Connect with us

Lajme

Rasti “Zhvatja”, Xhaferi: Nëse vërtetohet përfshirja e PSP-së, do të ketë efekt domino

Published

on

Kryeparlamentari, Talat Xhaferi, thotë se janë institucionet përkatëse ato që duhet të thonë fjalën e fundit rreth përfshirjes së dyshuar në një rast marrje ryshfeti nëpërmjet zhvatjes të kryeprokurores speciale, Katica Janeva. Në një intervistë për “Zërin e Amerikës”, Xhaferi tha se në rast se vërtetohet përfshirja, efekti do të ishte domino, pasi do të krijonte problem për të gjitha çështjet që ka trajtuar Specialja. Por, megjithatë kërkon që të lihen institucionet të thonë njëherë fjalën e tyre.

“Efekti domino mund të ekzistojnë nëse verifikohet implikimi i personave të dyshuar në veçanti i prokurores, e cila nuk do mend se ka implikim, pasi atëherë do të ketë problem për gjithë punën e bërë, sado të jetë në nivel të duhur puna paraprake e PSP-së. Por, përfshirja apo implikimi i drejtpërdrejtë eventual i saj, do të linte një njollë të zezë në gjithë procedurën paraprake të udhëhequr nga kjo prokurori. Por, megjithatë them se duhen lënë institucionet përkatëse të bëjnë punën e të dilet me qëndrimin e prerë nëse ka apo jo implikim të prokurores në këtë rast”,-deklaroi kryetari i Kuvendit, Talat Xhaferi.

Ligji i PThP-së dhe fati i PSP-së, Xhaferi: Duhet shumë punë për të siguruar votat

Dyshimet ndaj Janevës në këtë rast kanë shtuar akuzat e opozitës ndaj qeverisë. Rasti i fundit nuk i ndihmon qetësimit të situatës. Megjithëse Xhaferi thotë se Kuvendi i ka dy të tretat e votave për reformën në drejtësi dhe pakon e ligjeve të sigurisë, fati i PSP-së për të cilin opozita nuk lëshon pe, do të jetë vendi ku, sipas tij, “do thyhen shigjetat” mes pushtetit dhe opozitës.

“Ndryshimi dhe plotësimi i ligjit përkatës është tanimë në debat mes subjekteve politike. Por, ka edhe propozim për plotësim të Ligjit për PTHP-në ku ndoshta si pasojë e rastit të fundit, do të duhet të bëhet edhe plotësimi dhe sanskionimi plotësues i normave të ligjit që është në procedurë, e në këtë drejtim do të duhet të punohet që të sigurohet shumica e nevojshme”,- theksoi kryetari i Kuvendit, Talat Xhaferi.

Xhaferi thotë se tashmë Kuvendit i duhet të futet në një procedurë të hartimit të Ligjit të ri për PSP-në që do të rregullonte, sipas tij, të gjitha aspektet që dolën në sipërfaqe me rastin e fundit.

 

BURIMI: Zëri i Amerikës

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale