Connect with us

Lajme

Pendarovski: Nuk duhet të ketë ndasi partiake për qëllime strategjike

Published

on

Presidenti Stevo Pendarovski sot deklaroi se detyra e tij, në kuadër të kompetencave të cilat i ka, është që ta ulë polarizimin në shoqëri. Porositi që politikanët të pajtohen rreth qëllimeve strategjike në ekonomi, integrimet euroatlantike dhe marrëdhëniet ndëretnike.

“Detyra ime është që ta ulë polarizimin në çfarëdo mënyre, siç mundem, me fjalë, me veprim, me thirrje të njerëzve te unë ose me shkuarjen time te ata. Mendoj se ndasitë politike nuk kanë qenë kur më të thella dhe më të mëdha në historinë tonë si shtet i pavarur dhe se detyra e parë e secilit prej nesh i cili në një kohë të caktuar është në ndonjë funksion, është që t’i ulë ato dallime. Secili nga ne vjen nga ndonjë parti e caktuar ose ambient politik. Unë nuk jam anëtar i ndonjë partie politike, megjithatë me vite të tëra jam përfaqësues i një tipi të caktuar të ideve politike dhe të një koncepti të caktuar politik”, tha Pendarovski gjatë vizitës në Odën Ekonomike të Maqedonisë.

Theksoi se kjo nuk guxon ta pengojë që të flasë me njerëzit të cilët kanë koncept krejt të ndryshëm nga ai për zhvillim të shtetit dhe shtoi se këtë e bën.

“Deri më tani me disa nga ata nuk pata sukses që të kem kontakt, por detyra ime është, sepse paguhem nga paratë tuaja, që të tentoj këtë ta bëj deri në fund të mandatit. Dhe këtu nuk ka suita, nuk ka ego të lënduar”, tha Pendarovski.

Presidenti Pendarovski tha se duhet të lajmërohet te njerëzit të cilët janë aktorë të skenës politike dhe me të cilët deri më tani nuk ka realizuar komunikim, ndërsa të cilët, siç tha, janë të rëndësishëm për ambientin total.

“Do të tentoj t’i marr, dhe unë do t’i kërkoj dhe të jenë të bindur se do të bëj gjithçka që në këto pesë vite të mandatit tim t’i ulë ato tensione”, tha Pendarovski.

Ai vlerëson se për disa punë, të cilat kanë rëndësi strategjike për shtetin nuk duhet të ketë zënka.

“I pari është zhvillimi ekonomik. Koncepti i përgjithshëm i zhvillimit ekonomik nuk guxon të jetë gurë pengues mes VMRO-DPMNE-së, LSDM-së, BDI-së dhe cilësdo parti tjetër. Maqedonia e Veriut duhet komplet të integrohet në integrimet euroatlantike, nga aspekti juaj dhe nga aspekti ynë, të mos ndahemi. BE-ja është e rëndësishme, por NATO-ja është edhe më e rëndësishme si parakusht për siguri, e më tutje për zhvillimin ekonomik. Këtu të gjitha partitë nuk guxojnë të kenë dallime. Dhe një punë e rëndësishme që kontribuon për uljen e polarizimit është që marrëdhëniet ndëretnike duhet të jenë stabile”, vlerëson Pendarovski.

Sipas tij, politikanët duhet të pajtohen për këto punë dhe për këtë prioritet-ekonomi, integrime euroatlantike dhe marrëdhënie ndëretnike. Vlerëson se këtu kontributi i tij mund të jetë më i dukshëm, gjegjësisht në bisedë me të gjithë faktorët e rëndësishëm politik të bëjnë ambient në shtetin në të cilin, siç tha, “nuk do të shihemi përmes nishanit të pushkës për punë të tilla të rëndësishme prej të cilave varet jeta jonë dhe jeta e gjeneratave të reja”.

“Për gjithçka tjetër mund të debatojmë deri nesër, edhe në Parlament edhe jashtë, edhe me demonstrime, por për këtë do të kemi koncensus shtetëror”, theksoi Penadarovski.

Shefi i shtetit vlerëson se nuk duhet të kthehemi në gjendjen para disa viteve ose, siç tha, drejtë atij niveli të ndasive dhe drejtë atij niveli të debateve dhe grindjeve.

Me mbylljen e këtyre çështjeve, me përfundimin e integrimit në NATO, i cili pritet të përfundojë këtë vit dhe t’i fillojmë negociatat me BE-në, në përgjithësi shkojmë drejtë stabilizimit dhe drejtë qetësimit të gjendjeve.

Sipas vlerësimeve të tij, kemi përpara një vit të qetë. “Zënkat politike, sepse është vit zgjedhor, do të vazhdojnë ndoshta me intensitet më të madh, megjithatë kjo nuk do të guxonte që të ndodh edhe me sferën e biznesit. Për fat të keq deri më tani ka ndodhur që njerëzit të flasin vetëm për këtë, megjithatë viti i ardhshëm nuk është vit zgjedhor për mua dhe nuk do të merrem me atë”, tha Pendarovski.

 

BURIMI: MEDIAL

Continue Reading

Lajme

Shoferi humbet kontrollin e furgonit dhe del nga rruga, lëndohen pasagjerët

Published

on

Një furgon është përfshirë në një aksident të ndodhur në Rrugën e Arbrit.

Sipas njoftimit të policisë, drejtuesi i furgonit, 62-vjeçari me iniciale M.D. dyshohet se ka humbur kontrollin e mjetit dhe ka dalë nga rruga.

Për pasojë, janë dëmtuar 4 nga pasagjerët që ndodheshin në furgon, të cilët po marrin mjekim në spital, jashtë rrezikut për jetën.

Materialet i kaluan Prokurorisë, për veprime të mëtejshme procedurale.

Continue Reading

Lajme

Ziadin Sela kujton martirët e familjes Zymberi

Published

on

Kryetari i Aleancës për Shqiptarët, Ziadin Sela ka kujtuar 10 anëtarë të familjes Zymberi nga fshati Sllupçan i Kumanovës në 21 vjetorin e vdekjes së tyre nga granatimet gjatë konfliktit të armatosur në Maqedoni në vitin 2001, përcjell in7

Sela përmes një postimi në faqen e tij zyrtare shkruan se 21 vite më parë, 10 anëtarë të familjes Zymberi ranë martirë të një krimi të rëndë shtetëror e që kurrë nuk gjeti drejtësi.

Postimi i plotë

“21 vite më parë, 10 anëtarë të familjes Zymberi ranë martirë të një krimi të rëndë shtetëror e që kurrë nuk gjeti drejtësi.
Fëmijë e gra të pafajshëm, me gjakun e tyre shkruan një kapitull të historisë së popullit shqiptar për liri dhe barazi.
Lavdi martirëve dhe dëshmorëve të kombit!”./in7.tv/

Continue Reading

Lajme

Qeveria ende nuk i ka thirrur në bisedime! Sindikatat në këmbë për pagat, nesër protestojnë

Published

on

Gjatë protestës së 1 Majit të organizuar nga Lidhja e Sindikatave, zv/kryeministri për çështje ekonomike Fatmir Bytyqi dhe ministrja për punë dhe politikë sociale Jovana Trençevska i pritën punëtorët para qeverisë, duke u premtuar se do të përmbushet kërkesa e tyre për rritjen e pagave për 2806 denarë në mënyrë lineare.

“Askush nuk duhet të harrojë se punëtori është në vend të parë. Ne si qeveri po themi se kapitali njerëzor është para se gjithash, ne nuk kemi pasuri të tjera, ju jeni pasuria jonë, prandaj do të bëjmë gjithçka për secilin punëtor pa dallim nëse është nga sektori privat apo publik, që i njëjti të paguhet në mënyrë të denjë”, deklaroi Fatmir Bytyqi, zv/kryeministër për Çështje Ekonomike.

Por edhe pse premtuan se me rebalancin e buxhetit do të parashihet kjo rritje, e njëjta doli se ka qenë mashtrim thonë nga Lidhja e sindikatave të Maqedonisë. Të revoltuar kërkojnë takim urgjent me përfaqësuesit e qeverisë. Nga Sindikatat e pavarur dhe Konfederata e Lidhjes së sindikatave kanë paralajmëruar për nesër protesta masive. Të pakënaqur janë edhe përfaqësuesit e Drejtorisë së librave amë të cilët vazhdojnë të jenë në grevë.

“Nuk mund të presim aq kohë më edhe greva po vazhdon, qytetarët janë të shqetësuar nuk mund të nxjerrin dokumente, duam që kjo punë të zgjidhet sa më shpejtë. Pengesa tani është te Ministria e Financave prandaj duam që aty të protestojmë para ministrisë, që qytetarët të mos presin për dokumente ngaqë tani po afrohet edhe periudha e verës”, pohoi Toni Miloshevski, Sindikata e D. së Librave Amë.

Në lidhje me kërkesat e sindikalistëve Ministri i Financave Fatmir Besimi në një kolumnë të tij thotë:

“Duhet të përcaktojmë një metodologji gjithëpërfshirëse me të cilën do të përshtaten pagat në të gjithë sektorin publik. Në këtë metodologji do të vlerësohet produktiviteti, si dhe ruajtja e standardit (rritja reale e pagave dhe inflacioni). Sipas metodologjisë së përcaktuar, do të destinohen edhe mjete”, shkroi Fatmir Besimi, ministër i Financave.

TV21 pyeti qeverinë se a do t’i pranojnë për bisedime përfaqësuesit e sindikatave dhe a do t’i përgjigjen kërkesave të tyre. Prej atje na thanë se negociatat vazhdojnë. Sapo të caktohet takimi me LSM, opinioni do të njoftohet. Ndryshe protesta nesër nis në orën 14h nga Parku i gruas, do të vazhdojë ka Kuvendi, pastaj te Ministria e Drejtësisë, për të përfunduar te Ministria e Financave.

Continue Reading

Aktuale