Connect with us

Bota

Raportet e sigurisë tregojnë se si Assange ka ndërhyrë në zgjedhje në SHBA

Published

on

Dokumente të reja të marra ekskluzivisht nga CNN, zbulojnë se themeluesi i WikiLeaks, Zhulian Asanzh ka marrë disa dërgesa, ku me gjasë ndodheshin materialet e vjedhura që u përdorën në zgjedhjet presidenciale të vitit 2016 në SHBA, gjatë një sërë takimesh të dyshimta në ambasadën e Ekuadorit në Londër.

Dokumentet bazohen në dyshimin e ngritur nga prokurori special Robert Myler në raportin e tij mbi ndërhyrjen ruse, se korrierët ia sollën Asanzhit në ambasadë, dosjet me materialet e vjedhura në rrugë kinerbetike.

Raportet e mbikqyrjes, përshkruajnë gjithashtu se si Asanzh e shndërroi ambasadën ekuadoriane në një qendër komande, prej nga ku orkestroi një seri zbulimesh të dëmshme që tronditën fushatën presidenciale të vitit 2016 në Shtetet e Bashkuara.

Pavarësisht se ishte i ngujuar në ambasadë, në pritje të një udhëtimi të sigurtë për në Ekuador, Asanzh është takuar shpesh dhe për orë të tëra me rusët dhe hakerat të nivelit botëror. Ai u pajis gjithashtu me një softuer të fuqishëm të ri kompjuterik, për të lehtësuar transferimet e të dhënave, vetëm disa javë para se WikiLeaks të merrte materiale të vjedhura nga hakerat rusë.

Këto detaje të rëndësishme, vijnë nga qindra raporte mbikqyrëse të përpiluara për qeverinë ekuadoriane nga “UC Global”, një kompani spanjolle private e sigurisë, dhe të cilat i zotëron tashmë edhe CNN. Këto raporte përshkruajnë lëvizjet e Asanzh, dhe ofrojnë detaje të panjohura mbi jetën e tij në ambasadë.

Ato i shtojnë ndërkohë një dimension të ri raportit të Myler, dhe tregojnë se si ËikiLeaks i ndihmoi rusët që të dëmtojnë zgjedhjet presidenciale në SHBA. Një zyrtar i shërbimit të inteligjencës ekuadoriane, i tha CNN se raportet e mbikqyrjes janë orgjinale.

Sipas tyre, Asanzh arriti të publikojë personalisht disa nga e-mailet e serverit të Komitetit Demokratik Amerikan “direkt nga ambasada”, ku ai jetoi për gati 7 vjet. Pas zgjedhjeve presidenciale në SHBA, kompania private e sigurisë përgatiti një vlerësim të kontakteve të Asanzh.

Raporti arriti në përfundimin, se nuk ka “asnjë dyshim se ekzistojnë prova”, sipas të cilave Asanzh ka pasur lidhje me agjencitë ruse të inteligjencës. “UC Global” nuk iu përgjigj kërkesave për të komentuar këto raporte. Asanzh, një shtetas australian, e ka mohuar gjithmonë akuzën se po punon për llogari të Kremlinit, duke këmbëngulur se burimi i informacioneve sekrete që publikon “nuk është as qeveria ruse, dhe as ndonjë palë shtetërore”.

Ai deklaroi se do të kishte publikuar informacione të dëmshme edhe për kandidatin e atëhershëm, Donald Trump, nëse do të kishte pasur në dispozicion të tilla. SHBA-ja ka ngritur disa akuza penale kundër Asanzh më herët gjatë këtij viti për rolin e tij në rrjedhjet e vitit 2010 të kabllove të fshehta diplomatike, të cilat WikiLeaks i mori nga analisti i zbulimit të ushtrisë amerikane, Çelsi Mening.

Policia britanike, e nxorri me forcë Asanzhin nga ambasada e Ekuadorit në prill të këtij viti, duke e arrestuar. Ai po vuan tashmë një dënim 1-vjeçar me burg, ndërsa po përpiqet të shmangë ekstradimin në SHBA. Vetë WikiLeaks refuzoi të komentojë mbi këto raporte, po ashtu edhe avokatët e Asanzh. Vendimi për t’i ofruar Asanzhit azil në ambasadë, u morr nga presidenti i atëhershëm ekuadorian Rafael Korrea, që pretendoi se po e e mbronte nga “persekutimi politik”.

Por azili i shërbeu për dy qëllime më të mëdha:Ai e rriti statusin e Ekuadorit në skenën botërore, dhe po kështu rriti edhe kredencialet e Korreas si një kundërshtarët kryesorë të SHBA-së në Amerikën Latine. Fillimisht diplomatët shpresonin ta dërgonin me shpejtësi Asanzhin në Ekuador. Por ky plan u bllokua, për shkak se Britania refuzoi të lejonte një kalim të sigurt të Asanzhit jashtë ambasadës.

Megjithëse qëndronte i mbyllur në disa dhoma brenda ambasadës, Asanzh ishte në gjendje të ushtronte një ndikim të madh. Që në fillim ai kërkoi dhe iu dha lidhja me internet me një shpejtësi të lartë, shërbim telefonik dhe qasje të rregullt tek miqtë e tij personalë.

Kjo marrëveshje, i dha mundësinë të mbante aktive faqen e WikiLeaks, thonë dokumentet. Asanzh përpiloi vetë ​​një listë të veçantë me emra njerëzish, që duheshin lejuar të hynin në ambasadë pa ndonjë mjet identifikimi, apo pa u kontrolluar nga siguria.

Ai u lejua madje që të fshinte emrat që donte nga blloku i shënimit të vizitorëve. Po sipas raporteve të sigurisë, për të shmangur kamerat, Asanzh i takonte në disa raste të ftuarit edhe brenda banjos së grave. Gjatë gjithë qëndrimit të Asanzh në ambasadë, Ekuadori punoi 3 kompani të sigurimit, për të kryer mbikëqyrje të vazhdueshme. Vetë Asanzh instaloi pajisjet e tij të regjistrimit, dhe përdori pajisje zhurmuese për të penguar përgjimin nga distanca.

CNN kontaktoi me 4 ambasadorët ekuadorianë, që kanë shërbyer gjatë qëndrimit të Asanzh në ambasadë. Vetëm njëri prej tyre prantoi të flasë, duke thënë se qeveria ekuadoriane nuk kishte ushtruar kurrë presion ndaj tij, për t’i garantuar ndonjë trajtim të posaçëm Asanzh, dhe se ai vetë i kishte vendosur Asanzhit disa rregulla strikte që ky i fundit duhej t’i ndiqte./përktheu dhe përshtati in7.tv/

BURIMI: CNNhttps://edition.cnn.com/2019/07/15/politics/assange-embassy-exclusive-documents/index.html

Continue Reading

Bota

Tym e zjarr në kampin ku ndodhen ushtarët shqiptarë, NATO gati kundër rusëve

Published

on

Forcat e NATO-s në Kamp Adazi të Letonisë kanë kryer stërvitjen e radhës me artileri të rëndë gjatë ditëve të fundit si një kundërpërgjigje ndaj kërcënimeve ruse ndaj aleancës dhe vendeve Balltike.

Stërvitja “Shigjeta e Hekurt” u zhvillua nga forcat e artilerisë së vendeve të NATO-s që gjenden prej disa vitesh pranë Rigas në Letoni, ku janë pozicionuar edhe ushtarët shqiptarë.

Këta të fundit shërbejnë si njësi e demontimit të minave. Në këtë mision humbën jetën dy vite më parë edhe dy ushtarakët shqiptarë Zarife Hasanaj dhe Klodian Tanushi.

NATO ka shtuar ndjeshëm prezencën e saj në vendet balltike pas kërcënimeve ruse, ndërkohë që sëfundmi pritet t’i bashkohen aleancës edhe Finlanda me Suedinë. /abcnews.al

Continue Reading

Bota

Lajmi i fundit / Marrëveshje midis Rusisë dhe Ukrainës

Published

on

Ushtria ruse urdhëroi një armëpushim në zonën e fabrikës së çelikut Azovstal dhe hapi një korridor humanitar, njoftoi sot Ministria e Mbrojtjes e Rusisë, transmeton Demokracia.com.

Është arritur një marrëveshje me përfaqësuesit e palës ukrainase për evakuimin e ushtarëve të plagosur në institucionet shëndetësore, transmeton RIA Novosti.

“Më 16 maj, si rezultat i negociatave me përfaqësuesit e personelit ushtarak ukrainas të bllokuar në territorin e uzinës metalurgjike Azovstal në Mariupol, u arrit një marrëveshje për evakuimin e të plagosurve”, tha ministria ruse në një deklaratë.

Të plagosurit u transferuan në një spital në Novoazovsk në territorin e Republikës së vetëshpallur Popullore të Donetsk (DNR). /Demokracia.com/

Continue Reading

Bota

Nuk ka durim në BE: Serbia duhet t’ia vendosë sanksionet Rusisë

Published

on

By

Nuk ka durim në BE: Serbia duhet t’ia vendosë sanksionet Rusisë

Dy mesazhe të pakëndshme ka marrë presidenti serb, Aleksandër Vuçiq në Bruksel nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell. E para ishte një mesazh i qartë se BE-ja pret që të gjitha vendet e rajonit të mbështesin sanksionet kundër Rusisë dhe e dyta ishte njoftimi i ministres së Punëve të Jashtme të Kosovës, Donika Gërvalla-Schwartz se vendi do të paraqiste kërkesë formale për anëtarësim në Këshillin e Evropës.

Siç e kishte pranuar edhe vetë Vuçiq, këto dy tema janë aq të vështira për Serbinë, saqë ai kishte thirrur një mbledhje urgjente të Këshillit të Sigurisë Kombëtare.

Deri më tani, Serbia ka arritur disi t’i rezistojë presionit për të vendosur sanksione ndaj Rusisë, siç kanë bërë të gjitha vendet e tjera.

Siç shkruan mediumi kroat Jutarni List, edhe pse disa përfaqësues të institucioneve të BE-së janë përpjekur të relativizojnë pikëpamjet e Serbisë dhe të tregojnë mirëkuptim, shumë shtete anëtare janë të indinjuara nga pikëpamjet e Beogradit dhe po kërkojnë qartë që Serbia të vendosë përfundimisht në cilën anë dëshiron të jetë.

Pakoja e gjashtë e sanksioneve ekonomike kundër Rusisë

Borrell ka falënderuar dje të gjitha vendet e Ballkanit Perëndimor që kanë mbështetur BE-në në qëndrimet e tyre në lidhje me Rusinë. Përveç Serbisë, të gjitha vendet në rajon mbështetën sanksionet kundër Rusisë.

Serbia kishte votuar në OKB për përjashtimin e Rusisë nga Këshilli i të Drejtave të Njeriut. Megjithatë, për BE-në kjo nuk mjafton dhe se ata po kërkojnë nga Serbia të mbështesë sanksionet dhe sigurisht të mos lejojë që ato të anashkalohen.

Në fjalimet e tij, Vuçiq u përpoq t’i shpjegojë publikut problemet me të cilat po përballet Serbia, aq më tepër që edhe nëse nuk vendos sanksione ndaj Rusisë, ajo mund të marrë naftë dhe gaz vetëm përmes vendeve të Bashkimit Evropian, kryesisht Kroacisë.

Sa i përket Kosovës, presidenti serb beson se me aplikimin për anëtarësim në Këshillin e Evropës, Kosova ka shkelur obligime të ndryshme, përfshirë Marrëveshjen e Uashingtonit.

Në anën tjetër, Kosova beson se angazhimi ka qenë për një moratorium njëvjeçar dhe kërkesa për anëtarësim në Këshillin e Evropës, e më pas në Partneritetin për Paqe në NATO, ku me këto pritet të forcohet subjektiviteti juridik ndërkombëtar i shtetit.

Këshilli i Evropës ka konfirmuar se ka pranuar aplikacionin zyrtar të Kosovës për anëtarësim.

Continue Reading

Aktuale