Lajme

Kuvendi miraton ligjin për arsim fillor

Published

4 years ago

30.07.2019

B.SH

Kuvendi në seancën e sotme të 109-të me shumicë të dyfishtë e solli ligjin për arsim fillor dhe Ligjin për mësimdhënësit dhe bashkëpunëtorët profesional në shkollat fillore dhe të mesme. Deputetët e VMRO-DPMNE-së kanë votuar të përmbajtur.

Ministri i Arsimit Arbër Ademi ka shprehur kënaqësinë nga debati kontruktiv e cila është zhvilluar mbi këtë ligj. Duke e shpjeguar tekstin ligjor tha se në Propozim- ligjin përfshihen analiza të institucioneve kredibile siç është OECD dhe UNICEF, përmban risi që janë në interes të nxënësve por edhe tjerëve të involvuar në procesin edukativ- arsimor.

“Sigurisht që ky Propozim- ligj e përmirëson cilësinë e procesit edukativo- arsimor, mësimin, forcimin e vlerave në arsim, në fokus ka edhe nxënësit me nevoja të veçanta, ndërsa përmban edhe risi lidhur me organizimin e nxënësve, pjesëmarrjen e tyre në krijimin e politikave në shkolla dhe ku e ndjekin mësimin edukativ- arsimor si dhe në eliminimin e ndikimeve partiako- politike në arsim. Poashtu parasheh risi edhe lidhur më mbështetjen që i jepet nxënësve dhe mësimdhënësve në orientimin e tyre profesional, mësimdhënës për organizimin e arsimit fizik dhe sportit, arritjes së standardeve profesionale të cilët duhet t’i arrijnë nxënësit gjatë çdo periudhe të arsimit. Risi ka edhe në cilësinë e ushqimit, aspektet nutritive dhe shumë risi tjera. Duke pasur parasysh debatin konstruktiv që e kemi pasur këto ditë, dëshiroj që gjithë deputetët të japin dritë të gjelbër siç i ka hije dhe të miratohen të gjitha ligjet në sferën e arsimor”, ka thënë Ademi.

Deputeti Ferid Muhiq fuqishëm e mbështeti Propozim- ligjin pasi sipas tij arsimi e sjell identitetin e një populli, ndërsa e mbështet edhe inkluzivitetin në arsim.

“Inkluziviteti i plotë nuk është realizuar askund në botë, por ideja është ajo dhe duhet të mbështetet dhe duhet të shkojmë në atë drejtim”, ka thënë Muhiq.

Deputeti i VMRO-DPMNE-së Dimitar Stevananxhija ka thënë se nga partia kanë vendosur për këtë zgjidhje të përmbajtur që të kenë ndërgjegje të pastër për anomalitë e ligjit të bien siç tha “në kurriz të LSDM-së”.

Vllatko Gjorçev nga VMRO-DPMNE ka drejtuar disa pyetje deri te ministri Ademi të cilat i takojnë funksionimit të shkollave dhe në ç’numër të nxënësve në shkollat fillore konsideron në vitin shkollor 2019-2020. “Deri para disa vjetësh ka qenë rreth 190 mijë ndërsa tani ai numër shkojnë shpejtë poshtë për shkak të shpërnguljes së popullatës”, ka thënë Gjorçev.

Në përgjigjen ministri ka thënë se në klasën e parë janë regjistruar 18.562 nxënës, ku nuk janë përfshirë të dhënat nga 10 komuna të cilat nuk kanë dorëzuar të dhëna, por rezultatet përfundimtare do t’i kenë para shtatorit. Për vitin e kaluar numri i atyre të regjistruar në klasën e parë ka qenë 22.130 nxënës, në vitin 2017/18 ky numër ka qenë 21.656.

Ndryshe pa debat është sjell edhe Ligji për mësimdhënësit dhe Ligji për bashkëpunëtorë në shkollat fillore dhe të mesme.

Para saj janë sjell tre vendime mes të cilave edhe dërgimi i pjesëtarëve të ARM-së në operacionin paqësore “Mbështetje vendimtare” në Afganistan.

Lajme

Lloga takon ambasadoren e Greqisë në RMV, Sofia Philippidoup

Published

16 hours ago

20.03.2023

G.A

Ministri i Drejtësisë Krenar Lloga ka zhvilluar një takim pune me ambasadoren e Greqisë në vendin tonë, Sofia Philippidou. Ministri Lloga e njoftoi Philippidoun për skriningun në Bruksel dhe mbështetjen e Komisionit Evropian për progresin e arritur në fushën e reformave në drejtësi dhe sundimit të ligjit. “Greqia ka mbështetur gjithmonë ambiciet evropiane të Ballkanit Perëndimor, përfshirë Republikën e Maqedonisë së Veriut dhe është e gatshme të ofrojë ndihmë profesionale për të lehtësuar procesin”, tha Philippidou

Në takim u diskutua edhe për ndryshimet kushtetuese, ku ministri Lloga bëri të ditur se në periudhën e ardhshme, në koordinim me kryeministrin dhe presidentin e shtetit, do të formohet një grup pune që do të punojë për përgatitjen e ndryshimeve kushtetutese.

Ministri i Drejtësisë, Krenar Lloga e informoi ambasadoren e Greqisë se Ministria e Drejtësisë do të paraqesë kërkesë të re për ekstradimin e ish agjentëve Goran Grujovski dhe Nikolla Boshkoski të cilët në vitin 2017 u akuzuan për përgjime masive të mbi 20 mijë qytetarëve. “Nuk mund të ketë shtet të së drejtës derisa këta persona të përgjigjen për veprat që kanë kryer. Presim që vendet e BE-së të na ndihmojnë në zbatimin e ligjeve dhe rikthimin e besimit në sistemin e drejtësisë”, tha ministri i Drejtësisë Krenar Lloga.

Ministri Lloga dhe ambasadori Philippidou presin nga të dyja vendet intensifikimin e përpjekjeve për zbatimin e plotë të Marrëveshjes së Prespës. Bashkëpunimi do të vazhdojë edhe në periudhën e ardhshme duke organizuar punëtori, vizita zyrtare dhe takime në nivel ekspertësh për të lehtësuar procesin e negociatave me BE-në. Mbështetja e Akademisë për Gjyqtarë dhe Prokurorë Publikë në Selanik do të jetë e një rëndësie të madhe për afrimin e legjislaturës tonë me atë evropiane.
https://www.facebook.com/100090407993687/posts/pfbid029ogB6Npp9U4jnKowKCTDZPhTYWje4yn9JfJCLGBNuDTenECrr4miTNxnV2L44ZpBl/?mibextid=cr9u03

Lajme

Lloga jep lajmin e madh, mijëra qytetarë lirohen nga burgu, amnistia për shkeljet e Covid miratohet ekspress në Kuvend

Published

16 hours ago

20.03.2023

G.A

Ministri i drejtësisë Krenar Lloga vazhdon të përmbush një nga një premtimet e tij pasi erdhi në krye të ministrisë së Drejtësisë, shkruan Top24

Një nga premtimet e radhës është ai i ligjit për amnesti të personave që shkelën masat Kovod i cilo sot ishte në kuvend.
Pas një procedure të shkurtuar, Kuvendi miratoi Ligjin për Amnisti për shkelësit e protokolleve të Covid.
Kuvendi me 76 vota pro dhe 1 kundër miratoi Ligjin për Amnisti pas procedurë të shkurtuar. Ministria e Drejtësisë ka marrë pjesë në përgatitjen e ligjit dhe është propozuar në Kuvend nga një grup deputetësh.
Mijëra shkelës të masave Covid, të cilët nuk kanë paguar dënim dhe kanë përfunduar ose janë në prag të burgut do të amnistohen. Burgu do të zëvendësohet me një dënim me kusht.
Amnistia nuk do të zbatohet për personat juridikë, restorantet dhe kafenetë.
https://www.facebook.com/100090407993687/posts/pfbid02tSdWkpgZz9viV1B6VHM2nJk9Xjyg7LcLMZocf6A34FAd4G3SCEVWTomQc4dNzwMDl/?mibextid=Nif5oz

Lajme

Anketë: Taravari barazohet me Ahmetin, Mexhiti i treti

Published

2 days ago

19.03.2023

G.A

Izet Mexhiti rezulton personaliteti politik jo lider për të cilin qytetarët kanë mendimin më të madh pozitiv, ndërkaq zëvendëskryeministri i parë Artan Grubi gëzon mendimin më të madh negativ nga qytetarët, përkatësisht rreth 60 për qind. Kështu vërteton një anketë e realizuar në gjysmën e dytë të muajit shkurt. Mexhiti radhitet në grupin e liderëve politikë duke gëzuar 43,5 për qind mbështetje, ndërsa para tij radhiten vetëm Ali Ahmeti me 48,9 për qind dhe Arben Taravari me 46 për qind. Edhe pse Mexhiti gëzon këtë mbështetje jo si një lider i një partie politike, prapa vetes lë Bilall Kasami dhe Afrim Gashin.
Konstatim nga anketimi
“Të anketuarit mendim më pozitiv kanë për Ali Ahmetin (48,9%), Arben Taravarin (46%) dhe Izet Mexhitin (43.5%), ndërkaq mendim më negativ kanë për Mendu Thaçin (58,6%) dhe Artan Grubin (58,3%). Më së paku i njohin Bashkim Hasanin dhe Kastriot Rexhepin”.
Lidhur me zhvillimet brenda BDI-së dhe veprimet e “grupit të zjarrit”, të anketuarit nxjerrin Mexhitin si eksponentin më të favorshëm për një lider të ardhshëm politik. 21,4 për qind e të anketuarve mendojnë se Mexhiti mund të jetë lider i një partie politike, ndërsa pas tij mbështetje të ulët përkatësisht nën 10 për qind gëzojnë Musa Xhaferi, Nevzat Bejta dhe Visar Ganiu.
Në lidhje me betejën brenda BDI-së, 30,5 për qind për qind e të anketuarve konsideron se lufta e grupit të zjarrit është e drejtë, ndërsa rreth 14 për qind për qind vlerësojnë se bëhet fjalë për betejë personale kundër kreut të BDI-së, Ali Ahmeti.
Konstatim nga anketimi
Grupi i zjarrit bën betejë të drejtë për reforma brenda BDI-së dhe reformave në shtet (30,5%)
Është çështje e tyre e brendshme partiake, e parëndësishme për shtetin (26,1%)
Grupi i zjarrit bën betejë personale kundër Ali Ahmetit (14%)