Connect with us

Lajme

ANALISTËT flasin se kush duhet të jetë në krye të Prokurorisë së re

Published

on

Propozim- ligjin për Prokurori publike Qeveria e ka dërguar në Kuvend. Nga Ministria e Drejtësisë presin që deputetët qëndrimet e tyre t’i thonë në Dhomën legjislative, ndërsa nëse kanë vërejtje edhe të dorëzojnë amendamente.

Teksti i ri i ligjit siç ka theksuar madje kryeministri Zoran Zaev, javën e kaluar, në vete përfshin një pjesë të madhe të vërejtjeve të opozitës, ndërsa ai atëherë tha se për shef të ardhshëm të PSP-së e propozon Villma Ruskovskën. Opozitarja VMRO-DPMNE është pajtuar për integrimin e sistemit të Prokurorisë publike, por nuk pajtohet ajo të drejtohet nga Ruskovska.

Kurse partitë opozitare shqiptare kanë edhe vërejtjet e tyre.Kështu Aleanca për Shqiptarët dhe Ziadin Sela, propozuan që në krye të prokurorisë së re të vijë një person nga jashtë, ekspert nga shtetet e BE-së apo SHBA-të, kurse nga Lëvizja Besa mendojnë se ka ardhur koha që në krye të prokurorisë së re apo asaj speciale, të caktohet një shqiptar. Shqiptarët kanë kapacitet që të marrin përsipër një barrë të tillë, shkruan in7.

Ndërkaq, analisti politik dhe juristi Faton Aliti është i mendimit që ligji i Prokurorisë ka nevojë për edhe një analizë më të thellë duke u bazuar edhe në eksperiencat e shteteve që kanë sistem politik më të avancuar.

“Çështja e zgjedhjes së kreut të Prokurorisë së re e cila duhet të jetë vazhdimësi e PSP-së duhet të analizohet në retrospektivë dhe në bazë të eksperiencave të shteteve tjera me sistem politik më të avansuar se i yni. Nëse veprohet kështu, do të konstatojmë se konsensusi i partive politike rreth një kandidati nuk është garanci për përzgjedhjen më të mirë. Bile do të thoja se ky konsensus, në shoqëri si e jona, me nivel të ulët të kulturës politike, e dëmton procesin.”, ka thënë për in7, Aliti

Sa i përket kanditatit nga jashtë Aliti, thotë se ky prokuror, në këtë perudhë të bujshme, përveç atributeve profesionale duhet të ketë edhe ndjesinë e përkatësisë shoqërore.

“Për propozimin që kandidati të jetë nga shtetet e BE-së përsëri jam skeptik sepse ky Prokuror, në këtë periudhë të bujshme, përveç profesionalitetit dhe integritetit, doemos duhet të ketë edhe ndjenjën e përkatësisë shoqërore, gjë e cila i jep edhe motive personale për të pastruar me kriminalitetin dhe korupsionin e niveleve të larta. Pastaj, me sjelljen e kandidatit nga jashtë, ne dëshmojmë se nuk jemi të aftë të menaxhojmë me shtetin, dhe ky mesazh është i dëmshëm si për propozuesin ashtu edhe për proceset integruese.”, ka thënë për in7, analisti Faton Aliti.

Ndërkaq sa i përket idesë së Lëvizjes BESA, Aliti thotë se përkatësia etnike nuk duhet të jetë kriter, pasi stimulohet segregacion, për të cilin edhe ne vetë shqiptarët kemi shumë vite që e luftojmë.

“Gjithashtu mendoj se perkatësia etnike nuk duhet të jetë kriter dhe se nuk është garanci për kualitetin e kandidatit. Me propozime të tilla stimulohet segregacioni të cilin ne vet si shqiptarë kemi shumë e shumë vite që e luftojmë. Kjo në asnjë mënyrë nuk duhet të jetë çështje etnike. Nëse anëtarët e Qeverisë dhe Kuvendit janë të sinqertë në synimin për funksionimin e shtetit të së drejtës, atëherë do të vendosin kritere që kanë të bëjnë me profesionalitetin, përvojën dhe integritetin moral, do të hapin konkurs, dhe pa marrë parasysh shijet e partive politike do të bëhej zgjedhja. Nëse kjo duket e pamundur, atëherë ne nuk meritojmë shtet.”, ka përfunduar prononcimin për in7, analisti politik dhe juristi,Faton Aliti

Kështu nuk mendon shkrimtari dhe njohësi i rrethanave politike, Bujar Plloshtani, sipas tij edhe pse ligji ka gjetur artikulim teorik, ai si i tillë duhet të gjejë edhe zbatueshmërinë në praktikë, gjë që deri tani nuk ka arritur që ta bëjë, prandaj duke u bazuar edhe në praktikat e deritashme, si me ekspertë vendas, por edhe me ato evropianë nuk ka lëvizur gjë, andaj si zgjedhje e vetme që në krye të këtij organi të jetë një ekspert amerikan.

“Prokuroria publike si organ i vetëm shtetëror i pavarur ka për qëllim që t’i ndjek autorët e veprave penale të dënueshme sipas ligjit dhe ushtron veprime të tjera të përcaktuara me ligj. Bazuar nga kjo, fillimisht ne duhet ta kemi të qartë se sundimi i së drejtës dhe transparenca e institucioneve duhet të jenë çështjet kyçe për të cilën duhet më së tepërmi të përqendrohet organi i akuzës. Ligji si ligj ka gjetur artikulimin teorik, mirëpo shumë me rëndësi është zbatimi efikas në praktikë. Andaj, zbatimi gjithnjë ka qenë joefikas në praktikë, pasi sistemi i drejtësisë në vend është rrjet që kontrollohet kryesisht nga partitë politike në pushtet. Prokuroria Speciale Publike duhet të dëshmojë edhe në praktikë për sundimin e ligjit dhe të vazhdojë me hetimin e korrupsionit në nivelet më të larta. Mendoj se në krye të Prokurorisë së re duhet të vijë personalitet i cili nuk kontrollohet nga asnjë parti politike dhe që ka qëndrime profesionale mbi sistemin e drejtësisë. Duke u bazuar në realitetin tonë politik zbatimi i ligjit te vendet me demokraci të brishtë ka qenë mjaft i vështirë. Përvoja ka treguar se ekspertët tanë vendës, por dhe ato evropian nuk kanë mundur t’i lëvizin para çështjet që lidhen me drejtësinë. Mendoj si zgjidhje të vetme dhe në krye të këtij organi të rëndësishëm të jetë ekspert amerikan.” thotë për in7, shkrimtari dhe njohësi i rrethanave politike në vend, Bujar Plloshtani./in7.tv/

Continue Reading

Lajme

Qeveria ende nuk i ka thirrur në bisedime! Sindikatat në këmbë për pagat, nesër protestojnë

Published

on

Gjatë protestës së 1 Majit të organizuar nga Lidhja e Sindikatave, zv/kryeministri për çështje ekonomike Fatmir Bytyqi dhe ministrja për punë dhe politikë sociale Jovana Trençevska i pritën punëtorët para qeverisë, duke u premtuar se do të përmbushet kërkesa e tyre për rritjen e pagave për 2806 denarë në mënyrë lineare.

“Askush nuk duhet të harrojë se punëtori është në vend të parë. Ne si qeveri po themi se kapitali njerëzor është para se gjithash, ne nuk kemi pasuri të tjera, ju jeni pasuria jonë, prandaj do të bëjmë gjithçka për secilin punëtor pa dallim nëse është nga sektori privat apo publik, që i njëjti të paguhet në mënyrë të denjë”, deklaroi Fatmir Bytyqi, zv/kryeministër për Çështje Ekonomike.

Por edhe pse premtuan se me rebalancin e buxhetit do të parashihet kjo rritje, e njëjta doli se ka qenë mashtrim thonë nga Lidhja e sindikatave të Maqedonisë. Të revoltuar kërkojnë takim urgjent me përfaqësuesit e qeverisë. Nga Sindikatat e pavarur dhe Konfederata e Lidhjes së sindikatave kanë paralajmëruar për nesër protesta masive. Të pakënaqur janë edhe përfaqësuesit e Drejtorisë së librave amë të cilët vazhdojnë të jenë në grevë.

“Nuk mund të presim aq kohë më edhe greva po vazhdon, qytetarët janë të shqetësuar nuk mund të nxjerrin dokumente, duam që kjo punë të zgjidhet sa më shpejtë. Pengesa tani është te Ministria e Financave prandaj duam që aty të protestojmë para ministrisë, që qytetarët të mos presin për dokumente ngaqë tani po afrohet edhe periudha e verës”, pohoi Toni Miloshevski, Sindikata e D. së Librave Amë.

Në lidhje me kërkesat e sindikalistëve Ministri i Financave Fatmir Besimi në një kolumnë të tij thotë:

“Duhet të përcaktojmë një metodologji gjithëpërfshirëse me të cilën do të përshtaten pagat në të gjithë sektorin publik. Në këtë metodologji do të vlerësohet produktiviteti, si dhe ruajtja e standardit (rritja reale e pagave dhe inflacioni). Sipas metodologjisë së përcaktuar, do të destinohen edhe mjete”, shkroi Fatmir Besimi, ministër i Financave.

TV21 pyeti qeverinë se a do t’i pranojnë për bisedime përfaqësuesit e sindikatave dhe a do t’i përgjigjen kërkesave të tyre. Prej atje na thanë se negociatat vazhdojnë. Sapo të caktohet takimi me LSM, opinioni do të njoftohet. Ndryshe protesta nesër nis në orën 14h nga Parku i gruas, do të vazhdojë ka Kuvendi, pastaj te Ministria e Drejtësisë, për të përfunduar te Ministria e Financave.

Continue Reading

Lajme

Rruga për Qafë-Thanë, në gjendje të rëndë

Published

on

Edhe këtë verë të gjithë ata që do të kalojnë pushimet në bregdetin shqiptar do të udhëtojnë në një rrugë të pasigurt që të çon në pikën kufitare të Qafë Thanës. Më sinjalistikë të pamjaftueshme dhe plot gropa, udhëtimi në të përbën rrezik jo vetëm për turistët, por edhe për banorët e vendbanimeve aty pranë, shkruan Alsat.

“Siç po kalon koha, do të jetë kështu kohë të gjatë. Rruga është shumë e rrezikshme. Kur bie shi apo edhe në dimër është shumë e vështirë për të vozitur, vrimat hapen nga shiu dhe ato nuk duken. Nuk është shënuar asgjë. As vijat nuk vërehen e asgjë tjetër”, banor.

“Ka pasur premtime të shumta nga shteti gjatë viteve të fundit se rruga që të çon në pikën kufitare Qaf Thanë me Shqipërinë fqinje do të riparohet. Por nga premtimet mbetën vetëm fjalët. Ekipi i Alsat edhe sot ka vërejtur makina që kthehen apo shkojnë drejt Shqipërisë, pasi sot është ditë jo pune”, raporton gazetari i Aslat, Miki Trajkovski

Për rehabilitimin e kësaj rruge të gjatë 19 kilometra janë siguruar 8 milionë euro nga BERZH, thonë nga Ndërmarrja publike “Rrugët Shtetërore”. Për këtë rrugë si dhe për rehabilitimin e pesë rrugëve të tjera është shpallur tender për realizimin e punëve ndërtimore. Tani në proces është vlerësimi i ofertave të arritura. /Alsat.mk

Continue Reading

Kosovë

Deputetja e VV-së uron presidenten Osmani me rastin e Ditës së Presidentit

Published

on

Deputetja e VV-së Doarsa Kica Xhelili, e ka uruar në mënyrë të veçantë presidenten Vjosa Osmani në Ditën e Presidentit.

Deputetja Xhelil është shprehur e lumtur që presidenten Osmani e njeh nga afër dhe para se ta marrë pozitën e shefes së shtetit.

“Para se të jetë, dhe ta njohim si Presidente, kemi njohur Vjosën. Jo rëndom qëllon që njerëzit e njohin nga afër Presidentin apo Presidenten e tyre. Natyrshëm, Vjosa, duke qenë ajo që është, nuk përkon shumë me idenë e të bërit të gjërave ashtu që ato të jenë të pranueshme për masën domosdoshmërisht. Vjosa, duke qenë sikurse është, i bën gjërat asisoji që ajo është e bindur se i shërbejnë zhvillimit të vendit, pavarësisht gjykimit eventual të masës, por gjithmonë duke i shërbyer masës”, ka shkruar ajo.

Ajo ka shkruar se Vjosa Osmani punon shumë prandaj si përfaqësuese e Popullit thotë se nuk e ka pasë ndjesëin e përfaqësimit që nga vdekja e Presidentit Rugova.

“Prandaj Vjosa edhe mund të sulmohet. Prandaj me Vjosën edhe mund të mos pajtohen të gjithë. Por, për arsyet e njëjta, Vjosa nuk mund të injorohet – as brenda, as jashtë. Vjosa punon shumë teksa shkruan historinë e shpërfaqjes së një Kosove ku për Presidentin ngritesh në këmbë, jo për arsye institucionale, jo për arsye protokolare, por për arsye të ndjesisë së përfaqësimit dinjitoz që ky vend sot e ka, për shkak të saj, e që nuk e mbaj në mend ta kem ndjerë pas 21 janarit të vitit 2006. Vjosa, Presidentja jonë, Urime dita yte e merituar”, ka shkruar Kica Xhelili.

Continue Reading

Aktuale