Connect with us

Editorial

“Hirushja”, edicioni special i Prokurorisë

Published

on

EDITORIAL

Javë e ngjeshur me ngjarje politike ajo e kaluara. Temperaturat e larta nuk kanë qënë fare problem për krijimin e ngjarjeve, që do të përbënin lajme ekskluzive e për të mbajtur me gojë e sy hapur lexuesit, dëgjuesit apo shikuesit e rregullt të lajmeve ditore.
Ç’ndodhi?
“U bë e pabëra”- thotë një shprehje popullore.

Ajo që pritej ta fuste drejtësinë e vendit në binarët e duhur, doli të jetë njëra nga të dyshuarat, që me drejtësinë luajnë si të jetë lodër fëmijësh.
Rryshfete, kërcënime, shantazhe, haraç, zhvatje, fshehje, falje, mbyllje sysh e çka mos, ishin fjalët që më së shumti u përdorën në media kur raportohej për këtë rast.

U arrestuan dy persona, njëri pronar nën hije i një televizioni dhe tjetri, një ish bashkëpunëtor i kreut të dikurshëm të asaj që quhet “shërbim sekret”. Bojan Jovanovski i njohur si “Boki 13” dhe Zoran Milevski i njohur si “Zoki Kiçeec”.
Këta të dy, sipas fakteve që ka Prokuroria Themelore, kanë marrë “haraç” nga të dyshuar të Prokurorisë Speciale, për t’ua ulur dënimin, për ta zgjatur procesin, për fshehje faktesh e gjëra të tilla. Paskan kërcënuar e shantazhuar figura publike, biznesmenë të fuqishëm, që në një formë apo tjetër kanë pasur lidhje me ish-pushtetin dhe kanë qënë të dyshuar aktualë të PSP-së.

Kjo do të ishte ngjarje në kufi të normales, duke pasur parasysh faktin se edhe në shtetet me demokraci më të zhvilluar kanë ndodhur dhe ndodhin raste të tilla. Përtej normales kaloi atëherë kur u raportua se policia, me urdhër të Prokurorisë Publike, ka “vizituar” në mes të natës banesën ku jetonte Katica Janeva, Kryeprokurorja Speciale. Janeva paskësh qënë e dyshuar si bashkëpunëtore e dy të arrestuarve gjatë asaj dite. I është konfiskuar njëri celular, se tjetri siç ka thënë Janeva, paska humbur.

Po të njëjtën ditë, më herët, Katica Janeva befasoi opinionin kur dha dorëheqje nga pozita e saj.
“Nuk do të lejoj që emri im të lakohet si alibi për dështim të procesit integrues nga partitë politike” – tha mes tjerash Janeva në arsyetimin e dorëheqjes së saj nga kreu i PSP-së.
Ndërsa aksioni policor dhe vizita në banesën e saj ndodhi pas disa orësh. Lidhjet me të arrestuarit u bënë edhe pasi u hap lajmi se djali i Janevës paska punuar në televizionin e njërit prej të arrestuarve. Të njëjtit thuhet se i është konfiskuar edhe kompjuteri personal.

“Ku ka zë, s’është pa gjë” – është një tjetër shprehje e vjetër popullore e jona. Pra, kur të gjithë prisnim që Katica Janeva me ekipin e saj, të fillojnë të zbardhin rastet korruptive, montimet gjyqësore, dënimet politike e shumë të tjera, ndodhi ajo që nuk pritej. Tani vetë Janeva është e dyshuar. Nga heroinë, po shndërrohet në dështim dhe shembull të keq.
Gjithsesi, ende gjithçka është në fazë hetimi dhe dyshimi e ne nuk mund ti mveshim asaj asgjë derisa nuk vërtetohet e kundërta. Katica Janeva është thjeshtë e dyshuar.

