Connect with us

Lajme

Aleanca për Shqiptarët akuzon pushtetin: Sherifët lokalë të BDI-së sillen si pronarë të gjithçkaje

Published

4 years ago

on

Aleanca për Shqiptarët ka reaguar përmes një komunikate ndaj ngjarjeve të fundit në Ohër, ku ka qënë i përfshirë këshilltari i BDI-së, Nefi Useini.
Nga ASH akuzojnë se institucionet e shtetit janë të kapura nga partnerët e koalicionit qeveritar dhe drejtësia selektive.

“Kohëve të fundit nëpër mediume dëgjuam disa herë për bazën e betonit “NEFI INVEST” që gjendet në afërsi të liqenit të Ohrit e që është ndërtim pa leje. Nefi Useini filloi ta ndërtojë bazën e betonit para pesë muajve, pa dokumentacion të nevojshëm, pa leje për ndërtim dhe pa leje ekologjike. Hapësira e gjelbër në afërsi të liqenit të Ohrit u shndërrua në kantier ndërtimi. Ndërtimi i objekteve në këtë zonë është rreptësishtë e përcaktuar, kurse vetë zona është e mbrojtur nga UNESCO-ja që d.m.th. se ndërtimi i këtij lloji të objekteve që mund të shkaktojnë probleme ekologjike është rreptësishtë i ndaluar. Jo zyrtarisht, parcela në të cilën u ndërtua baza e betonit është në pronësi të Bashkësisë Islame” – shkruajnë nga Aleanca për Shqiptarët, transmeton in7.

Nga kjo parti nuk lanë pa përmendur rastin e ndërtimit që thuhet të jetë pa leje, në qendër të Ohrit dhe ku pronar del të jetë pikërisht këshilltari Useini. Sipas tyre, edhe pse ka vendim për prishje të objektit dhe kushte për ngritje të padisë penale, institucionet dhe kryetari i Ohrit po e ruajnë të njëjtin. Ata përmendin disa projekte dhe tendera të fituar nga kompania e Nefi Useinit, duke theksuar se kjo kompani është e privilegjuar  nga institucionet.

“Nefi Useini është këshilltar në Këshillin e Komunës se Ohrit nga radhët e BDI-së. Në të njëjtën kohe nga ndërmarrjet me të cilët udhëheq qyteti i Ohrit, kompania e tij “NEFI IK” fiton tenderë me shuma të larta. Për dy vite, nga ndërmarrjet e komunës ka fituar 8 tenderë me vlerë mbi 225.000 Euro. Kompania e tij “NEfi IK” ka firmosur 5 kontrata me NP “Ohridski Komunalec”, 2 kontrata me NP “Varrezat e qytetit” dhe 1 kontrate me NP “Niskogradba Ohrid”. Kompania e tij “NEFI IK” e mirëmban edhe deponinë Bukovo, e cila para disa javëve u dogj. Mirëmbajtjen e deponisë e ka siguruar me tender nga NP ”Ohridski komunalec” e që kap vlerë mbi 47.000 Euro. Dhe se fundmi, sikur kjo të mos mjaftonte, dje i njëjti person, Nefi Hyseini sulmon fizikisht dhe kërcënon me vdekje profesorin ljaz Iljazi I cili rastin e ka paraqitur ne polici.
Ky është sulmi i tretë brenda disa muajve ku merr pjesë Nefi Useini. Ai në prill sulmoi inspektorin nga Shkupi, I cili kishte shkuar në Ohër të bëjë inspektimin e ndërtimit pa leje të Këshilltarit të Komunës së Ohrit. Në qershor, Useini e sulmoi fizikisht kolegun e tij nga këshilli, Xhelal Mena.
Institucionet heshtin. Komuna hesht për uzurpimet dhe kyçjet pa leje. Gjithë heshtin dhe shtiren gjoja se nuk ka ndodhur asgjë. Gojën e kane plot fjalë për zbatimin e të drejtës por avazi i vjetër vazhdon. Kur bëhet fjale për të fortit e BDI-së atëherë mund të përdoret vetëm argumenti i dhunës dhe kurrkujt kurrgjë, për disa dite do te harrohet gjithçka. Aleanca për Shqiptarët fton organet kompetente të marrin masat e duhura komfor ligjit. Aleanca për Shqiptarët fton policinë që të vepron kundër ushtrimin të dhunës ndaj personave të pafajshëm të cilët në mënyrë të rregullt paraqesin padrejtësi dhe uzurpime të paligjshme e si shpërblim sulmohen fizikisht dhe kërcënohen për vdekje.
Aleanca për Shqiptarët fton organet Komunale të Komunës së Ohrit të mos heshtin por edhe ato të veprojnë sipas kompetencave duke zbatuar ligjin për shërbime komunale dhe ligjin për ndërtim.
Mjaft më me banditizma dhe mbrojtje të sherifëve lokal me çdo kusht. Në këtë shtet është momenti i fundit që ligji dhe rregullat të zbatohet për të gjithë qytetarët në mënyrë të barabartë” – përfundon reagimi i Aleancës për Shqiptarët./in7.tv/

Related Topics:
Continue Reading

Lajme

Lloga takon ambasadoren e Greqisë në RMV, Sofia Philippidoup

Published

14 hours ago

on

20.03.2023

By

Ministri i Drejtësisë Krenar Lloga ka zhvilluar një takim pune me ambasadoren e Greqisë në vendin tonë, Sofia Philippidou. Ministri Lloga e njoftoi Philippidoun për skriningun në Bruksel dhe mbështetjen e Komisionit Evropian për progresin e arritur në fushën e reformave në drejtësi dhe sundimit të ligjit. “Greqia ka mbështetur gjithmonë ambiciet evropiane të Ballkanit Perëndimor, përfshirë Republikën e Maqedonisë së Veriut dhe është e gatshme të ofrojë ndihmë profesionale për të lehtësuar procesin”, tha Philippidou

Në takim u diskutua edhe për ndryshimet kushtetuese, ku ministri Lloga bëri të ditur se në periudhën e ardhshme, në koordinim me kryeministrin dhe presidentin e shtetit, do të formohet një grup pune që do të punojë për përgatitjen e ndryshimeve kushtetutese.

Ministri i Drejtësisë, Krenar Lloga e informoi ambasadoren e Greqisë se Ministria e Drejtësisë do të paraqesë kërkesë të re për ekstradimin e ish agjentëve Goran Grujovski dhe Nikolla Boshkoski të cilët në vitin 2017 u akuzuan për përgjime masive të mbi 20 mijë qytetarëve. “Nuk mund të ketë shtet të së drejtës derisa këta persona të përgjigjen për veprat që kanë kryer. Presim që vendet e BE-së të na ndihmojnë në zbatimin e ligjeve dhe rikthimin e besimit në sistemin e drejtësisë”, tha ministri i Drejtësisë Krenar Lloga.

Ministri Lloga dhe ambasadori Philippidou presin nga të dyja vendet intensifikimin e përpjekjeve për zbatimin e plotë të Marrëveshjes së Prespës. Bashkëpunimi do të vazhdojë edhe në periudhën e ardhshme duke organizuar punëtori, vizita zyrtare dhe takime në nivel ekspertësh për të lehtësuar procesin e negociatave me BE-në. Mbështetja e Akademisë për Gjyqtarë dhe Prokurorë Publikë në Selanik do të jetë e një rëndësie të madhe për afrimin e legjislaturës tonë me atë evropiane.
https://www.facebook.com/100090407993687/posts/pfbid029ogB6Npp9U4jnKowKCTDZPhTYWje4yn9JfJCLGBNuDTenECrr4miTNxnV2L44ZpBl/?mibextid=cr9u03

Continue Reading

Lajme

Lloga jep lajmin e madh, mijëra qytetarë lirohen nga burgu, amnistia për shkeljet e Covid miratohet ekspress në Kuvend

Published

15 hours ago

on

20.03.2023

By

Ministri i drejtësisë Krenar Lloga vazhdon të përmbush një nga një premtimet e tij pasi erdhi në krye të ministrisë së Drejtësisë, shkruan Top24

Një nga premtimet e radhës është ai i ligjit për amnesti të personave që shkelën masat Kovod i cilo sot ishte në kuvend.
Pas një procedure të shkurtuar, Kuvendi miratoi Ligjin për Amnisti për shkelësit e protokolleve të Covid.
Kuvendi me 76 vota pro dhe 1 kundër miratoi Ligjin për Amnisti pas procedurë të shkurtuar. Ministria e Drejtësisë ka marrë pjesë në përgatitjen e ligjit dhe është propozuar në Kuvend nga një grup deputetësh.
Mijëra shkelës të masave Covid, të cilët nuk kanë paguar dënim dhe kanë përfunduar ose janë në prag të burgut do të amnistohen. Burgu do të zëvendësohet me një dënim me kusht.
Amnistia nuk do të zbatohet për personat juridikë, restorantet dhe kafenetë.
https://www.facebook.com/100090407993687/posts/pfbid02tSdWkpgZz9viV1B6VHM2nJk9Xjyg7LcLMZocf6A34FAd4G3SCEVWTomQc4dNzwMDl/?mibextid=Nif5oz

Continue Reading

Lajme

Anketë: Taravari barazohet me Ahmetin, Mexhiti i treti

Published

2 days ago

on

19.03.2023

By

Izet Mexhiti rezulton personaliteti politik jo lider për të cilin qytetarët kanë mendimin më të madh pozitiv, ndërkaq zëvendëskryeministri i parë Artan Grubi gëzon mendimin më të madh negativ nga qytetarët, përkatësisht rreth 60 për qind. Kështu vërteton një anketë e realizuar në gjysmën e dytë të muajit shkurt. Mexhiti radhitet në grupin e liderëve politikë duke gëzuar 43,5 për qind mbështetje, ndërsa para tij radhiten vetëm Ali Ahmeti me 48,9 për qind dhe Arben Taravari me 46 për qind. Edhe pse Mexhiti gëzon këtë mbështetje jo si një lider i një partie politike, prapa vetes lë Bilall Kasami dhe Afrim Gashin.
Konstatim nga anketimi
“Të anketuarit mendim më pozitiv kanë për Ali Ahmetin (48,9%), Arben Taravarin (46%) dhe Izet Mexhitin (43.5%), ndërkaq mendim më negativ kanë për Mendu Thaçin (58,6%) dhe Artan Grubin (58,3%). Më së paku i njohin Bashkim Hasanin dhe Kastriot Rexhepin”.
Lidhur me zhvillimet brenda BDI-së dhe veprimet e “grupit të zjarrit”, të anketuarit nxjerrin Mexhitin si eksponentin më të favorshëm për një lider të ardhshëm politik. 21,4 për qind e të anketuarve mendojnë se Mexhiti mund të jetë lider i një partie politike, ndërsa pas tij mbështetje të ulët përkatësisht nën 10 për qind gëzojnë Musa Xhaferi, Nevzat Bejta dhe Visar Ganiu.
Në lidhje me betejën brenda BDI-së, 30,5 për qind për qind e të anketuarve konsideron se lufta e grupit të zjarrit është e drejtë, ndërsa rreth 14 për qind për qind vlerësojnë se bëhet fjalë për betejë personale kundër kreut të BDI-së, Ali Ahmeti.
Konstatim nga anketimi
Grupi i zjarrit bën betejë të drejtë për reforma brenda BDI-së dhe reformave në shtet (30,5%)
Është çështje e tyre e brendshme partiake, e parëndësishme për shtetin (26,1%)
Grupi i zjarrit bën betejë personale kundër Ali Ahmetit (14%)

Continue Reading

Aktuale