Connect with us

Lajme

Sela kërkon Prokuror nga BE-ja në krye të Speciales

Published

on

Sot në Shkup, Aleanca për Shqiptarët (ASH) mbajti mbledhjen e Kryesisë Qendror, në lidhje me problemet që ndodhën me Prokurorinë Speciale dhe prokuroren Katica Janeva, njofton Portalb.mk.

Pas mbledhjes, për media u deklarua kryetari i ASH-së, Ziadin Sela, duke treguar rreth temave që u diskutuan në mbledhjen sot.

“Vlerësojmë që duhet patjetër të funksionojë një organ siç është Prokuroria Speciale brenda sistemit të gjyqësorit këtu në RMV. Kuptohet që aktorët që ishin në Prokurorinë Speciale, fatkeqësisht tani më kanë humbur kredibilitetin për të udhëhequr me këtë institucion”, deklaroi Sela.

Përkundër këtij problemi të madh që goditi Prokurorinë Speciale, Sela fton qytetarët që mos të dorëzohen.

“Në të njëjtën kohë ne i bëjmë apel qytetarëve, që të mos zhgënjehen por është momenti që të bëhet presioni i mjaftueshëm në lidhje me këto institucionet. Presion tu bëhet partive politike që të jetë një pikënisje e re, në mënyrë që përfundimisht të ndërtohet shteti i së drejtës. Ne duhet të gjejmë forcat të përkrahim një organ tërësisht të pavarur i cili do të ndajë drejtësinë dhe nuk do të bëjë reket nëpër njerëz të ndryshëm”, u shpreh Sela.

Një nga propozimet e Ziadin Selës ishte edhe reformimi i sistemit gjyqësor në RMV, në atë mënyrë që të krijohet hapësirë për prokurorët dhe ekspertët e huaj në vendin tonë, pavarësisht shpenzimeve të mëdha .

“Është e nevojshme dhe urgjente që në kuadër të sistemit gjyqësor në RMV të bëhen ndryshimet e nevojshme që në krye të Prokurorisë Special të vijnë prokuror  dhe ekspert nga vendet e Bashkimit Evropian. Këto ekspert do të kishin për qëllim që në RMV një herë e përgjithmonë të zbardhen plotësisht rastet e montuara politike: Sopoti, Monstra dhe Lagjja e trimave. Duhet një gjykim ndërkombëtar për rastet në fjalë. E drejta nuk duhet të ketë çmim. Një shtet që ska ligje që nuk funksionojnë, ligjin e bëjnë kriminelët dhe të korruptuarit”, deklaroi Sela.

Ai u ndal te rasti Sopoti dhe rastet tjera, duke vlerësuar se ky rast akoma nuk ka përfunduar.

“Vlerësojmë se ky rast nuk ka përfunduar vetëm me atë që janë tani jashtë burgut dhe janë dëmshpërblyer, përderisa gjithë ato segmente që kanë montuar këtë proces politik  nuk vendosen përpara përgjegjësisë. Vetëm në këtë formë do të marrim garanc se këto lloj procese të montuara politike nuk do të ndodhin më”, tha Sela para gazetarëve.

Continue Reading

Lajme

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Published

on

By

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve këtë në Maqedoninë e Veriut. Kështu tha kryetari i Aleancës për Shqiptarët, Ziadin Sela nga Tetova.

Sela tha se nuk do të mund gënjehet më tetovari dhe të gjithë shqiptarët me jetë dhe ambient jetësor kur 20 vite është punuar kundër jetës, kundër ambientit.

“Ke djegur kallamin ose tallat në liqenin e Strugës, ke prerë drurin në malësinë e Tetovës dhe në Kërçovë e gjetiu, e sot të dalësh dhe të thuash se ke plan për ambient jetësor, janë gjëra që nuk shkojnë njëra me tjetrën. Këto gjëra janë vetëm për të rikujtuar, se shqiptarët janë vetëdijesuar, janë ngritur në këmbë, Tetova është ngritur në këmbë, dhe ne do ta sjellim ndryshimin dhe fitoren”, tha Sela, duke shtuar se fitorja do të nis nga Struga dhe do të përfundojë në kryeqendër në Çair të Shkupit.

Sela u tha qytetarëve që e kanë humbur besimin te politika se edhe ata janë njësojë si ju.

“Por mos e humbini besimin tek politika, edhe ne e kemi humbur besimin te politika e keqe, mashtruese, manipulatore dhe shantazhuese që udhëhiqet nga BDI. Edhe ne jemi zhgënjyer nga ata, por nuk rrimë në shtëpi, ne dalim dhe e luftojmë këtë politik dhe u bëjmë thirrje dhe u zgjasim dorën hajdeni ta luftojmë bashkë këtë politik të keqe 20 vjeçare që na e ka vrarë shpresën”, deklaroi Sela.

Sela u bëri thirrje të gjithë qytetarët që të votojnë me ndërgjegje të pastër, për të dënuar edhe ato të cilët po i mbron qeveria dhe prokuroria për tragjedinë e ndodhur në Tetovë ku humbën jetën 14 qytetarë.

“Ngushëllim kanë nevojë ata njerëz, ata kanë nevojë të kenë njerëz pranë tyre që kujdesen dhe nuk i humbin aq lehtë kujtimin dhe ngushëllimin që duhen ta ketë dhe ngushëllimi dhe forma më e mirë do të ishte që më 17 tetor të dilni dhe të dënonin me votë, këta që i ruan shteti, sepse ndryshe bëheni bashkë fajtor me ata”, tha Sela.

Continue Reading

Lajme

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Published

on

By

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Afrim Gashi tha se është i bindur se Tetova ka vullnet për ndryshim dhe se ky ndryshim do të ndodhë më 17 tetor.

Gashi tha se fushata ka dy faza, e para me grumbullimin e votave dhe e dyta me mbrojtjen e votës.

“Sonte përfundon faza e grumbullimit të votave. Kemi bërë çmos këto 20 ditë që nga tubimi i parë në Shkup, kemi vizatuar gjitha komunat, kemi promovuar kandidatët më të mirë të mundshëm, kemi gjetur programet më të mirë, kemi gjetur zgjidhjet më të mira për komunat e tona që BDI i ka lënë 20 vite prapa. Sonte bie perdja, sonte fjalët e tona heshtin. Por sonte fillon një fazë shumë e rëndësishme, prej sonte fillon mekanizmi, të gjitha shtabet tona duhet të shndërrohen në fuqi që e mbrojnë votën”, tha Gashi duke shtuar se duhet konceptim për ruajtjen e votës.

“Mbrojta e votës nënkupton mbrojtje të vullnetit të shqiptarëve, andaj patjetër duhet ta mbrojmë. Kësaj here jam shumë i bindur se kemi marrë masat e duhura dhe do të dalim faqebardhë”, tha Gashi.

Continue Reading

Lajme

Vullnet Murseli: Nuk do të lejojmë që Tetova të vazhdojë të shkatërrohet

Published

on

By

Kandidati i opozitës shqiptare për komunën e Tetovës, Vullnet Murseli, nga tubimi qendror në Tetovë, tha se gjatë tre javëve të kaluara kanë vizituar çdo vendbanim, lagje dhe fshat në Tetovë.

“Njerëzit kanë nevojë për ndryshim edhe atë menjëherë, ne do ta sjellim atë ndryshim ngase tetovarët e meritojnë më të mirën. Kemi dëgjuar shumë halle, kemi parë shumë probleme, nuk mund të pranojmë që Tetova të vazhdojë të shkatërrohet”, tha Vullnet Murseli.

Ai tha se Tetovës do të ja kthejnë krenarinë, dinjitetin, do ta bëjën vendbanim për jetesë më të mirë.

“Ata kanë shpifur, na kanë sulmuar por ne kemi vazhduar të punojmë. Ne kemi ekipin më të mirë, programin më të mirë, e kemi përkrahjen e tetovarëve, të gjithë atyre që ja duan të mirën qytetit, pa marrë parasysh përkatësinë partiake dhe etnike”, shtoi më tej Murseli.

Ai tha se me fitoren e Tetovës do të fitohet e gjithë Maqedonia.

“Ju ka ardhur fundi dhe ata e dinë, prandaj bëjnë si të çmendur dhe dëshirojnë të përhapin frikë. Ne nuk kemi frikës e jemi në rrugën e krenarisë, në rrugën e fitores”, tha Murseli.

Continue Reading

Aktuale