I menjëhershëm ka qënë reagimi i partive politike. Dy prej tyre përgatitën në kohë rekord një ligj të ri për prokurorinë. LSDM e para, propozoi që prokurorët e Speciales të kyçen në atë publike dhe bashkë me departamentin e Prokurorisë për ndjekje të krimit të organizuar dhe korrupsionit, të krijohet prokurori e re që do të quhej Prokuroria për Ndjekje të Krimit të Organizuar dhe Korrupsionit të Lartë, me kompetencë dhe shtrirje në të gjithë vendin.
LSDM dhe Kryeministri Zaev, shkuan edhe më larg, saqë propozuan edhe kreun e këtij institucioni. Vilma Ruskoska, që aktualisht është në krye të Prokurorisë për Krim të Organizuar.
Nga VMRO-DPMNE e Mickovskit, fillimisht thanë se janë të gatshëm për ta biseduar këtë propozim, por kategorikisht ishin kundër propozimit që Ruskoska të jetë në krye të saj. Edhe nga kjo parti kanë gati një propozim ligj për këtë prokurori.
Partitë shqiptare nga ana tjetër vijnë me propozime të tyre. Edhe pse jo në letër, idetë e tyre janë trajtuar nga mediat dhe janë komentuar edhe nga faktorë relevant në vend.
Partia shqiptare në pushtet, BDI është e vendosur se partitë, kuvendi dhe qeveria nuk duhet të kenë lidhje me zgjedhjen e prokurorit të ri. Atë sipas tyre, duhet ta zgjedhë Këshilli i Prokurorëve. Politika ti mbajë larg duart nga drejtësia, shpesh kanë thënë nga kjo parti.

Aleanca për Shqiptarët dhe Ziadin Sela, propozuan që në krye të prokurorisë së re të vijë një person nga jashtë, ekspert nga shtetet e BE-së apo SHBA-të. Kjo sipas tyre do të pamundësonte çdolloj dyshimi dhe keqpërdorimi të pozitës dhe do të kthente besimin e qytetarëve tek institucionet. Sipas Selës, materialet e përgjuara të njohura si “bomba”, duhet edhe me ligjin e ri të shërbejnë si prova materiale në gjykimin e të dyshuarve.

Nga Lëvizja Besa mendojnë se ka ardhur koha që në krye të prokurorisë së re apo asaj speciale, të caktohet një shqiptar. Shqiptarët kanë kapacitet që të marrin përsipër një barrë të tillë.

Sidoqoftë fati i Speciales, reforma e vonuar në drejtësi duhet të ndodhë sa më shpejtë. Pavarësi e plotë e gjyqësorit dhe kthim i besimit në institucionet e shtetit duhet të ndodhë. Kështu rekomandojnë ekspertët.

A do të jetë më mirë që në krye të Prokurorisë së re apo asaj Speciale të jetë një ekspert i huaj, një shqiptar apo Ruskoska, kjo do të shihet në muajt e ardhshëm. Prova kemi bërë mjaftueshëm.
Por rezultate?!

Si përfundim, Katica Janeva po shndërrohet nga subjekt për ta zgjidhur problemin, në objekt të zgjidhjes së problemit.

Zgjati pak ëndrra e saj. Si në përrallën me “të Përhiturën” apo siç e njohim më gjërë Hirushja. Magjia që e shndërroi atë në një princeshë klasi, që ia mori mendjen edhe princit, zgjati derisa ra gongu i orës tek “kulla me sahat”. Karroca me të cilën udhëtonte u shndërrua në kungull, fustani i bukur në leckë të grisur, perlat në guralecë pa vlerë, por këpuca e kristaltë mbeti në duart e princit.

Kush do ta provojë e kujt do ti bëjë tamam kjo këpucë?
Kush do të jetë princesha e ardhshme e drejtësisë në Maqedoninë e Veriut?

/Redaksia, in7.tv/

Continue Reading

Editorial

Po të ish kujdesur shteti për spitalin e Tetovës si për selinë e BDI-së, a do të kishim 14 viktima?

Published

on

Editorial në portalin Lideri.mk

Në Maqedoninë e Veriut janë mbajtur shumë protesta deri tani. Disa të qeta, disa teë dhunshme. Është sulmuar Qeveria, janë gjuajtur me ngjyra shumë ministri, por edhe institucione tjera, duke përfshi edhe selitë e LSDM-së dhe VMRO-DPMNE-së. Policia herë ka intervenuar, e herë ka bë sehir. Sepse e drejta e protestës është e drejtë e garantuar me Kushtetutë. Mirëpo gjithçka ndryshon sa herë që shqiptarët duan të protestojnë te selia e BDI-së në Reçicë të Vogël. Kjo u vërejt edhe sot. E si mos ta parashtrojmë pastaj pyetjen se Pse selia e BDI-së mbrohet prej policisë si asnjë institucon tjetër në Republikën e Maqedonisë?
Pse selia e BDI-na qenka aq e rëndësishme për policinë, a e dini vallë përgjigjen në këtë pyetje? Pae shqiptarët e Maqedonisë janë aq të pambrojtur, kurse selia e BDI-së aq e mbrojtur nga forcat speciale?
A e keni parashtruar pyetjen se po të ish kujdesur shteti për spitalin e Tetovës si për selinë e BDI-së, a do të kishim 14 viktima? Duhet ta parashtrojmë këtë pyetje secili prej nesh. Kur ta kemi përgjigjen ndaj kësaj pyetje, atëherë gjërat do të jenë shumë më të qarta!/Lideri.mk/

Continue Reading

Editorial

Dëshira për pushtet të përjetshëm e Enver Pajazitit, rrezikon seriozisht Komunën e Bërvenicës

Published

on

By

Enver Pajaziti zyrtarisht ka nisur procedurën për grumbullimin e nënshkrimeve, që të kandidojë për mandatin e katërt radhazi në krye të Komunës së Bërvenicës. Por për dallim prej para 4 viteve kur pas tij u rreshtuan partitë më të mëdha shqiptare, kësaj radhe ai garon i vetëm. Partitë tjera shqiptare kanë nxjerrë ose janë në prag të nxjerrjes së kandidatëve për kreun e kësaj komune. Kjo “e nxjerr” jashtë loje Pajazitin, i cili edhe sipas anketave interne të bëra nga subjektet politike, nuk duket aspak favorit. Gara e fuqishme pritet mes Aleancës për Shqiptarët, e cila në dy ciklet e fundit del fituese në në këtë komunë dhe BDI-së, që ka hequr dorë tërësisht nga Enver Pajaziti, i cili në dy mandatet e para ishte kandidat i kësaj partie.

Situata paraqitet e favorshme për dy partitë maqedonase, VMRO dhe LSDM, të cilat mundohen që këtē komunë ta kthejnë në duar të maqedonasve. Dhe gara pritet të jetë e ngushtë, ashtu si në ciklet paraprake zgjedhore. Para 4 viteve, Aleanca për Shqiptarët megjithëse qëndronte mirë me përkrahje në këtë komunë, hoqi dorë nga gara me të vetmin arsyetim, që komuna të vazhdojë të drejtohet nga shqiptarët. Kështu ata dhanë përkrahje për kandiatin e pavarur Envet Pajaziti, ndërsa dolën si parti e parë në votat e Këshillit. Edhe në zgjedhjet parlamentare të vitit të kaluar, Aleanca për Shqiptarët bashkë me Alternativën dolën fitues bindshëm para partive tjera shqiptare në këtë komunë.

Por, pse Enver Pajaziti këmbëngul edhe për një mandat në krye të komunës? Edhe pse i vetëdijshëm se nuk është aspak favorit, siç pohojnë për in7 burime të afërta pranë tij, Enver Pajaziti po i hyn garës, madje duke rrezikuar seriozisht që me komunën të drejtojnë partitë maqedonase. Kjo sepse përçarja e votës shqiptare në më shumë subjekte, mund të nxjerrë fituese në këtë komunë ndonjë kandidat maqedonas, që me një angazhim më të madh, ndoshta e fiton komunën që në raundin e parë. E angazhimi i partive maqedonase kësaj radhe duket se do të jetë shumëfish më i madh. Kjo ndodhi edhe në zgjedhjet parlamentare, ku dy partitë e para dolën VMRO dhe LSDM.

Dëshira e madhe për pushtet të përjetshëm mund ta vë në pikëpyetje Komunën e Bërvenicës.

Tre mandate në krye të një komune, mesiguri se janë shumë, ndërsa katër mandate radhazi do të ishte e tepruar. Enver Pajaziti, në vend të aventurave personale, do të ishte e udhës të falënderojë qytetarët e Bërvenicës që i qëndruan pranë në mbi 12 vite pushtet, të falënderojë ndoshta edhe subjektet politike që para 4 viteve i qëndruan pas, me të vetmin qëllim, që komuna të vazhdojë të drejtohet nga shqiptarët. Çdo veprim tjetër, mesiguri do të shkojë në favor të partive maqedonase. Përgjegjshmëria dhe morali polik e kombëtar vihet në provë në të tilla raste. A do të sundojë arsyeja, logjika e shëndoshë dhe interesi qytetar e kombëtar, para tekeve personale dhe interesave individuale, kjo do të shihet në vijim!?

Zgjidhja për Enver Pajazitin është shumë e lehtë. Pensioni shijohet me nder!

Redaksia e in7.tv

Continue Reading

Editorial

Ata na “mbajnë gjallë”, t’i presim siç na ka hije!

Published

on

By

Radhë të gjata mërgimtarësh nëpër pikat kufitare

Sezoni veror ka filluar. Pushimet poashtu. Si çdo verë, janë mërgimtarët ata që mbushin shtëpitë, lagjet, fshatrat e qytetet tona. Vëllezërit e motrat tona po vijnë për tu çmallur me të afërmit dhe me vendlindjen e tyre. Një pjesë e madhe e bashkëatdhetarëve tanë që jetojnë kryesisht në vendet europiane, rrugëtimin për në shtëpi e bëjnë me automjetet personale. Kjo paraqet sfidë më vete. Rrugë e gjatë, lodhje e shumë trafik.

Megjithatë, të gjitha këto i mund dëshira e madhe për tu kthyer dhe dashuria e madhe për vendlindjen e atyre që të detyruar, për jetë më të mirë, janë larguar nga familja, shoqëria dhe vendi që i rriti. Ata vijnë çdo vit. Vijnë e bëjnë dasma. Ndërtojnë shtëpi. Hapin biznese. Harxhojnë paratë e fituara me djersë dhe sakrificë në vende të huaja. Gjallërojnë ekonominë tonë. Mbushin arkat e shteteve tona. Ata janë arsyeja pse ne mbijetojmë.

Mendoni pak një gjë. Me paratë që ata harxhojnë në ato dy apo tre javë në vit tek ne, ndoshta edhe me shumë më pak se aq, mund të zgjedhin të kalojnë një pushim të paharruar në ndonjë nga destinacionet më të bukura turistike botërore. Oferta ka plotë. Çmimet janë shumë të arsyeshme.

Por ç’bëjnë mërgimtarët tanë?

Zgjedhin gjënë e parë që u rrotullohet në mendje. Të vijnë në vendlindje e të flakin tej idetë për pushime në plazhet më të bukura të botës. Vijnë e durojnë trafikun dhe kaosin nëpër qytetet tona, durojnë zhurmën, ndjejnë erën e keqe të deponive që kanë mbirë kudo.

Prandaj, ti presim e ti përcjellim ashtu, siç ne dhe atyre bashkë, na ka hije.

Vëllezër, Ju lutemi kini kujdes. Jepini makinës më shtruar. Paçit rrugë të mbarë e ardhshit mirë me shëndet!

Nga Redaksia e in7.tv

Continue Reading

Aktuale