Connect with us

Maqedonia e Veriut

Zaev kritikohet për marrjen e drejtimit të Ministrisë së Financave nga ekonomistët

Published

on

Ekspertët e ekonomisë thonë se drejtimi i Ministrisë së Financave nga ana e kryeministrit të Maqedonisë së Veriut, Zoran Zaev, mund të përshpejtojë shpërndarjen e mjeteve financiare, e cila sipas tyre, do t’i jepte shtytje dinamikës së realizimit të projekteve kapitale, të cilat janë vendosur si prioritet nga Qeveria. Megjithatë, ekspertët shtojnë se drejtimi i Ministrisë së Financave nga Zaevi është “thikë me dy tehe”, sepse kjo, sipas tyre, ndikon edhe në disiplinën rreth menaxhimit të parave nga arka e shtetit.

Realizimi i ulët i investime kapitale nga buxheti, ishte një ndër arsyet kryesore që e shtyn kryeministrin Zaev të marrë udhëheqjen e Ministrisë së Financave.

Ndërkaq, njohësi i çështjeve ekonomike, Visar Ademi thotë për Radion Evropa e Lirë se marrja e drejtimit të Ministrisë së Financave nga kryeministri Zaev, do të thotë vendosje e kontrollit absolut në buxhetin e shtetit nga ana e tij.

“Si synon të ketë vendime të pakushtëzuar se si shpenzohen paratë publike dhe e dyta të ketë shpejtësi në ndarjen e financave publike përmes ndarjes së tenderëve të caktuar, të cilët do të ishin të proceduara nga Qeveria”, thotë Ademi.

Ademi thotë se drejtimi i Ministrisë së Financave nga kryeministri maqedonas, prish edhe bilancin e kontrollit për shpenzimin e mjeteve publike.

“Nuk ka një person tjetër që është në krye të financave dhe një person tjetër që menaxhon pjesën operative të Qeverisë. Tani, zoti Zaev kryeministër dhe zoti Zaev ministër i Financave është një dhe kjo tregon se ka indikacione se Zaev kërkon të ketë kontroll edhe mbi politikën, por edhe mbi financat në Maqedoninë e Veriut, që është indikativë se mund të ketë këtu korrupsion nga ana e Qeverisë”.

“Kësi lloj kontrolli nuk ka pasur as ish-kryeministri Nikolla Gruevski, i cili ka drejtuar Qeverinë më shumë se dhjetë vjet dhe habitem se pse i duhet Zaevit ky lloj kontrolli në arkën e shtetit përmes drejtimit të Ministrisë së Financave”, thotë Ademi.

Maqedonia e Veriut gjatë vitit të ardhshëm futet në zgjedhje dhe ky vit është vendimtar për rimëkëmbjen e ekonomisë, premtim të cilin, Zaev e kishte dhënë gjatë fushatës zgjedhore. Por, ekonomistët nuk besojnë se mund të ketë ndonjë përmirësim të dukshëm në ekonominë e vendit.

“Politika nuk ka ndryshuar. Nuk janë ndryshuar as rregullat, normat, prandaj besoj se nuk do të ndryshojë asgjë”, thotë profesori Shukarov.

Ndërkohë, Komisioni shtetëror Kundër Korrupsionit ka theksuar se kryeministri Zaev duhet të emërojë një ministër të ri të Financave sa më shpejt që të jetë e mundur.

Lidhur me marrjen e drejtimit të dikasterit të financave nga Zaev kanë reaguar edhe organizatat joqeveritare, në mesin e tyre edhe fondacioni “Shoqëri e Hapur”, Transparency International, Euro Thing, e shumë organizata të tjera. OJQ-të kanë theksuar se koncentrimi i pushtetit në një individ nuk është i shëndetshëm për demokracinë, duke nënvizuar se kontrolli dhe përgjegjësia duhet të shpërndahen në shumë faktorë, me qëllim që të mund të monitorojnë punën e njëri-tjetrit.

https:/www.botasot.info/maqedonia/1124030/zaev-kritikohet-nga-ekonomistet-per-marrjen-e-drejtimit-te-ministrise-se-financave/

Continue Reading

Lajme

Edhe në Gostivar problem me votimin biometrik

Published

on

Procesi zgjedhor në Zgjedhjet e sotme lokale në Gostivar filloi pa probleme. Më shumë se gjysma e aparateve të cilat i lexojnë shenjat nga gishti nuk kanë mundur të aktivizohen, informojnë nga KKZ Gostivar.

Për shkak të problemeve të paraqitura do të mbahet takim që të konfirmohet si do të zhvillohet votimi më tej. Atje ku nuk punojnë aparatet, procesi zhvillohet sipas udhëzimeve të KSHZ-së në të gjitha 121 vendvotimet. Në listën për votim janë të regjistruar 80.050 persona.

Nga KKZ Mavrovë Rostushë të gjitha 39 vendvotimet janë hapur në afatin e paraparë. Në listën zgjedhore ka 10.144 persona me të drejtë vote.

Nga KKZ Vrapçisht informojnë se të gjitha 39 vendvotimet janë hapur në kohë dhe vështirësitë të cilat janë paraqitur kanë tejkaluar, ndërsa procesi i votimit zhvillohet sipas parashikimeve. Në këtë komunë për votim janë regjistruar 26.383 qytetarë.

Continue Reading

Lajme

Deri në ora 09:30, jehona e votuesve në Tetovë është 3,4 për qind

Published

on

Autoritetet e Komisioni Shtetërorë Zgjedhorë në Tetovë njoftojnë se deri në ora 9:30, jehona e votuesve në zgjedhjet lokale është 3,4 për qind.

“Deri në ora 9:30, sa kemi mundur të mbledhim informacione pasi Komisioni Komunal i Tetovës përfshin 117 vendvotime, dhe duhet të bimë në kontakt me kryetarët. Deri në ora 9:30 kemi dalje prej 3,4 për qind në nivel të komunës së Tetovës”, Nazim Dauti nga KSHZ Tetovë.

Continue Reading

Lajme

Linjë e hapur tek Avokati i popullit për shkeljen e të drejtës së votës 0800-54321

Published

on

Qytetarët në rrethin e parë të Zgjedhjeve lokale sot mund të raportojnë çdo shkelje të të drejtës së votës në linjën telefonike falas 0800-54321, e cila do të funksionojë nga ora 07:00 deri në orën 19:00 në zyrën e Avokatit të popullit. Nga Avokati i popullit, gjithashtu informon se të hapur për qytetarët do të jenë të gjitha shtatë zyrat e Avokatit të Popullit në: Shkup, Manastir, Kërçovë, Kumanovë, Strumicë, Tetovë dhe Shtip, në mënyrë që t’i ndihmojnë ata në realizimin dhe mbrojtjen e të drejtave të tyre të votës.

Përveç linjës falas, qytetarët do të mund të telefonojnë në numrat e mëposhtëm të telefonit për mbrojtjen e të drejtave të tyre: Tetovë: 044 344- 082, Strumicë: 034 329- 996, Kërçovë: 045 228-586, Manastir: 047 242-310 , Shtip: 032 389-701 dhe Kumanovë: 031 431-488.

Nga Zyra e Avokatit të Popullit gjithashtu theksojnë se e drejta e votës është e garantuar në mënyrë kushtetuese si e barabartë, e përgjithshme dhe e drejtpërdrejtë dhe ushtrohet në zgjedhje të lira me votim të fshehtë dhe se askush nuk duhet të mbajë përgjegjësi për ushtrimin e kësaj të drejte, prandaj shkelja aksidentale e lirisë zgjedhja e zgjedhësve si dhe shkeljet e tjera të së drejtës për të votuar janë vepra penale të dënueshme dhe apelon tek të gjithë aktorët në procesin zgjedhor që të respektojnë protokollet shëndetësore të përcaktuara për mënyrën e votimit.

Continue Reading

Aktuale