Connect with us

Lajme

Bilalli-Zendeli:Udhëheqësi i Prokurorisë së re të jetë i determinuar në luftën kundër krimit dhe korrupsionit

Published

on

“Villma Ruskoska të trashëgojë Katica Janevën.
“Pse mos e zgjedhim Vlladimir Pançevskin?”
“Në krye të prokurorisë së re të vijë një person nga jashtë”
“Ka ardhur koha që në krye të prokurorisë së re apo asaj speciale, të caktohet një shqiptar”.

Janë fraza që i kemi dëgjuar këto ditë, pas dorëheqjes së Kryeprokurores speciale, Katica Janeve dhe pas ndjeshmërisë së skandalit “Zhvatja”.

Qeveria e Maqedonisë së Veriut ka dorëzuar për miratim në Kuvend draft-ligjin për Prokurorinë Publike me të cilin parashihet integrimi i Prokurorisë Speciale në Prokurorinë e re për krim të organizuar dhe korrupsion të lartë.

Prokuroria e re, sipas propozimit të Qeverisë, do të veprojë në gjithë territorin e vendit në koordinim me Prokurorinë Republikane.

Ligji parasheh që të gjithë prokurorët e Speciales, të cilëve mandati u skadon më 15 shtator, të vazhdojnë punën në kuadër të prokurorisë së re, të cilës i kalojnë të gjitha rastet gjyqësore që ka proceduar deri tani, e që përfshijnë 17 lëndë me mbi 94 persona.

Nga Ministria e Drejtësisë thonë se presin që deputetët qëndrimet e tyre t’i parashtrojnë në Dhomën legjislative, ndërsa nëse kanë vërejtje edhe të dorëzojnë amendamente, shkruan in7.

Po bartësi i këtij funksioni ka vënë në lëvizje partitë politike, gjë që tregon se ato nuk e kanë ndër mend të heqin dorë nga ndikimi i tyre në organet e jurisprudences, thotë për in7, profeshoresha e së drejtës së procedurës penale në Fakultetin Juridik të Universitetit të Tetovës, Arta Bilalli-Zendeli.

Sipas saj kjo situatë e krijuar është rezultat i vonesës dhe zhagitjeve të reformimit të gjyqësorit që ishte premtimi kryesor parazgjedhor nga ana e LSDM-së.

“Dorëheqja e Prokurores Speciale dhe nevoja për kontinuitet të punës së PSP-së i ka vënë në lëvizje partitë politike në lidhje me emrin e ri të personit që do të vihet në krye të këtij institucioni. Lakimi i emrave të caktuar tani më ka filluar nga partitë politike dhe kjo tregon se ato nuk e kanë ndër mend të heqin dorë nga ndikimi i tyre në organet e jurisprudencës! Nga ana tjetër, pikërisht personi i cili do të vendoset në vendin e znj. Katica Janeva do të duhet t`i ndjekë zyrtarët politik (të kaluar dhe të tanishëm). Eshtë për të ardhur keq se në Maqedoninë e Veriut akoma mbesin shumë raste të tilla që duhet ndjekur e gjykuar kurse zgjedhja e prokurorit të ri bëhet nga Këshilli i prokurorëve, që lë shumë për të dëshiruar! Situata në të cilën ndodhemi është rezultat edhe i vonesës dhe zhagitjeve të reformimit të gjyqësorit që ishte premtimi kryesor parazgjedhor nga ana e LSDM-së. Nuk e vë në dyshim apsak nevojën për zbardhje të plotë të rasteve të ndryshme, në të cilat kryerës apo porositës kanë qenë persona që kanë mbajtur pozita të larta në jetën shoqërore sepse në të kundërtën, do të ngulitej parimi i mosndëshkueshmërisë së krimit të shtresës së lartë shoqërore. Nga ana tjetër, gjykatat dhe prokuroritë, çdo ditë ndjekin e gjykojnë persona të rëndomtë. D.m.th., po të mos i ndjekim e gjykojmë ata/ato që kanë pozita të larta, kurse t`i ndjekim e gjykojmë njerëzit e rëndomtë për krimet e tyre krijojmë një sistem që gjeneron drejtësi selektive. Sanksioni, ndëshkimi duhet t`i arrijë të gjithë!”, thotë për in7, profesoresha, Arta Bilalli-Zendeli, duke shtuar se personi që do të jetë në krye të këtij institucioni, cilit etnitet do t`i përkasë, duhet të jetë person me kredibilitet në shoqëri, person me integritet dhe profesionist.

“Personi i cili do të vihet në krye të Prokurorisë Speciale (apo sido që të quhet në të ardhmen), duhet të jetë person me kredibilitet në shoqëri, person me integritet dhe profesionist. Kriminaliteti nuk njeh ngjyra etnike, nacionale, partiake, fetare, sociale, etj. Edhe lufta kundër kriminalitetit duhet të jetë e tillë. Pavarësisht, cilit etnitet do t`i përkasë, me rëndësi është që të jetë person i determinuar në luftën kundër krimit dhe person me integritet.”/in7.tv/

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale