Connect with us

Lajme

Si vdiq Festim Lato, flasin familjarët dhe policia

Published

on

Prej dy ditësh ka qarkulluar në media lajmi për vdekjen e veprimtarit të çështjes çame, Festim Lato. 47 vjeçari nga Vlora me banim në Amsterdam ishte vetëshpallur President i Republikës së Çamërisë. Ngjarja vazhdon të jete e mbushur me mister për shkak të deklarimeve kontradiktore.

Policia holandeze deklaroi zyrtarisht se është identifikuar trupi i pajetë i personit që u gjet të shtunën i mbytur në Beesel.

Identiteti, shkruan policia në “twitter” nuk bëhet i ditur për publikun, por familjarët kanë identifikuar trupin e të afërmit të tyre. Po sipas policisë, viktima ishte shpallur i zhdukur nga familjarët që më 22 qershor. Trupi i pajetë, thotë policia nuk ka shenja dhune, çka dyshohet se është vetëmbytur. Pra, sipas policisë holandeze nuk kemi të bëjmë me vrasje.

Ndërsa media holandeze, referuar burimeve të saj shkruan se viktima është Festin Lato, President i Republikës (së panjohur) të Çamërisë. Sipas “De Gelderlander”, Lato ka shmangur një ushtri kreditorësh për një kohë të gjatë. Ai u deklarua i falimentuar nga gjykata në Zutphen në prill të këtij viti.

Por ndryshe nga çfarë deklaron policia se viktima është mbytur, të afërmit dhe miqtë hedhin dyshime se ai mund të jetë vrarë, jo nga borxhet, por nga angazhimi në çështjen çame.

Angelo Aliu, kryeministri i vetëshpallur i Republikës së Çamërisë, konfirmoi vdekjen e Latos në Facebook. Ai tha se është i tronditur nga vdekja dhe e quajti atë “një vrasje të motivuar politikisht të një heroi të Çamërisë”.

Nga ana tjetër diplomati holandez Jeroen Zandberg i UNPO i tha “De Gelderlander” se Lato ishte i përfshirë në punët e dyshimta. Ai tha se e kishte këshilluar Laton për betejën e tij politike dhe është tronditur nga vdekja. Më tej e përshkroi si “një njeri simpatik dhe i qetë në të folur”.

“Top Channel” ishte me kamera sot në familjen Lato në lagjen Lirim të Vlorës, ku janë hapur dyert e mortit. Një familje e madhe me 9 fëmijë, hynë dhe dalin të afërm dhe familjarë për ngushëllim. Vëllai i madh i kësaj familje Xhemil Lato tregon se ende nuk e kane konfirmuar 100% se vëllai i tyre është vrarë, por janë duke pritur analizat e ADN. Ndërkohë po sipas njërit prej vëllezërve të Festimit, tre fëmijët e Festimit nuk janë lejuar nga policia holandeze që të hyjnë në morg për verifikim e kufomës. Po ashtu shtëpia kishte hapur dyert e mortit, por në portën e banesës 3 katëshe nuk kishte lajmërim nekrologjie.

 

BURIMI: Periskopi

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale