Lajme
Gostivar, përplasje për kompetencat në arsim
Në komunën e Gostivarit, në disa shkolla sërish janë shkarkuar dhe emëruar drejtorët. Komuna e Gostivarit për këtë akuzon ministrin e Arsimit dhe Shkencës Arbër Ademi, duke theksuar se shkarkimi dhe emërimi i drejtorëve është politik.
“Ministri i Arsimit ka kthyer në detyrë dy drejtor në detyrë, në Sh.F Ismail Qemali dhe në shkollën fillore Forinë të fshatit Forinë, që janë zgjedhur në shpallje publike jo të rregullt. Pra shpallja e tyre është bë në dy gazeta ditore dhe jo në tre, siç e kërkon Ligji. Pra është me qëllim politik dhe pa pasur asnjë bazë, kryetari gjitha veprimet e veta i ka bë në bazë të Ligjit”- deklaroi Shkëlqim Veseli. Këshilltar për punë juridike Komuna e Gostivarit.
Kreu i Gostivarit Arben Taravari tha se ka paraqitur padi ndaj emërimeve dhe shkarkimeve të vazhdueshme, por se të njëjtat vazhdojnë të qëndrojnë nëpër sirtarët e prokurorive.
“Këto padi që do i përgatisin dhe që i kemi përgatitur plot të tjera më herrët, përfundojnë në sirtarët e ish funksionarëve të BDI-së që sot janë o gjykatës o prokuror. Pa rënë ky sistem në zgjedhjet e ardhshme, këto lëndë as që presim të procesuohen”- parlajmëroi Arben Taravari. Kryetar i komunës së Gostivarit
Nga ana tjetër, ministri Ademi ka hedhur poshtë akuzat duke theksuar se vendimet nuk janë të tij por janë vendim i Komisionit të shkallës dytë.
“Ne nuk kemi ndërmarr asnjë vendim pa vendos komisioni i shkalles se dyte. Gjithë drejtorët që kanë fituar lëndën e tyre të shkarkuar padrejtësisht nga Taravari dhe për të njëjtët jemi të detyruar dhe po ashtu edhe ai do ishte i detyruar sikur ti kishte kompetencat t`i kthente në vendin e punës”- sqaroi Arbër Ademi. Ministër i Arsimit.
Komunës së Gostivarit dy herë më radhë iu morën kompetencat në arsim, në fushën e emërimit dhe shkarkimit të drejtorëve të shkollave fillore dhe të mesme.
BURIMI: Alsat-M
Lajme
Rezultatet e para KSHZ-ja duhet t’i kumtojë në afat prej 12 orëve
Komisioni Shtetëror Zgjedhor (KSHZ) rezultatet e para të zgjedhjeve lokale të marra në mënyrë elektronike nga Komisionet komunale zgjedhore i shpall në mënyrë sukcesive, ndërsa rezultatet në bazë të dhënave nga procesverbalet e Komisioneve komunale zgjedhore në afat prej 12 orëve pas përfundimit të zgjedhjeve.
Komisionet komunale zgjedhore rezultatet e para të zgjedhjeve duhet t’i shpallin në afat prej 7 orëve pas përfundimit të zgjedhjeve në bazë të të dhënave nga këshillat zgjedhorë dhe theksohet në tabelat e shpalljeve në komunë dhe kumtohen në media.
Komisioni zgjedhor i Qytetit të Shkupit rezultatet e para nga zgjedhjet për anëtarët e këshillit, përkatësisht kryetar komune I shpall brenda 10 orëve pas përfundimit të zgjedhjeve në bazë të të dhënave nga Komisionet Komunale Zgjedhore për Qytetin e Shkupit dhe i thekson në tabelë për shpallje në Qytetin e Shkupit dhe i kumton në media.
KSHZ -ja rezultatet përfundimtare të zgjedhjeve i shpall menjëherë, ndërsa më së voni nga dita e përfundimit të tyre. Rezultatet përfundimtare të zgjedhjeve, KSHZ-ja i shpall për secilën komunë veç e veç.
Rezultatet përfundimtare të zgjedhjeve shpallen nga KKZ -ja menjëherë, dhe jo më vonë se 24 orë nga dita e përfundimit të tyre.
Në rrethin e parë të votimit për kryetar komune, zgjidhet kandidati që ka marrë shumicën e votave nga zgjedhësit që kanë votuar, nëse rezulton një e treta e numrit të përgjithshëm të votuesve të regjistruar në certifikatën nga Lista e votuesve për komunën përkatëse.
Kosovë
Voton Arben Vitia
Kandidati për kryetar të Prishtinë, Arben Vitia, ka votuar në shkollën “Ali Sokoli” në Prishtinë.
Vitia kandidon nga radhët e Lëvizjes Vetëvendosje.
Vitia ka votuar rreth orës 9 në shkollën “Ali Sokoli” në kryeqytet.
“Në këtë ditë të bukur vjeshte me mot të mirë sapo ushtrova të drejtën e votës.
Pas një fushate të gjatë dhe fer nga kandidatët sot është një ditë shumë e rëndësishme për demokracinë.
I ftoj qytetarët që të dalin sa më masivisht në këto zgjedhje, sepse sa më shumë që dalin aq më i fortë është verdikti i qytetarëve. Falenderoj institucionet dhe të gjithë ata që po punojnë në këtë ditë të dielë.
Qoftë kjo një ditë e mbarë për Kosovën”, ka thënë Vitia në Klan Kosova.
Ndryshe, Vitia ka dhënë dorëheqje nga posti i ministrit të Shëndetësisë për të kandiduar për të parin e kryeqytetit.
Lajme
Nuk punoi aparati biometrik, votimi nuk filloi në kohë në një vendvotim në në Butel
Aparatet biometrike, të cilat për herë të parë po përdoren në Maqedoninë e Veriut për të identifikuar votuesit, po bëhen pengesë për nisjen në kohë të procesit të votimit.
Kështu, në vendvotimin numër 2919/1 në shkollën fillore “Petar Zdravskovski – Penko” në Butel nuk punon aparati biometrik dhe procesi i votimit nuk ka filluar në orën 07:00, por me 30 minuta vonesë.
Priten llambat UV që të fillojë votimi sipas procedurës së vjetër, ku votuesit janë identifikuar në mënyrë manuale, raporton TV21./21Media/
-
Lajme8 months agoLidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Komente8 months agoMos e bëfsh pikën e hajrit o Albin Kurti
-
Lajme5 days agoAnketa më re: Struga, Tetova dhe Çairi do të drejtohen nga Opozita Shqiptare
-
Lajme8 months agoGazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme8 months agoShek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme8 months agoLajm i fundit – Mediat maqedonase: Bie qeveria LSDM – BDl
-
Lajme9 months agoFatime Fetai kërkoi burg të përjetshëm, por ja çka mendon Zaevi për këtë – Deklarata e fundit për “Monstrën”
-
Lajme8 months agoLajm i mirë për BDl-në e Tetovës, caktohet kandidati për kryetar komune! (Emri)