Kosovë
Tmerri në familjen Hajdari, policia dërgon në burg të sëmurin e palëvizshëm (Video)
Policia e Kosovës dhe Shërbimi Korrektues i Kosovës kanë kthyer në vuajtje të dënimit, Driton Hajdarin i dënuar për tentim vrasje në rastin “Bllaca”, përkundër faktit që sëmundja e tij është e pashërueshme ‘skleroza amfitrofike laterale’, dhe kërkon trajtim të veçantë.
Dritoni ka raporte nga specialistët dhe shefi i burgjeve të Kosovës që duhet të jetë i shoqëruar dhe që trajtimi i tij nuk mund të bëhet në burg, megjithatë Gjykata Themelore në Prishtinë ka vendosur që ai të kthehet në burg për vuajtjen e dënimit.
Këshilli për Mbrojtjen e Lirive dhe të Drejtave të Njeriut ka thënë se nga aspekti i të drejtave të njeriut asesi nuk duhet të dërgohet në burg, pasi dërgimi i tij në burg është nënshkrim për vdekjen e tij.
Ai dje është marrë në shtëpinë e tij nga pjesëtarët e Policisë dhe Shërbimit Korrektues për ta dërguar në burg. E një video e siguruar nga KosovaPress, tregon për gjendjen e rënd të tij por edhe momentet e vështira të familjes. Video nis me vajin e fëmijëve dhe pastaj aty shihen pjesëtarët e Policisë dhe Shërbimit Korrektues, të cilët me një shtrat lëvizës hynë në shtëpinë e Driton Hajdarit.
Bashkëshortja e Dritonit u thotë policëve se duhet t’ia marrin barnat e Dritonit, derisa dëgjohet duke thënë se çfarë tmerri.
Po ashtu, dëgjohet nëna e Dritonit e cila i tregon zyrtarëve korrektues se si ta kapin Dritonin për ta vendosur në shtrat, duke i thënë se nuk i lëvizin duart, ndërsa duhet të kenë kujdes me qafën, pasi nuk ka mundësi ta kontrollon kokën.
Gjendja e Dritonit shihet mjaft e rënd edhe gjatë vendosjes në shtrat, e shumë emocionuese është edhe përshëndetja me fëmijë dhe nënën.
Familja nuk kërkon asgjë më shumë se sa trajtim njerëzor ndaj djalit të tij, gjë që edhe raportet mjekësore kanë konstatuar se nuk mund të ndodhë në Shërbimin Korrektues.
Bashkëshortja e Dritonit, ka thënë për KosovaPress, se ky është tmerri që institucionet tona ia bëjnë kësaj familje, duke shkelur të drejtat e njeriut.
“Na mytën, kjo është një padrejtësi që bëri Gjykata Themelore, e cila po shkel të drejtat e njeriut, pasi Dritoni nuk ka mundësi të merr trajtimin e nevojshëm në burg”, ka thënë ajo.
Ajo shton se Dritoni është dënuar për tentim vrasje me 7 vjet burg, ku prej tyre, më shumë pesë vjet burg i ka mbajt dhe i kanë mbetur edhe 20 muaj.
Bashkëshortja e tij ka treguar edhe për gjendjen e fëmijëve.
“Mbrëmë u desh me i ruajt tërë natën se na lajmëruan policia që vinë, edhe natën për mos me i lan me trokit fort se fëmija mu kanë tranu, katastrofë”, tha ajo, derisa tregoi se që nga momenti që e kanë marrë dje në orën 10:00, të mëngjesit, Dritonit nuk iu është dhënë as ushqim, as ujë dhe as terapia, deri në orën 20:00.
“As terapinë nuk ia kanë sjellë, këto sene burgu duhet me i kryer. Dritonit qysh prej djeshit është pa barna, burgu nuk po ia siguron Rilutek, D3 vitamin, Nero betik, Neuromidin. Këto barna janë jetike për atë por ata po thonë ne nuk kemi. Ai vet nuk mundet as me pi, as me hëngër pa i dhënë dikush. Mos mi dhanë dikush me hëngër, ai ashtu mbetet se duart i ka të pa lëvizshme. Edhe pesë vjet le ti mban veç le ta shërojnë”, ka thënë ajo.
Përndryshe, Driton Hajdari në një letër publike ditë më parë ka shkruar se sëmundja e tij iu ka shfaqur në burg në rrethana misterioze, ku gjatë dy viteve nuk iu është dhënë trajtim nga Shërbimi Korrektues i Kosovës, derisa sëmundja ka marrë përmasa kritike.
“Unë çdo ditë ballafaqohem me sëmundje që ma rrezikon jetën, kurse, ata marrinë vendim që të më kthejnë në burg, përkundër faktit se ka dokumente që nuk mund të trajtohem në burg për shkak të mungesës së kushteve”, tha ai.
Sipas tij, nuk kundërshton vendimin që merr gjykata por ka kërkuar që në burg t’iu sigurohen barnat që nuk gjenden në Kosovë./KosovaPress/
Kosovë
Ja pse Albin Kurti iu iku sot mediave, e la të vetëm Dimitar Kovaçevskin

Ja pse Albin Kurti iu iku sot mediave, e la të vetëm Dimitar Kovaçevskin
Kryeministri i Kosovës Albin Kurti, ishte paraparë që te dale sot në konferencë për media bashkë me kryeministrin Dimitar Kovaçevski, mirëpo kjo nuk ndodhi, shkruan Alsat.
Kurti, iu shmang mediave duke marrë kështu menjëherë rrugën për në Prizren, derisa pritej që kjo të ishte paraqitja e tij e parë para mediave pas zhvillimeve të mbrëmshme ndërmjet Kosovës dhe Serbisë.
Kurti mbrëmë në orët e vona të natës, vendosi ta shtyjë për 48 orë vendimin për gjobat ndaj targave në komunat e Kosovës me shumice serbe, e kjo erdhi pas kërkesës së SHBA-së.
Kujtojmë se dje takimi Kurti-Vuciq përfundoi pa marrëveshje. /Alsat.mk
Kosovë
Kalon propozimi për liberalizimin e vizave në janar të vitit 2024

Kalon propozimi për liberalizimin e vizave në janar të vitit 2024
Përfaqësues të vendeve anëtare të BE-së u pajtuan me propozimin që liberalizimi i vizave për Kosovën të hyjë në fuqi më 1 janar të vitit 2024.
Radio Evropa e Lirë merr vesh se pajtimi u arrit në një takim të këshilltarëve për viza të martën në Bruksel.
Kjo datë ishte kërkesë e Spanjës – njërit prej pesë vendeve të BE-së që nuk e njeh ende pavarësinë e Kosovës.
Paraprakisht, Republika Çeke – e cila aktualisht udhëheq presidencën gjashtëmujore të BE-së – kërkoi që liberalizimi i vizave për Kosovën të fuqizohet më 1 dhjetor të vitit 2023.
Por, ky propozim nuk kaloi në një takim të grupit punues të BE-së për vizat, që u mbajt javën e kaluar, pasi Spanja e më pas edhe Sllovakia dhe Suedia paraqitën vërejtje dhe kërkuan, siç thanë, sqarime shtesë. Arsyet e tyre nuk u bënë të qarta.
Sipas propozimit të miratuar të martën, “hyrja në fuqi e liberalizimit të vizave për qytetarët e Kosovës do të nisë në kohën kur të jetë funksional sistemi i udhëtimit ETIAS, por jo më vonë se më 1 janar të vitit 2024”.
Miratimi i këtij propozimi do të jetë në rend dite në takimin e ambasadorëve të vendeve anëtare të BE-së, që do të mbahet të mërkurën.
Liberalizimi i vizave do t’u mundësojë qytetarëve të Kosovës të udhëtojnë lirshëm në atë që njihet si zona Schengen, e që përbëhet prej 26 shtetesh evropiane.
Për të arritur deri këtu, Kosovës i duhet t’i kalojë edhe disa shkallë:
Diplomatë të BE-së thonë se kalimi i propozimit është një gjë pozitive, sepse ekziston një datë konkrete për hyrjen në fuqi të liberalizimit të vizave.
Sipas tyre, nëse ETIAS bëhet funksional sipas pritjeve, përkatësisht në nëntor të vitit të ardhshëm, liberalizimi i vizave mund të hyjë në fuqi edhe më herët, më 1 nëntor, 2023.
Lidhja me sistemin ETIAS
ETIAS është një sistem digjital që synon të bëjë evidentimin e vizitorëve që hyjnë prej jashtë BE-së në zonën Schengen.
Ky sistem është dashur të nisë së funksionuari në vitin 2022, por data është shtyrë disa herë dhe tani si afat përmendet nëntori i vitit 2023.
Në një takim të grupit punues për viza të Këshillit të BE-së, të mbajtur më 13 tetor, zyrtarët francezë propozuan që liberalizimi i vizave për Kosovën të lidhet pikërisht me funksionalizimin e ETIAS-it.
Republika Çeke doli më pas me propozimin që hyrja në fuqi e liberalizimit të vizave të lidhej me funksionalizimin e ETIAS-it, por njëherësh të caktohej edhe data e fuqizimit të vendimit: “jo më vonë se 1 dhjetori i vitit 2023”.
Me kërkesën e Spanjës, kjo datë u shty për 1 janar të vitit 2024.
Kosova është vendi i vetëm në Ballkanin Perëndimor, qytetarët e të cilit nuk mund të lëvizin lirshëm në zonën Schengen.
Kjo, me gjithë faktin se Komisioni Evropian, qysh në vitin 2018, ka konfirmuar disa herë se Kosova i ka përmbushur të gjitha kushtet për liberalizimin e vizave, por kanë qenë disa vende anëtare që vazhdimisht kanë shprehur rezerva.
Kosovë
Albin Kurti nesër në Shkup, takohet me Kovaçevskin

Albin Kurti nesër në Shkup, takohet me Kovaçevskin
Kryeministri i Kosovës Albin Kurti nesër do të qëndroj për vizitë zyrtare në Shkup. Gjatë qëndrimit të tij në Shkup, Kurti do të pritet nga kryeministri Dimitar Kovaçevski.
Ndërkohë që për në ora 11:00 është paraparë edhe një konferencë e përbashkët e dy kryeministrave. /Alsat.mk
-
Lajmet kryesore1 year ago
Mediat në Shqipëri: Kastriot Rexhepi është shantazhuar me video materiale nga grupi i Izet Mexhitit
-
Bota11 months ago
Nuk u intereson kush është përballë tyre, shihni pamjet se si ukrainasit i ndalin në rrugë rusët
-
Lajme2 years ago
Lidhjet e Trajko Veljanovskit me rastin M0nstга? – Avokati maqedonas flet për pazaret ndër tavolinë dhe fshehje provash
-
Kosovë1 year ago
Dalin detaje të reja për vrasjen e trefishtë në Gllogjan
-
Komente2 years ago
Mos e bëfsh pikën e hajrit o Albin Kurti
-
Lajme2 years ago
Gazetari shqiptar “e zuri mat” Vuçiqin – Cila ishte pyetja që e ngushtoi presidentin sërb?
-
Lajme2 years ago
Shek Hallaçi i Grupit të Kumanovës, nga Buгgu i Idгizovës publikon videon me një porosi
-
Lajme1 year ago
Anketa më re: Struga, Tetova dhe Çairi do të drejtohen nga Opozita Shqiptare