Connect with us

Lajme

Ligji për prokurorinë në fund të Gushtit, “bombave” u zgjatet jeta

Published

on

Propozim-ligji qeveritar për Prokurorinë Publike me të cilin do të zgjidhet fati i Prokurorisë Speciale do të jetë në rend dite në Kuvend në fund të gushtit, pas pushimeve vjetore të deputetëve. Kryeparlamentari Talat Xhaferi seancën e caktoi për në 27 gusht. Ligji është me flamur evropian dhe do të miratohet me procedurë të shkurtuar. Nëse arrihet marrëveshje politike ai mund të votohet deri më 15 shtator, kur edhe skadon mandati i Katica Janevës e cila dha dorëheqje nga posti. Ligji i ri parashikon që PSP-ja të bashkohet me Prokurorinë Themelore Publike për krim të organizuar dhe të marrë titull të ri – Prokurori Publike për ndjekjen e krimit të organizuar dhe korrupsionit të lartë. Propozimi ka 11 anëtar. Me të, të gjithë prokurorët nga PSP-ja dhe nga Prokuroria aktuale për krim të organizuar kalojnë në Prokurorinë e re, deri në skadimin e mandateve të tyre. Prokurorët e PSP-së kanë mandat deri në vitin 2020, ndërsa përveç tyre në Prokurorinë e re kalojnë edhe arkiva e përgjithshme, fondet dhe pajisja të cilën e përdorë PSP-ja. Prokuroria e bashkuar duhet të vazhdojë ndjekjen e veprave penale që kanë të bëjnë ose rezultojnë nga “bombat” për periudhën e viteve 2008-2015. Përveç vazhdimit të jetës së “bombave”, Prokuroria e integruar do të ketë edhe dhjetëra detyra të tjera – por në kompetencë të saj janë edhe veprat penale të kryera nga policë, doganierë, kundër-zbulues. Prokuroria e re do të përndjekë bashkim kriminel, mashtrime zgjedhore, ndërsa mbeten edhe kompetencat për përndjekjen e cenimit terrorist të rendit kushtetues, pjesëmarrje në ushtri, financim të terrorizmit, etj. Në krye të Prokurorisë së re, sipas propozimit, nuk do të ketë ndryshime dhe do të mbetet shefja aktuale e Prokurorisë për krim të organizuar, Villma Ruskoska, të cilën Këshilli i Prokurorëve e zgjodhi në këtë post në vitin 2018. Pas përfundimit të mandatit të prokurores publike speciale Katica Janeva, parashikohet që ajo të mbetet prokurore në Prokurorinë republikane. Kjo është njëra prej vërejtjeve kryesore të VMRO-DPMNE-së, e cila reagon duke theksuar se Janeva në mënyrë të pamerituar avancohet për dy shkallë. Opozita është duke përpiluar propozim-ligj të vetin, por nuk tregon nëse do ta dorëzojë në Kuvend, e as nëse do të intervenojë në propozimin qeveritar me amendamente. Takimi i liderëve për ta është i pranueshëm vetëm me kusht të caktimit të datës së zgjedhjeve të parakohshme. Kryetari i Shoqatës së Gjykatësve, Xhemail Saiti në intervistën për Radio Evropën e Lirë porositi se më e rëndësishme është që të mos ketë pazare rreth dispozitave të ligjit.

 “Është fakt se sovrani, gjegjësisht populli përmes deputetëve i përcakton ligjet, procedurat, por do ta lusja tani sovranin të bëjë më pak zbrazëtira të proceseve, dobësi që do të ishin reflektuar në raport me zbatimin tone në praktikë.  Nuk është fare e rëndësishme se në çfarë kushtesh është miratuar ligji, me rëndësi është që do të përfshihet si dispozitë. Shpresoj se do të kemi më pak dispozita kundërthënëse, të pastra si kristali, dispozita të qarta që do ta lehtësojnë punën e gjyqësorit”-  tha Xhemail Saiti, kryetar i Shoqatës së Gjykatësve.

Fati i Prokurorisë Speciale konsiderohet si çështje e fundit e hapur para se vendet anëtare të BE-së në tetor të vendosin për fillimin e bisedimeve aderuese me Maqedoninë e Veriut.

Continue Reading

Lajme

Kohë shtesë për vendet ku është ndërprerë votimi, thonë nga KSHZ

Published

on

Nga KSHZ thonë se deri më tani nuk është raportuar për ndërprerje të votimit më tepër se tre orë, përcjell Alsat. Lubka Guguçevska nga KSHZ sot deklaroi se ka pasur vonesa për shkak të problemeve me aparatet për fingerprint, por që koha e votimit do të kompensohet në ato vendvotime ku ka pasur vonesa.

“Sa i përket ndërprerjes së votimit. Kemi raste në shumë vendvotime. Në rast se ndërprerja ka qenë më pak se një orë, votimi do të përfundojë në ora 19:00. Nëse ndërprerja ka zgjatur një deri në tre orë, në këtë rast do të vazhdohet për aq sa ka zgjatur ndërprerja. Nëse ndërprerja ka qenë dy orë, atëherë do të vazhdohet votimi deri në ora 21:00”, deklaroi Lubka Guguçevska, zëdhënëse e KSHZ-së.

Continue Reading

Kosovë

Komunat me shumicë serbe me daljen më të madhe në votime

Published

on

8,26 për qind e qytetarëve që kanë të drejtë vote kanë votuar deri tani në Kosovë.

Ndërsa, komunat me përqindjen më të madhe të daljes në zgjedhje janë ato me shumicë serbe.

Në Zveçan kanë votuar deri tani 29,42 për qind e qytetarëve apo 2 mijë e 24 qytetarë.

Në Komunën e Mitrovicës së Veriut deri tani kanë votuar 30.96 për qind e qytetarëve, apo 5 mijë e 486 qytetarë.

Në Leposaviq kanë votuar 20,49 për qind e qytetarëve apo 1 mijë e 696 qytetarë.

Continue Reading

Lajme

Zgjedhjet lokale, KSHZ: Jehona e votuesve deri në ora 11 është 10,22 për qind

Published

on

Komisioni Shtetërorë i Zgjedhjeve në konferencën e sotme për shtyp në ora 11:30, njoftoi se nga të dhënat e 2.544 vendvotimeve, respektivisht nga 73.1 për qind e vendvotimeve, deri në ora 11:00 kanë votuar gjithsej 135.906 qytetarë, gjegjësisht 10,22 për qind, shkruan Alsat. Nga KSHZ njoftojnë se më së paku votues deri në ora 11 janë regjistruar në Vrapçishtë.

“Më tepër dalje ka në komunën Novaci me 25.84 për qind, Kriva Pallanka me 20,44 për qind, Vevçani me 18.61 për qind. Ndërsa komuna me më së paku votues deri në ora 11 është Vrapçishta me 4.92 për qind”, tha Lubka Guguçevska nga KSHZ.

Continue Reading

Aktuale