Connect with us

Lajme

Gjuha shqipe nuk respektohet nga ministrat maqedonas

Published

on

Shumë institucione në vend kanë shkelur nenet 7 dhe 23 të Ligjit për Përdorimin e Gjuhëve, pasi nuk kanë respektuar afatin 6 mujorë brenda të cilit, ndër të tjerat, duhet të bënin zëvendësimin e tabelave të vjetra me të reja, në të cilat mbishkrimi me emrin e institucionit do të jetë edhe në gjuhën shqipe. Eksperti juridik, Naser Ziberi thotë se edhe pse ky afat ka përfunduar më 15 korrik dhe shkelja e të njëjtit duhet të sanksionohet, diçka të tillë nuk ka kush ta bëjë, pasi që Inspektorati, që sipas ligjit ka për detyrë të kontrollojë respektimin e ligjit të gjuhëve, nuk është themeluar.

Ky Inspektorat, ndoshta është lëshim, ndoshta me qëllim, nuk ka ndonjë afat të paraparë brenda të cilit duhet të themelohet, por dispozitat nënkuptojnë që brenda një viti Inspektorati duhet të jetë i themeluar dhe duhet të jetë në funksion. Sepse pas kalimit të këtij afati duhet të fillojnë të zbatohen sanksionet në rast mos zbatimi të këtij ligjit.”- theksoi Naser Ziberi- ekspert juridik

Ministritë si: ajo e Ekonomisë, e Arsimit, apo e Kulturës, ku drejtuesit janë shqiptarë i kanë ndryshuar tabelat, por kjo nuk ka ndodhur në shumë institucione të tjera ku drejtuesit janë të ndonjë etniteti tjetër. Sipas Ziberit, përmes programeve për vetëdijesim, pikërisht këtu duhet të përqendrohet Qeveria.

Thuhet se Qeveria menjëherë duhet të sjellë një program, në të cilin do të hartohen programe, të cilat do të ngrenë vetëdijen qytetare për rëndësinë e implementimit të ligjit. Por, unë do të thosha se shumë më e rëndësishme është që ky program t’i dedikohet vetëdijesimit të institucioneve në të cilat titullar nuk është dikush i etniteti shqiptar, sepse zakonisht në këto institucione ngec implementimi i ligjit për gjuhët” – u shpreh Naser Ziberi- ekspert juridik

Ziberi shton se Ligji për Përdorimin e Gjuhëve nuk po zbatohet me dinamikën e paraparë nga Qeveria. Maqedonia e Veriut është përballur shpesh me kritika në raportet e Komisionit Evropian sa i takon zbatimit të ligjeve që miratohen në Kuvend.

 

BURIMI: Alsat-M

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale