Connect with us

Lajme

Zaev, pa opozitën, dorëzon në Kuvend draft-ligjin për Prokurorinë

Published

on

Kryeministri Zoran Zaev ka anuluar takimin e thirrur me liderët e partive politike për të diskutuar për tri tema, që, sipas tij, janë aktuale; Ligji për Prokurorinë Publike, ndryshimet në kodin zgjedhor dhe regjistrimi i popullsisë, por jo edhe për zgjedhjet e parakohshme, që kërkohen nga opozita.

Për shkak të refuzimit të kësaj kërkese, VMRO DPMNE-ja opozitare ka refuzuar që të jetë pjesë e këtij takimi, por edhe Qeveria e ka anuluar takimin me arsyetimin se “nuk do të pranoj ultimatum nga kryetari i papërgjegjshëm i VMRO DPMNE-së, i cili, mbrojtjen e kriminelëve dhe bllokadat e izolimin e vendit i vendos para interesave shtetërore për përparimin e tij”.

Qeveria e Maqedonisë së Veriut konsideron se “temat që ka iniciuar kreu i ekzekutivit janë të rëndësisë së veçantë për qytetarët dhe për shtetin lidhur me integrimin evropian dhe vendimin që pritet të merret për nisjen e bisedimeve të anëtarësimit”.

“Veprimet e tilla të opozitës imponojnë pyetjen se a thua VMRO DPMNE-ja dhe Mickovski janë të sinqertë për të marrë pjesë në këtë proces?”
“A thua vallë Mickovski angazhohet për perspektivën evropiane të Maqedonisë së Veriut? Dhe, a thua vallë janë të interesuar për sundimin e shtetit ligjor dhe pastrimin me krimin apo po bëjnë gjithçka për mbrojtjen e krimeve të bëra?”, ka deklaruar kryeministri Zaev, në një konferencë për media, duke njoftuar për vendimin e Qeverisë për të dorëzuar në procedurë parlamentare Ligjin për Prokurorinë Publike, pa marrëveshje me opozitën.

Propozimi, sipas kreut të Qeverisë, parasheh që Prokuroria Speciale të transformohet në Prokurori Publike për ndjekje të krimit të organizuar dhe korrupsionit të lartë. Prokuroria do të ketë kompetenca në gjithë territorin e vendit, në koordinim me Prokurorinë Shtetërore, ndërsa do të drejtohet nga Vilma Ruskoska, e cila, aktualisht udhëheq Prokurorinë për ndjekje të krimit organizuar dhe korrupsionit.

Zaev ka siguruar se Prokuroria e re do të jetë e pavarur financiarisht në punën e saj.

“Të gjitha lëndët që janë para gjykatave, e që janë në kompetencë të Prokurorisë Speciale, tani e tutje do të udhëhiqen nga Prokuroria e re atje ku kanë mbetur. Të gjithë të punësuarit dhe dokumentet kalojnë në kuadër të prokurorisë së re e cila do t’i ketë të gjitha garancitë për punë të pavarur”, ka deklaruar Zaev.

Ai ka shtuar se propozimi parasheh që shkarkimi i prokurores së re mund të bëhet vetëm me dy të tretat e votave.

Kreu i opozitës maqedonase, Hristijan Mickovski, të martën ka akuzuar Qeverinë për paaftësi dhe përfshirje në skandale të rënda, siç është edhe ai i fundit me kryeprokuroren speciale, Katica Janeva, e cila sipas Mickovskit është përfshirë në shantazhin ndaj një afaristi, të cilit i janë marrë 1.5 milion euro.

Kryetari i VMRO DPMNE-së ka thënë se nuk mund të jetë pjesë e një takimi të tillë ku nuk do të bisedohej për zgjedhje të parakohshme parlamentare.
“Unë nuk e shoh të nevojshme që të jem i pranishëm në atë takim, në të cilin do të bisedohej për gjithçka, por jo edhe për atë që sot ka nevojë Republika e Maqedonisë, zgjedhjet e parakohshme parlamentare. Ai gjithmonë kishte deklaruar se është i gatshëm për zgjedhje dhe tani tërhiqet nga frika e debaklit në to. Ne kërkojmë zgjedhje për të nxjerrë vendin nga gjendja e rëndë”, ka deklaruar Mickovski.

Ai ndërkohë është takuar të premten me kryetarin e lëvizjes Besa, Bilall Kasami, parti opozitare shqiptare e cila gjithashtu kërkon zgjedhje të parakohshme parlamentare.

 

BURIMI: REL

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale