës, Pete Buttigieg, një ish oficer i inteligjencës në Rezervat e Marinës, tha se ai do të tërheqë trupat nga Afganistani në vitin e tij të parë në detyrë.

“Mendova se isha një nga trupat e fundit që po largohej nga Afganistani,” tha Buttigieg për luftën 18-vjeçare në atë vend.

Ish-kongresisti Beto O’Rourke u zotua të përfundojë pranitë e huaja në Irak, Jemen, Somali, Libi dhe Siri. Ai gjithashtu premtoi të tërhiqte trupat nga Afganistani në mandatin e tij të parë.

“Si president, unë do t’i përfundoj ato luftëra dhe nuk do të fillojmë luftëra të reja, ne nuk do të dërgojmë më shumë anëtarë të shërbimit amerikan jashtë shtetit për të sakrifikuar jetën e tyre dhe për të marrë jetën e të tjerëve në emrin tonë,” tha ai

Si Sanders, O’Rourke tha që Shtetet e Bashkuara duhet të përqëndrohen më shumë në diplomacinë paqësore.

Sa i përket kërcënimit të paraqitur nga Koreja e Veriut dhe udhëheqësi i saj Kim Jong Un, kandidati nga Ohio, Tim Ryan tha se “nuk mendoj se presidentët e Shteteve të Bashkuara duhet të takohen me diktatorët.”

Senatorja Amy Klobuchar nga Minesota foli ndryshe, duke thënë se ajo beson se duhet të jetë gjithmonë e hapur për t’u takuar me “këdo në çdo vend”.

“Unë besoj se ju takoheni me njerëz, por kur keni një axhendë dhe vendosni interesat e vendit në rend të parë”, tha Klobuchar.

Ne debat kishte përplasje, nëse Shtetet e Bashkuara duhet të përdorin armët bërthamore.si masë mbrojtëse. Guvernatori i Montanas, Steve Bullock, tha se ai “nuk do ta largonte këtë opsion nga tryeza”.

Senatorja e Masaçusets, Elizabeth Warren tha se Shtetet e Bashkuara duhet të përdorin armë bërthamore vetëm nëse një vend tjetër e përdor atë së pari.

“Përgjegjësia jonë është të ruajmë sigurinë tonë”, tha ajo.

Kandidatët demokratë kishin mospajtime edhe sa i përket krizës në kufirin me Meksikën, dhe kujdesin shëndetësor.

Dhjetë kandidatë të tjerë demokratë do të debatojnë më 31 korrik.

Fituesi i nominimit presidencial nga ana e demokratëve do të shpallet korrikun e ardhshëm në konventën e partisë.

Zgjedhjet presidenciale mbahen në nëntor.

Continue Reading

Bota

Dhjetëra viktima nga përmbytjet në Indi e Nepal

Published

on

By

Dhjetëra viktima nga përmbytjet në Indi e Nepal

Më shumë se 100 persona kanë humbur jetën dhe dhjetëra të tjerë janë shpallur të humbur si pasojë e përmbytjeve që kanë përfshirë prej disa ditësh Indinë dhe Nepalin.Zona më e goditur nga përmbytjet është ajo e Uttarakhand, ku deri tani janë konfirmuar 46 viktima, ndërsa 11 të tjerë u shpallën të humbur ditën e sotme.

Në shtetin fqinj të Nepalit, 31 persona janë vrarë nga rrëshqitjet e dherave, për të cilat ekspertët deklarojnë se janë përherë e më të zakonshme dhe që vijnë si pasojë e shkrirjes së akullnajave në Himalaje.

Më shtetin indian të Keralas, autoritetet janë detyruar të hapin portat e hidrocentraleve, pasi uji ka arritur në nivele ekstreme dhe kërcënon një fatkeqësi më të rëndë nëse digat çahen.

Continue Reading

Bota

Pritet rritja e prodhimit të naftës

Published

on

By

Pritet rritja e prodhimit të naftës

Një studim i përkrahur nga Kombet e Bashkuara ka thënë se bota duhet të zvogëlojë më shumë se gjysmën e prodhimit të thëngjillit, naftës dhe gazit në dekadën e ardhshme, në mënyrë që ngrohja globale të mos arrijë në nivele të rrezikshme.

Programi i Kombeve të Bashkuara për Ambient, ka thënë se në raportin e publikuar më 20 tetor se shtetet janë duke planifikuar që të shpojnë apo gërmojnë më shumë se gjysmën e sasisë së thëngjillit, naftës dhe gazit, në përputhje me kufizimin e ngrohjes globale në 1.5 gradë Celsius deri në fund të shekullit.

Vetëm 10 ditë para se të mbahet Samiti për Klimën në Glasgou të Skocisë, i cili po konsiderohet kyç për të jetësuar synimet për temperaturën, të arritura në Marrëveshjen e Parisit për Klimën, studimi ka gjetur se prodhimi i thëngjillit do të ulet, mirëpo prodhimi i gazit do të rritet më së shumti në 20 vjetët e ardhshëm, në nivele që nuk janë në përputhje me synimet për temperaturën, për të cilat është arritur pajtueshmëri në Paris.

“Hulumtimi është i qartë: prodhimi global i thëngjillit, naftës dhe gazit duhet të zvogëlohet menjëherë në mënyrë që të jetë në përputhje me kufizim të ngrohjes globale në 1.5 gradë Celsius”, ka thënë Ploy Achakulwisut, autore e raportit nga Instituti i Stohholmit për Ambient.

“Megjithatë, qeveritë vazhdojnë të planifikojnë dhe të mbështesin prodhimin e naftës së papërpunuar, të cilat janë shumë më të mëdha sesa ne mund të djegim”, ka thënë ajo.

Në muajin gusht, një panel i OKB-së për ndryshimet klimatike, ka paralajmëruar se temperatura mesatare globale, do të mund të kalojë 1.5. gradë Celsius brenda 20 vjetëve, përveç nëse nuk merren masa të menjëhershme, të shpejta dhe të shkallës së gjerë, për të zvogëluar emetimet e gazrave serrë.

Vlerësimet preliminare sugjerojnë se prodhimi global i naftës së papërpunuar ka mundur të zvogëlohet për 7 për qind më 2020, kryesisht për shkak të pandemisë së koronavirusit dhe masave kufizuese.

Mirëpo, sipas një raportit të ri, shtetet planifikojnë të prodhojnë 110 për qind më shumë naftë më 2030, sesa është paraprarë për të mos rritur temperaturën mbi 1.5 gradë, dhe 45 për qind më shumë sesa që duhet, për të mos rritur temperaturën në 2 gradë Celsius.

Në raport përmenden 15 prodhues të mëdhenj përfshirë Rusinë, Australinë, Arabinë Saudite, Shtetet e Bashkuara dhe Mbretërinë e Bashkuar.

Rusia vitin e kaluar ka miratuar strategjinë e re për energji deri më 2035.

Sipas skenarit “optimist” të strategjisë, prodhimi i gazit dhe thëngjillit do të rritet për 38 për qind dhe 52 për qind, respektivisht, nga 2018 deri më 2035, dhe 18 për qind dhe 10 për qind, respektivisht, sipas një skenari “pesimist”.

Për dallim nga gazi dhe thëngjilli, strategjia parasheh rënie të prodhimit të naftës.

Continue Reading

Bota

Shpërthen vullkani Aso

Published

on

By

Shpërthen vullkani Aso

Në jugperëndim të Japonisë ndodhi një shpërthim në vullkanin Aso në prefekturën Kumamoto.

Sipas Agjencisë Meteorologjike Japoneze (JMA), vullkani shpërtheu në orën 11:43 sipas kohës lokale me kohën lokale në kraterin “Nakadake” 1 të vullkanit.

Vullkani hodhi hirin në një lartësi prej 3.5 kilometrash. Gjithashtu thuhet se niveli i paralajmërimit të aktivitetit vullkanik JMA është ngritur në nivelin 3, i cili është një rekomandim për “publikun të mos i afrohet vullkanit”.

Aso njihet si vullkani më i madh aktiv në vend i cili ndodhet në Kumamoto, në rajonin jugperëndimor Kyushu.

Continue Reading

Aktuale