Connect with us

Maqedonia e Veriut

Shkaku i skandalit me komikët rusë, Zaev shton masat e sigurisë

Published

on

Kryetari i Qeverisë, Zoran Zaev dhe kabineti i tij morën masa për përforcim të efikasitetit dhe sigurisë në zbatimin e agjendës transparente, e përbërë nga takimet, ngjarjet dhe komunikimet. Siç kumtoi pres-shërbimi i Qeverisë, po bëhet avancimi i protokolleve dhe rregullave për caktim të takimeve dhe për bisedat telefonike në Kabinet, me qëllim që të sigurohet nivel i lartë i kontrolleve dhe mbrojtjes së komunikimeve të kryetarit të Qeverisë.

Pas skandalit me komedianët rusë, kryeministri i Maqedonisë së Veriut, Zoran Zaev ka ndryshuar numrat e telefonit dhe ka shkarkuar nëpunës – këshilltar dhe bashkëpunëtor. Nga Qeveria kanë njoftuar se “janë duke punuar në fuqizimin e efikasiteti dhe sigurisë për realizimin të agjendës së transparencës, e përpiluar nga mbledhje, ngjarje dhe komunikime”.

“Si pjesë e masave për sigurim dhe kujdes në komunikimet telefonike dhe digjitale, në kuadër të Kabinetit të kryeministrit janë ndryshuar disa pajisje teknike, përfshirë edhe telefona mobil dhe numra të telefonave mobil të kryeministrit, dhe të një pjesë e bashkëpunëtorëve të tij”,thanë nga Qeveria.

Më tej në kumtesë thuhet se kryeministri Zaev ka realizuar edhe analizë të profesionalitetit dhe efikasitetit të angazhimit të këshilltarëve dhe bashkëpunëtorëve të tij, në bazë të së cilët një pjesë e personave të angazhuar edhe do të largohen.

“Kryeministri Zaev dhe Kabineti janë të përkushtuar për avancim të punës në mënyrë të hapur dhe transparente, në pajtim me nevojat e sigurisë së teknologjive të reja dhe me protokollet të cilat dalin nga mënyrat bashkëkohore e menaxhimit”, thuhet më tej në kumtesën e Qeverisë. /Klan Macedonia

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Lajme

Pendarovski uron Ditën e Alfabetit: Bashkëjetesa është fryt i besimit

Published

on

By

Pendarovski uron Ditën e Alfabetit: Bashkëjetesa është fryt i besimit

Presidenti i Republikës së Maqedonisë së Veriut sot ka uruar Ditën e Alfabetit duke u shprehur se bashkëjetesa në një shoqëri multietnike dhe shumë-gjuhësore është vlerë e pakontestueshme dhe si e tillë duhet respektuar dhe vlerësuar.

Ai nëpërmjet urimit të tij për 22 nëntorin uron shqiptarët për ditën e alfabetit dhe stimulon qytetarët për respekt të ndërsjellë.

“Bashkëjetesa është fryt i besimit, e cila zë rrënjë kur njerëzit respektojnë dhe mbështesin identitetin e tjetrit. Ky lloj besimi është i domosdoshëm për t’i përballuar më me sukses sfidat tona të përbashkëta dhe për të ndërtuat një shoqëri të drejtë me mundësi të barabarta për të gjithë qytetarët e Maqedonisë”, shkruan Pendarovski.

Continue Reading

Aktuale