Connect with us

Lajme

Sherr në Komunën e Strugës, përfshihet edhe Merko

Published

on

Një incident ka ndodhur gjatë ditës së djeshme në Strugë, ku të përfshirë kanë qënë disa të punësuar në administratën komunale dhe persona nga jashtë saj, njofton in7.

Sipas burimeve brenda Komunës së Strugës, rasti ka filluar gjatë ditës kur Komuna e Strugës ka pasur një aktivitet në qendër të qytetit. Derisa i pari i Strugës ka promovuar një shëtitore të re në Strugë, një person nga një fshat i Strugës, është fjalosur gjatë këtij aktiviteti me dy nga njerëzit më të afërt të Merkos, thonë burime të in7.
Pas zënkës verbale në qendër të qytetit, personi i njëjtë i shoqëruar edhe nga një tjetër, kanë hyrë në objektin e komunës, ku kanë sulmuar verbalisht udhëheqësin e departamentit të urbanizimit në komunë. Këtu janë përfshirë edhe persona tjerë, ku ka pasur shtyrje e sharje. Thuhet se në zënkë është përfshirë edhe Ramiz Merko, i cili madje edhe e ka paraqitur rastin në Polici. Merko thuhet se ka marrë kërcënime dhe se e kanë shtyrë gjatë incidentit.
Për in7, incidentin e kanë konfirmuar edhe nga Policia, të cilët thonë se po hetojnë rastin.

“Deri në këto momente kemi të paraqitur zënkë verbale në të cilën janë të përfshirë më shumë persona nga Komuna e Strugës. Jemi duke e hetuar rastin dhe kur të arrijmë në një përfundim, do të marrim masat e nevojshme, qoftë ajo ngritje e ndonjë padie penale apo mase përkatëse” – thotë për in7, Stefan Dimovski nga Sektori për Punë të Brendshme në Ohër.
Sipas Dimovskit, për organet policore nuk është me rëndësi se cili person në veçanti ka qënë i përfshirë, por me rëndësi është se ka një incident, tani për tani siç thuhet, vetëm verbal ku janë të përfshirë më shumë persona, të punësuar në komunë dhe nga jashtë saj. Nuk flasin për emra konkret të të përfshirëve.

Ndërkaq gjatë ditës së sotme Ramiz Merko ka njoftuar Qeverinë se ia delegon të gjitha kompetencat nga fusha e urbanizmit. Jozyrtarisht mësojmë se zënka e djeshme dhe disa raste tjera më herët e kanë shtyrë Merkon të marrë këtë vendim. /in7.tv/

Continue Reading

Lajme

Nikolloski: Bullgarët duan të hyjnë në pjesën normative të Kushtetutës, e aty nuk janë as shqiptarët

Published

on

Nënkryetari i VMRO-DPMNE-së, Aleksandar Nikolloski sonte në TV21 theksoi se Bullgaria dëshiron të hyjë në pjesën normative të Kushtetutës, përcjell FLAKA.

Ai shton se aty nuk janë as shqiptarët.

“Bullgarët duan të hyjnë në pjesën normative të Kushtetutës. Për t’ia thjeshtuar publikut Kushtetuta ka një hyrje që quhet Preambulë dhe më pas fillojnë nenet nga të cilat nxirret e gjithë korniza ligjore në Maqedoni dhe quhet pjesa normative. Në pjesën normative ka vetëm maqedonas, madje edhe shqiptarët si bashkësi e dytë etnike në Maqedoni nuk figurojnë në pjesën normative”, tha Nikolloski. /FLAKA/

Continue Reading

Lajme

Së shpejti do të punësohen 50 mjek të ri për shkak të mungesës nëpër Klinika

Published

on

Mjekët dhe personeli tjetër mjekësor në Qendrën Klinike të cilët kanë arritur moshën e pensionit, nga sot përfundojnë punën në Klinikë, përkundër kërkesës së tyre për të vazhduar edhe për tre vjet.

Nga Ministria e Shëndetësisë thonë se puna pas pensionit për disa mjekë nuk mund të vazhdojë për shkak se nuk kanë plotësuar numrin e intervenimeve e nuk janë treguar efikas në trajtimet mjekësore. Ministri i shëndetësisë Sali tha se me këtë hapet mundësia për punësimin e studentëve të posadiplomuar.

“Sot sillet vendimi që një pjese të kërkesave të tyre tu përgjigjemi pozitivisht për tu vazhduar edhe një vit puna, ndërsa pjesa tjetër do të pensionohen me qëllim të mundësimit për të punësuar kuadër të ri cilësor që ende presin. Kam paralajmëruar për nismën e punësimin e 50 studentëve më të suksesshëm që kanë kryer medicinën me përfaqësim inkluziv nga Universiteti ‘Goce Dellçev’ i Shtipit dhe Universiteti i Tetovës”, tha Bekim Sali, Ministër i Shëndetësisë.

Sindikata e Qendrës Klinike thonë se bëhet fjalë për 80 mjekë, ndërsa Sali tha se në listë janë rreth 30. Alsat siguroi një listë në të cilën figurojnë 48 mjekë që dalin në pension.

Lista e doktorëve të sapo pensionuar: “13 nga Pediatria, 7 nga Klinika infektive, 5 nga Hematologjia, 4 nga Ortopedia, nga 3 prej Kardiologjisë, Pulmologjisë e Reumatologjisë, 2 prej Karil, Psikiatëri, Endokrinologji dhe Gastro, 1 në Traumatologji.”

Nga Sindikata e Qendrës Klinike insistojnë që po u shkelet e drejta e tyre ligjore, duke u thirrur në Ligjin për marrëdhënie pune dhe Ligjin për mbrojtje shëndetësore. Paralajmërojnë padi.

“Ligji është i qartë, nuk ka kritere të listës së pritjes sa studentë presin për punësim. Ligji këtë nuk lejon! E obligon si ministrin ashtu edhe drejtorët të ju vazhdoj punën kuadrit të specializuar, që nuk zëvendësohet brenda natës. E gjatë është përgatitja e doktorëve që tu thuash lehtësisht shkoni ju që keni mbushur 64 vjet. Ku është luks i madh i shtetit tonë”, u shpreh Goran Begoviq, Drejtor i Sindikatës së Qendër Klinike.

Në nivel vendi, numri i mjekëve që do të pensionohen sot kalon mbi 100. Mungesa më e dukshme do të thellohet në Spitalin e Kumanovës ku sot u pensionuan 5 specialistë, hiç më mirë nuk është as në spitalet tjera.

Continue Reading

Lajme

Mickoski: Nga e di Edi Rama se propozimi francez është i mirë?!

Published

on

Kryetari i VMRO-DPMNE-së propozimin e ri francez e ka quajtur “nokaut” për diplomacinë e Maqedonisë. Ai ka theksuar se nëse ky propozim ddo të ishte I mirë për vendin, nuk do të pranohej menjëherë nga autoritetet e Sofjes.

Mickoski, sic njofton KlanM, ka parashtruar pyetjen se nga ku I ka informacionet Kryeministri I Shqipërisë Edi Rama se propozimi I ri francez është I mirë, sic tha, ku negociatat I ka zhvilluar Ministri I Jashtëm Bujar Osmani, kurse për këtë nuk është konsultuar partia e tij.

“Nga e di Edi Rama këtë informacion është arsyeja e dytë kurse e para është se qeveria bullgare në doërheqje menjëherë e pranoi. VMRO-DPMNE asnjëherë nuk do të pranojë një marrëveshje të dëmshme” – tha Mickoski.

Kryetari I VMRO-DPMNE-së I bëri thirrje Qeverisë që propozimin e ri francez ta publikojë në ueb-faqen e Qeverisë.

Continue Reading

Aktuale