Connect with us

Lajme

Aleanca për Shqiptarët kundërshton ligjin e ri për arsim, është diskriminues për shqiptarët

Published

on

Aleanca për Shqiptarët, përmes një kumunikate të lëshuar për mediat ka kundërshtuar ligjin për arsim fillor, që kuvendi ka miratuar sot në seancë plenare, me arsyen se është diskriminues për popullatën shqiptare që jeton në Maqedoninë e Veriut, transmeton in7.

Sipas ASH-së, gjatë përpilimit të projekt-ligjit nuk janë konsultuar fare shkollat, arsimtarët dhe pjesëmarrësit e drejtpërdrejt në procesin e mësimdhënies.

“Dëshirojmë t’ia bëjmë me dije opinionit publik se Projekt-Ligji për Arsimin Fillor në RMV që këto ditë ishte në procedurë parlamentare, dje kaloi në komisionin amë dhe sot u votua në seancë parlamentare. Në përpilimin e këtij projekt-ligji nuk janë konsultuar shkollat, arsimtarët dhe pjesëmarrësit e drejtpërdrejt në procesin e mësimdhënies. Ministri i Arsimit vendosi që debatin publik për këtë ligj ta organizojë me datë 26 korrik, në kohën kur shkollat dhe arsimtarët janë në pushim kolektiv, edhe pse drafti preliminar i të njëjtit ishte gati shumë kohë para përfundimit të vitit shkollor.”, thuhet në kumunikatën e ASH-së

ASH-ja thotë se ky ligj, që u miratua sot në Kuvendin e Maqedonisë së Veriut është diskriminues për shqiptarët, si dhe për komunitetet tjera që jetojnë në Maqedoninë e Veriut, pasi në nenin 85, pragrafi i 1, thuhet se për t’u punësuar një mësimdhënës obligohet që të njohë gjuhën dhe alfabetin qirilik dhe gjuhën në të cilën zhvillohet mësimi, pra një arsimtar shqiptar i gjuhës dhe letërsisë shqipe, që të punësohet në një shkollë, ku nxënësit janë shqiptarë dhe të zhvillojë mësimin në profesionin e tij, e ka të obliguar njohjen e gjuhës maqedonase, edhe pse për zhvillimin e mësimit nuk i nevojitet një gjë e tillë, duke krijuar dy kategori mësimdhënësish, shkruan in7.

“Duke qenë se me datë 29 korrik do të shqyrtohej në Komisionin për Arsim, deputetët e ASH-së përgatitën 10 amendamente të cilat u refuzuan pa përjashtim. Me keqardhje ju informojmë se në këtë komision kishte deputetë shqiptarë nga radhët e BDI-së që votuan kundër amendamenteve të Aleancës për Shqiptarët, ndërsa Ministri i Arsimit e interpretoi nenin si përpjekje për ‘inkluzion në arsim’. E ndjejmë të nevojshme ta informojmë opinionin se kemi të bëjmë me një ligj diskriminues për të gjithë të involvuarit në procesin mësimdhënës. Neni 85, paragrafi 1 thotë: Për tu punësuar, një mësimdhënës, duhet ta njohë gjuhën dhe alfabetin qirilik dhe gjuhën në të cilën do të zhvillohet mësimi. Për të shkuar akoma më larg, paragrafi 2 e këtij neni thotë: Drejtori I shkollës fillore formon komision të përbërë nga tre anëtarë të kuadrit mësimdhënës i cili do t’I testojë njohuritë e gjuhës nga pika 1 e këtij neni (lexo: gjuhës maqedonase) Pra, me këtë ligj krijojmë dy kategori mësimdhënësish:
– ata që sipas radhitjes në tekstin e ligjit, më të rëndësishme e kanë njohjen e gjuhës maqedonase sa atë shqipe
– ata që duhet të njohin dy gjuhë dhe të tjerët që për punësim iu duhet vetëm gjuha amtare
– ata që futen në testim njohurish dhe kolegët që vendosin për fatin e tyre
– ata që e japin lëndën e gjuhës maqedonase në paralele shqipe e që nuk testohen për njohuritë e gjuhës amtare të nxënësve të tyre.
Përpilues të Ligjit janë ata që proklamojnë ‘Shoqëri për të gjithë’ së bashku me ata të cilët vite me radhë deklarojnë se gjuhën shqipe e kanë bërë zyrtare. Shumë pyetje do të mbeten të hapura derisa vetë të involvuarit ta ngrenë zërin për të kërkuar trajtim si qytetarë me të drejta të barabarta të këtij vendi, ndërsa ASH do të jetë aty për t’i institucionalizuar kërkesat e tyre.”, thuneet në kumunikatën e lëshuar për mediat nga ASH-ja.

Kuvendi i Maqedonisë së Veriut, sot në seancën e 109-të me shumicë të dyfishtë e solli ligjin për arsim fillor dhe Ligjin për mësimdhënësit dhe bashkëpunëtorët profesional në shkollat fillore dhe të mesme./in7.tv

Continue Reading

Lajme

KSHZ-ja nxjerr rezultatet e para paraprake të zgjedhjeve lokale

Published

on

Kryetari i Komisionit Shtetëror të Zgjedhjeve, Aleksandar Dashtevski, në një dalje për shtyp, ka nxjerrë rezultat e para të kandidatëve që kanë fituar komunat që në raundi e parë dhe ato që shkojnë në balotazh, pas dy javësh, më 31 tetor.

Rezultatet parapake të zgjedhjeve lokale të 17 tetorit:

Haraçina shkon në balotazh, LSDM-BDI

Manastir shkon në balotazh LSDM-VMRO-DPMNE

Bogovina shkon në balotazh

Bevernica shkon në balotazh

Butel ka fituar VMRO-DPMNE-ja

Silevo shkon në balotazh VMRO-LSDM

Vevçan shkon në balotazh LSDM-VMRO

Vrapçisht shkon në balotazh ASH-BDI

Gazi Baba ka fitura në raundin e parë

Gjevgjeli shkon në balotazh LSDM-VMRO

Gradsko ka fituar VMRO-ja

Dibër shkon në balotazh BDI-ASH

Dimir Hasar shkon në balotazh VMRO-LSDM

Dollnen shkon në balotazh LSDM-BDI

Zhelinë shkon në balotazh Besa-BDI

Kërçovë shkon në balotazh BDI-VMRO

Kratov shkon në balotazh LSDM-VMRO

Kriva Pallanka fiton LSDM

Krushevë fiton LSDM

Kumanovë shkon në balotazh LSDM-kandidat i pavarur

Likovë fiton BDI

Kamenicë shkon në balotazh VMRO-LSDM

Makedonski Brod shkon në balotazh VMRO-LSDM

Ohër shkon në balotazh VMRO-LSDM

Continue Reading

Kosovë

Për humbjen në Prizren, Anton Quni ia lë fajin edhe horoskopit

Published

on

Kandidati i Lidhjes Demokratike të Kosovës për kryetar të Prizrenit, Anton Quni ka arritur t’i marrë vetëm 14,98% të votave në zgjedhjet e djeshme, ku doli i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).
Një nga faktorët për humbjen e djeshme, Quni tha se ishte edhe pozita e yjeve në horoskop. Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme, raporton Express.

“Është fakt që kemi filluar vonë. Kjo më shumë lidhet me shëndetin tim.

Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.

Ai shtoi se ka pasur edhe faktorë tjerë që kanë ndikuar në rezultatin e këtyre zgjedhjeve.

“Janë edhe shumë faktorë të tjerë që ndikojnë. Krijohet një opinion. Vetë fakti se përsëriteshin sondazhet publikisht, tregohet sadopak se nga duhet të orientohet vota”, tha Quni.

Ai deklaroi se nuk kanë vija të kuqe për LVV-në dhe LDK-në që do të garojnë në balotazh.

“Me Z.Haskuka nuk kemi përvoja të mira”, tha Quni, i cili shtoi se “me seriozitetin më të madh do ta analizojmë situatën”.

Continue Reading

Lajme

Ja sa këshilltarë kanë partitë politike në Strugë

Published

on

Ja numri i 27 këshilltarve të rinj në Këshillin e ardhshëm komunal të Strugës, 2021-2025:

BDI- 10 këshilltarē
ASH-AA- 7 këshilltarë
VMRO-DPMNE- 5 këshilltarë
LSDM- 4 këshilltarë
BESA – 1 këshilltarë

Në Strugë do të ketë raund të dytë në garën për kryetar komune mes Ramis Merkos nga BDI dhe Idri Istrefit nga ASH-AAA.

Continue Reading

Aktuale