Connect with us

Lajme

Zaev: Nuk përvetësuan maqedonasit histori të huaj, por Gruevski dhe elita e tij politike

Published

on

Kryeministri Zoran Zaev në profilin e tij në Facebook publikoi se shumë shpesh dhe një kohë të gjatë publikisht flet për keqpërdorim të historisë në qëllimet politike dhe se pushteti i kaluar përmes tentimit për antikuizim nuk pati sukses që ta grindë vendin me të gjithë fqinjët dhe gjatë tërë dekadës ta mbajnë në izolim.

“Unë shumë shpesh dhe një kohë të gjatë flas publikisht për keqpërdorimin e historisë për qëllime politike. Kështu ishte edhe në intervistën për televizionin grek Alfa në të cilën isha pyetur dhe u përgjigja për politikat e kaluara të dëmshme të nacionalizmit dhe antikuizimit. Nuk mundet që mua të më shkruhet diçka që jo unë, por Gruevski dhe makineria e tij ideologjike e bënin 10-11 vite. Nuk përvetësuan maqedonasit histori të huaj, por Gruevski dhe elita e tij politike dhe dëgjuesit e tij kuaziekspertë të cilët u nisën në ofensivë mediatike që të arsyetojnë inxhiniering identitetin. Jo populli maqedonas, por Gruevski dhe propaganda e tij zbatuan inxhiniering identitetin që të mbjellin diçka që nuk është natyrale, e as pjesë thelbësore e rrënjës nacionale maqedonase. Zbatuan operacion masiv kulturologjik të quajtur antikuizim që të bukefalizojnë një popull të tërë dhe me këtë të na grindin me të gjithë fqinjët. Patën sukses që një dekadë të tërë të na mbajnë në izolim. Dhe derisa vraponin dhe i nxisnin debatet e supozuara për atë se kush jemi dhe çfarë jemi, na hodhën në izolim dhe i hodhën në podrumet e errëta prioritetet tona – BE dhe NATO. E kthyen prapa dhe e bllokuan gjithë procesin. Dhe derisa e bënin këtë, pas asaj perde të tymit, i kryen të gjitha krimet politike për të cilat tani përballen me drejtësinë”, shkruan Zaevi në profilin e tij në Facebook.

Unë, shton, e investova gjithë fuqinë time politike që të zgjidh çështje për të ardhmen dhe për të gjitha gjeneratat e ardhshme. “Vendi ynë dhe populli ynë u ballafaquan me antikuizimin dhe unë do të vazhdoj të flas publikisht për nevojën për paqe dhe bashkëpunim në Ballkan, por edhe për momentet e historisë së përbashkët të cilat i bashkojnë dhe i lidhin popujt”, potencon Zaevi në publikimin e tij në Facebook.

 

BURIMI: MIA

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale