Connect with us

Lajme

Pse nuk u arrestua Katica Janeva. A kishte urdhër-arrest për të?

Published

on

Prokuroria Publike Themelore dhe anëtarë të Ministrisë së Brendshme kishin urdhër për arrestimin e kryeprokurores speciale, Katica Janeva, këtë ka raportuar portali në gjuhën maqedonase MKD.mk, nga ky portal thonë se këto informacione janë siguruar nga burime jozyrtare, transmeton in7.

Gjithnjë sipas këtyre burimeve, gjatë kohës kur është bastisur shtëpitë e të pandehurve, Janeva ka arriti që t’i telefonojë një ish-përfaqësuesi diplomatik në Maqedoni, i cili ka qenë edhe pjesëmarrës në marrëveshjen e Përzhinosh. Përveç kësaj bisede telefonike, shkruan portali, Janeva është dëgjuar edhe me një përfaqësues të lartë të autoriteteve maqedonase.

Të pranishëm në këtë rast, pohojnë se Janeva është kërcënuar se disa prej regjistrimeve janë depozituar edhe jashtë vendit, shkruan MKD.mk, përcjell in7.

Dje, prokurorja speciale, Lence Ristovska në emër të të gjithë prokurorëve tha se rastet individuale nuk duhet të ndikojnë në imazhin dhe punën e përditshme të PSP-së. Janeva nuk ishte prezent në këtë konferencë shtypi. Prokurorja e rastit “zhvatja” Vilma Ruskoska ka thënë se në këtë rast është përfshirë, përveç të pandehurve, edhe një prokuror nga njëra nga prokuroritë në vend, por identiteti në këtë fazë të hetimit nuk është zbuluar.

Sipas informatave ende të pakonfirmuara, i gjithë rasti në të vërtetë i referohet zhvatjes së parave për reklama në 1TV nga biznesmenët maqedonas me kërcënime për bizneset ose jetën private të tyre, dhe se në PSP ata kanë regjistrime, kurse te këto incizime qasje kishte edhe Bojan Jovanovski-Boki 13, drejtori i 1TV i cili u ka premtuar se do t’i fshinte regjistrimet dhe akuzat e mundshme ndaj tyre me ndihmën e Katica Janeva. Thuhet se deri më tani rreth 5 milionë euro janë mbledhur nga biznesmenët e përfshirë në një numër rastesh në PSP, shkruan MKD.mk, përcjell in7.

Por njëri prej tyre e theu këtë skemë. Me ndihmën e shërbimeve speciale bullgare, ai regjistroi disa nga bisedat telefonike me Jovanovskin. Në këto regjistrime, paratë kërkohen hapur, dhe pastaj një pjesë e tyre edhe janë paguar. Këto regjistrime nga shërbimet e vendit fqinj i janë dorëzuar edhe Kryeministrit Zaev./in7.tv/

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale