Connect with us

Bota

Nënë e shtatë fëmijëve, ajo bëri histori edhe në vitin 2013: Kush është Ursula von der Leyen, presidentja e re e Komisionit Evropian?

Published

on

Anëtarët e Parlamentit Evropian të martën zgjodhën Ursula von der Leyen të Gjermanisë si presidente të Komisionit Evropian – duke e bërë gruan e parë që mban pozicionin më të lartë të BE-së.

Por siç shkruan euronews, kjo nuk është hera e parë që ajo ka bërë histori: në vitin 2013 ajo u bë ministrja e parë e Mbrojtjes së Gjermanisë, një pozicion që ajo e ka mbajtur që atëherë.

Siç ishte raportuar, Von der Leyen, kandidate e Partisë Popullore Europiane të qendrës së djathtë dhe një aleate e ngushtë e Kancelares Angela Merkel, do të jetë gjermanja e parë që do të udhëheqë bllokun në më shumë se gjysmë shekulli, që kur Walter Hallstein shërbeu nga viti 1958 deri më 1967.

Von der Leyen fitoi 383 vota në një votim të fshehtë, pak më shumë se shumica prej 374, që kërkohej për tu zgjedhur.

Ajo thuhet se kishte mbështetjen e deklaruar të tre grupeve kryesore, pro-BE-së. Ndërsa Grupi i të Gjelbërve, si dhe grupet e krahut të djathtë dhe të krahut të majtë, kishin njoftuar më parë synimin e tyre për të votuar kundër saj.

Pavarësisht nga rezultati në Bruksel, ajo ishte paralajmëruar se të mërkurën do të tërhiqet nga posti i ministres se mbrojtjes së Gjermanisë.

Me premtime të reja për temat si mbrojtja e klimës dhe të drejtat parlamentare Ursula von der Leyen kërkoi mbështetje për zgjedhjen si presidente e Komisionit të BE-së.

Duke iu referuar kërkesave të socialdemokratëve, politikania e CDU-së premtoi se dëshiron të arrijë vendosjen e kritereve ligjore për pagën minimale në mbarë BE-në, dhe të avancojë luftën kundër papunësisë tek të rinjtë.

Lidhur me politikën e refugjatëve, diplomatja gjermane shpreson tek një mekanizëm i ri për ndarjen e barrës mes vendeve anëtare.

Ndërsa lidhur me Brexit, Von der Leyen përsëriti qëndrimin që ajo shprehu të hënën, duke thënë se a do të mbështeste zgjatjen e mëtejshme të negociatave.

Por kush është shefja e re e Komisionit Evropian?

Tanimë 60-vjeçarja, e lindur në Bruksel, ka qenë një aleat i ngushtë i Angela Merkel për disa vjet dhe një herë ishte menduar se do të ishte pasardhësja e kancelares gjermane.

Megjithëse hyri në politikë më vonë në jetë, von der Leyen nuk kishte pak njohuri për politikën.

Babai i saj, Ernst Albrecht, ishte ministër-presidenti i Saksonisë së Ulët dhe ish-drejtori i përgjithshëm i Komisionit Evropian, mes posteve të tjera.

Në moshën 13-vjeçare, von der Leyen u shpërngul nga Brukseli në Gjermani me familjen e saj.

Ajo vazhdoi të studionte ekonominë në Shkollën Ekonomike të Londrës dhe më vonë mjekësinë me një specializim në Gjinekologji në Hanover, përcjell Telegrafi.

Gruaja që si gjuhë amtare flet gjuhën franceze dhe atë gjermane ka shtatë fëmijë – relativisht gjë e rrallë në Gjermani, ku lindshmëria mesatare është 1.59 fëmijë për grua.

Von der Leyen hyri në politikë në moshën 43 vjeçare dhe ka qenë anëtare e partisë konservatore të Kristian Demokratëve të Merkel (CDU) që prej asaj kohe.

Ajo mbajti pozicione të ndryshme politike brenda rajonit të Hanoverit midis viteve 2001 dhe 2004, më pas u zgjodh në parlamentin e shtetit të Saksonisë së Ulët në vitin 2003, përpara se të bëhej anëtare e kabinetit si ministre për çështjet sociale, gratë, çështjet e familjes dhe shëndetin.

Von der Leyen u katapultua në peizazhin politik gjerman në vitin 2005, kur Merkel emëroi ministren e saj federale për çështjet e familjes, të moshuarit, gratë dhe të rinjtë. Katër vjet më vonë, ajo u zgjodh në Bundestag. Ajo ishte ministre federale e punës dhe çështjeve sociale deri në vitin 2013.

Megjithatë, gjatë karrierës së saj, ajo u përball edhe me situata jo të lehta.

Qëndrimi i saj si ministre e Mbrojtjes thuhet se e pa departamentin e saj të mbrojtjes të jetë akuzuar për dhënien e kontratave të dyshimta private lidhur me punësimin e dy firmave konsulente, McKinsey dhe Accenture.

Ajo më vonë tha se janë bërë disa gabime në ndarjen e kontratave dhe se ajo do të përpiqet ta parandalojë atë që të ndodhë përsëri përmes një sërë masash të reja.

Gjithashtu, edhe në vitin 2015, ajo u akuzua – dhe më vonë u pastrua – nga akuzat për plagjiaturë në tezën e doktoraturës.

 

BURIMI: Telegrafi

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Bota

Është zgjidhur misteri i deleve që bënin rrethin në Kinë!

Published

on

By

Është zgjidhur misteri i deleve që bënin rrethin në Kinë!

Javën e kaluar, një video e deleve në Kinë duke lëvizur në rrathë për 12 ditë u bë virale në mediat sociale

Pronari i fermës tha në atë kohë se nuk mund ta kuptonte pse kjo sjellje ishte zhvilluar tek delet dhe pasi videoja origjinale u publikua nga kanali shtetëror kinez People’s Daily, ai tha se delet ishin të shëndetshme.

Menjëherë pas publikimit të videos, u zhvilluan teori konspirative që shkuan aq larg sa flisnin për shenja që tregonin “fundin e botës”.

Sipas shkencëtarëve, megjithatë, shpjegimi për sjelljen e deleve ka shkaqe krejtësisht natyrale dhe sigurisht që nuk lidhet me sëmundjen listeriozë, e cila mund të shkaktojë çorientim te kafshët, pasi të gjitha kafshët e prekura prej saj ngordhin brenda 48 orëve.

“Duket se këto dele janë mbajtur në një vend për një kohë të gjatë dhe kjo mund të ketë bërë që ato të sillen në mënyrë të çuditshme, pra të qarkullojnë për shkak të stresit të shkaktuar nga burgimi i tyre i gjatë”, tha profesori Matt Bell nga Departamenti i Bujqësisë i Universitetit. në Gloucester.

“Sapo filluan disa dele, pastaj u bashkuan të tjerat sepse janë kafshë tufe dhe duan të jenë me “miqtë” e tyre”, shtoi profesori britanik.

Continue Reading

Bota

Makina futet brenda një dyqani në SHBA, 1 viktimë dhe 19 të plagosur

Published

on

By

Makina futet brenda një dyqani në SHBA, 1 viktimë dhe 19 të plagosur

Një makinë ka përfunduar brenda një dyqani “Apple” në SHBA, duke i marrë jetën një personi dhe duke plagosur 19 të tjerë. Aksidenti i rëndë ndodhi në orët e para të mëngjesit, ndërsa autori dyshohet se ka humbur kontrollin e mjetit

“Një SUV me ngjyrë të errët kaloi me një shpejtësi marramendëse dhe goditi shumë njerëz”, tha prokurori i qarkut, ndërsa drejtuesi është ende i paidentifikuar.

Njësitë reaguese gjetën “shumë pacientë të plagosur para dyqanit dhe brenda në dyqan, ndërsa disa të tjerë ishin ngjitur pas murit nga automjeti”, tha shefi i zjarrfikësve gjatë një konference shtypi të hënën.

Apple lëshoi ​​një deklaratë duke thënë se “zemrat tona janë me anëtarët e ekipit dhe klientët tanë që u plagosën dhe të gjithë ata që u prekën nga ky incident i tmerrshëm”.

Dyqani Apple ndodhet në këndin e pasmë të dyqaneve luksoze Derby Street. Hyrja e dyqanit përballet me një parking të madh ku qindra vizitorë ecin çdo ditë.

Zona e blerjeve është veçanërisht e ngarkuar gjatë sezonit të festave, me dyqanin Apple dhe restorantet dhe dyqanet përreth që mbledhin turma të mëdha këtë kohë të vitit.

Continue Reading

Aktuale