Connect with us

Lajmet kryesore

Shkëndija zhgënjen sërish, humb me përmbysje përballë Dudelange

Published

on

Shkëndija ka zhgënjyer sërish, këtë herë në eliminatoret e Europa league, teksa ka humbur me rezultatin 1-2 përballë skuadrës nga Luksemburgu, Dudelange.

Një javë më parë kuqezinjtë u eliminuan nga Champions League, pas një humbjeje të befasishme përballë Nomme Kalju, ndërsa të njëjtin fat patën edhe në ndeshjen e parë eliminatore të Ligës së Europës.

Agim Ibrahimi shënoi që në minutën e 7 me penallti për kampionët nga Tetova, duke dhënë idenë se do të jetë një ndeshje e lehtë, por në pjesën e dytë nuk rezultoi aspak kështu.

Kjo pasi luksemburgasit shënuan dy herë brenda 4 minutave në pjesën e dytë, teksa në të 64-ën barazuan me anë të Bettaieb dhe më pas kaluan në avantazh me anë të Sinanit, që shënoi me 11-metërsh.

Takimi i kthimit mes dy skuadrave do të luhet javën e ardhshme në Luksemburg, por me rezultatin e sotëm Shkëndija komplikoi totalisht kualifikimin për në turin tjetër.

Continue Reading

Lajme

ASH: Krimi i BDI-së çdo ditë rrezikon jetën e qytetarëve

Published

on

By

Krimi i BDI-së çdo ditë rrezikon jetën e qytetarëve

Incidenti i mbrëmshëm në Çair ku janë përfshirë zyrtarët më të lartë policorë është pasqyra më e mirë e qeverisjes së BDI-së. Krimi i kësaj partie ka prekur majat më të larta të pushtetit. Ata që duhet të punojnë për sigurinë janë bërë rreziku më i madh për shqiptarët në veçanti dhe qytetarët në përgjithësi.

BDI i ka bërë lagjet shqiptare vendet më të rrezikshme për jetesë, janë bërë vende ku tanimë të vret zyrtari policor dhe ku mbrohen kriminelët.

Kur denoncuam kapjen e sistemit të drejtësisë, zëvendësministri i BDI-së u ankua se opozita po njollos funksionarët shqiptarë. Pyesim ish ministrin e policisë, zëvendësministrin e sotëm të policisë dhe gjithë funksionarët e BDI-së, kush i ofendoi dhe turpëroi mbrëmë shqiptarët, kush i rrezikoi shqiptarët nga plumbat e kryeshefave të tyre dhe po i kthen lagjet shqiptare në geto të karteleve kriminale!?

Vetingu në drejtësi, polici dhe sferat e tjera është mëse i domosdoshëm, por paraprakisht duhet t’i largojmë nga pushteti këta që pengojnë vetingun dhe forcojnë krimin dhe korrupsionin.

– Aleanca për Shqiptarët –

Continue Reading

Bota

Raketa ruse godet infrastrukturën hekurudhore në Dnipropetrovsk

Published

on

By

Raketa ruse godet infrastrukturën hekurudhore në Dnipropetrovsk

Kreu i Administratës Rajonale Ushtarake të Dnipropetrovskut, Valentyn Reznichenko, ka treguar të hënën se raketat ruse kanë goditur infrastrukturën hekurudhore në këtë rajon duke shkaktuar dëme serioze, njofton CNN.

“Një ditë e vështirë me alarme të pafundme. Raketat goditën infrastrukturën hekurudhore në Pavlograd dhe Synelnykiv. Ka dëme serioze në hekurudhë. Është e paqartë se kur do të rikthehet qarkullimi”, tha Rezhnichenko.

Forcat ruse duket se po godasin infrastrukturën hekurudhore të Ukrainës për të penguar furnizimin e forcave ukrainase.

Continue Reading

Bota

Ukrainë, 234 fëmijë të vrarë e 433 të plagosur që nga fillimi i konfliktit

Published

on

By

Ukrainë, 234 fëmijë të vrarë e 433 të plagosur që nga fillimi i konfliktit

Rreth 200 trupa u gjetën nën rrënojat e një strehe në Mariupol, gjatë çmontimit të blloqeve të një rrokaqielli. Këtë e ka bërë të ditur zëdhënësi i kryebashkiakut, Petro Andryushchenko, duke shtuar se trupat kanë qëndruar aty për disa kohë, duke pasur parasysh gjendjen e dekompozimit.

Një numër i madh kufomash u grumbulluan nga rusët në një morg të improvizuar pranë metrosë në rrugë.

Ndërkohë katër persona u vranë në një ndërtesë banimi nga bombardimet e vazhdueshme ruse në Severodonetsk.

Por sipas të dhënave të Prokurorit të Përgjithshëm të Kievit, të paktën 234 fëmijë janë vrarë dhe 433 janë plagosur që nga fillimi i konfliktit ushtarak në Ukrainë. Ai saktësoi se këto janë shifra provizore, pasi hetimet janë duke u zhvilluar në rajonet e prekura, aktualisht nga konflikti. Rajoni me numrin më të madh të viktimave është Donetsku, me 146 fëmijë të vrarë ose të plagosur, i ndjekur nga ai i Kievit, me 115.

Gjithashtu, për shkak të bombardimeve masive të Forcave të Armatosura Ruse, u dëmtuan 1848 institucione arsimore dhe mes tyre 173 të shkatërruara plotësisht.

Continue Reading

Aktuale