Connect with us

Bota

Nëse ka një ’emigrant’ që s’është integruar në SHBA, ai mund të jetë vetëm Trump

Published

on

Nga Richard Wolffe “The Guardian”

Pse Donald Trump e urren kaq shumë Amerikën? Çfarë e bën këtë gjermano-amerikan të mendojë, se mund t’u tregojë qytetarëve të lindur në SHBA, se çfarë duhet të thonë dhe se si të sillen?

“Sa interesante është të shohësh kongresmenet “progresiste” demokrate, të cilët erdhën dikur nga vende, qeveritë e të cilëve janë një katastrofë e vërtetë, më të korruptuarat dhe e paaftat në botë (nëse e kanë një qeveri funksionale), që tani u thonë me zë të lartë dhe të vrazhdë qytetarëve të Shteteve të Bashkuara, kombit më të madh dhe më të fuqishëm në tokë, se si po drejtohet qeveria jonë”- shkroi Trump në profilin e tij në Twitter.

Duket sikur Trump sapo kishte vënë në dukje një fenomen të ri në Kongres, duke i sugjeruar qeverisë së tij si të sillet me të. Le të shpresojmë që ai nuk ka informacione për Tea Party. Në fakt është e vërtetë, që një nga gratë “progresiste”, që i referohet Trump, është një qytetare amerikane që ka lindur në Somali.

Gazetari Taker Karlson i Fox News, ka bërë më herët të njëjtën kritikë ndaj kongresmenes, e cila ka guxuar të jetë kritike ndaj administrates Trump. Por 3 kongresmenet e tjera kanë lindur në këtë vend, ku fatkeqësisht qeveria është realisht “një katastrofë”. Trump është i saktë kur thotë se qeveria e tyre është “më e keqja, më e korruptuara dhe e paafta në botë”.

Sepse ajo është qeveria e tij, dhe nuk po funksionon fare. Të gjithë në Uashington – veçanërisht ambasadori i gratë britanik – e kanë thënë këtë prej kohësh. “Pse të mos rikthehen në vendet e tyre, dhe të ndihmojnë në ndërtimin e vendeve të tyre kaotike. Pastaj të vijnë sërish në SHBA, dhe

na thoni se çfarë arritën të bëjnë”- vijoi Trump në postimin e të dielës, me sa duket duke folur për 3 kongresmene amerikane, që kanë lindur në Bronks, Detroit dhe Sinsinati. Ky është problemi me familjet e emigrantëve si Trump. Ata nuk kanë respekt për traditat tona, dhe përfaqësuesit tanë të zgjedhur. Ata e urrejnë aq shumë lirinë tonë, sa që duan të na rikthejnë në një lloj diktaturë europiane, siç kanë qenë dikur në vendin e tyre.

Të premten, Trump këmbënguli se ai ishte i imunizuar ndaj të gjitha akuzave në lidhje me lidhen me Rusinë, pasi prokurori special Robert Myle tha se ai kishte thyer ligjin. “Hidhni një sy Nenit 2”- tha Trump, duke shpjeguar se si nuk kishte asnjë mënyrë, që ai të mund të akuzohej për pengimin e drejtësisë. “Askush nuk e përmend asnjëherë Nenin 2. Ai më jep të gjitha këto të drejta, në një nivel që askush nuk i ka pasur më parë”- theksoi ai.

Është e vërtetë se Neni 2 flet për presidentin dhe kompetencat e tij. Por edhe për për një gjë të bezdisshme, që quhet fajësim (impeachment). Por çfarë mund të presësh nga këta të sapoardhur, me gratë emigrante të quajtur Melania, dhe me fëmijë me emra të huaj si Ivanka?

Gjithë sa u duhet është të takojne vazhdimisht udhëheqësit e huaj më të njohur në botë, në vend se të kontaktojnë me anëtarët amerikane të Kongresit. Jepini atyre hapësirën e duhur, dhe ata do të na heqin edhe të drejtat që na garantohen aktualisht nga Amendamenti i Parë.

“Për mua, liria e fjalës është kur sheh diçka të mirë, dhe pastaj shkruan qëllimisht keq për të”- u tha Trump një grupi drejtuesish të disa mediave shoqërore me prirje të djathta, që vizituan Shtëpinë e Bardhë javën e kaluar. Trump flet qëllimisht keq, ashtu si emigrantët.

Ai mendon gjithashtu se fjala e lirë është një fjalë e lumtur, dhe një fjala e keqe është një fjalë e zemëruar. Kjo e përmbledh saktë qëndrimin e tij ndaj 4 anëtareve demokratë të Kongresit, të cilat qëlluan të jenë gra me ngjyrë, duke ushtruar për herë të parë të drejtat e tyre si ligjvënëse.

Ai pra është i lumtur, ato të zemëruara. Disa njerëz thonë se racizmi i Trump po bëhet gjithnjë e më i dukshëm dhe i padurueshëm, teksa po afrohen presidencialet e vitit 2020. Po ata e kanë harruar se si Trump e ndërtoi fushatën e tij të vitit 2016, mbi racizmin kundër presidentit Obama, meksikanëve dhe emigrantëve në përgjithësi.

Këta njerëz kanë harruar edhe paaftësinë dhe indiferencën e Trump, ndaj banorëve të Porto Rikos të prekur nga Uragani Maria. Dhe ata e harrojnë politikën e tij ndëshkimore ndaj familjeve, dhe veçanërisht fëmijëve të vegjël emigrantë në kufirin jugor të vendit gjatë 2 viteve të fundit.

Ata nuk mbajnë mend komplimentet e tij për neonazistët në Sharlotsvil, që dëshironin çlirimin e vendit nga hebrenjtë, ose komentet e tij raciste kundër emigrantëve që vijnë nga vendet që ai i cilësoi “të qelbura”.

E vetmja pjesë e Trump që po bëhet më e dukshme, është mosrespekti i tij ndaj shtetit që po udhëheq. Natyrisht, sulmet e të dielës, synonin të mbanin nën fre demokratët, dhe të fusnin përçarje midis kryetares së Kongresit Nensi Pelosi dhe 4 kongresmeneve progresiste, përfshirë Aleksandra Okazio-Kortez, që kritikoi qasjen e Pelozit.

Por në vend të përçarjes së demokratëve, Trump ka bërë atë që mund ta bëjë vetëm ai:të bashkojë opozitën, në neverinë që ajo ndan për presidentin. Tani të gjithë demokratët janë bashkë në denoncimin e një njeriu të papërgjegjshem, që pretendon të jetë komandant i përgjithshëm i ushtrisë amerikane.

Para janarit të vitit 2017, presidentët dhe kryeministrat në mbarë botën i vlerësonin emigrantët dhe diversitetin që ata sillnin, si një nga pikat e forta të vendeve të tyre. Tani udhëheqësit tanë, pretendojnë se familjet e tyre nuk kanë të bëjnë fare me emigrantët. Së shpejti do të duhet të shohim një president gjermano-amerikan, që takohet me një kryeministër të ri britanik, që ka lindur në Nju Jork, që ka origjinë turke dhe ruse, dhe që në fakt quhet Boris.

Me të gjithë këta emigrantë përreth, ju mund të pyeni me të drejtë pse nuk mund të gjejmë dot asnjë nacionalist të vërtetë të bardhë, që të luajë më kartën e racizmit. Të gjithë këta të huaj, kanë shkuar shumë larg në racizmin dhe urrejtjen e tyre. Ata duhet të rikthehen në vendin nga kanë ardhur.

Continue Reading

Bota

Franca në OKB kërkon vazhdimin e dialogut Kosovë – Serbi

Published

on

By

Franca në OKB kërkon vazhdimin e dialogut Kosovë – Serbi

Përfaqësuesja e Francës në Këshillin e Sigurimit në Kombet e Bashkuara ka kërkuar nga Prishtina dhe Beogradi që të vazhdojnë dialogun si të vetmen alternativë për zgjidhjen e kontesteve mes tyre.

Në fjalën e saj, ajo ka thënë se tensionet në veri të Kosovës përkujtojnë se është e nevojshme që të mbyllen kontestet midis Kosovës dhe Serbisë, shkruan lajmi.net.

Ajo më tutje ka thënë se marrëveshja finale duhet të jetë gjithëpërfshirëse dhe se marrëveshjet e arritura nga viti 2011 kanë krijuar përparësi të dukshme tek popullata në të dy palët.

“Zgjidhja e kontesteve mes Beogradit dhe Prishtinës është çështje e sigurisë evropiane. Tensionet e fundit në veri të Kosovës janë përkujtuese për këtë, në këtë aspekt ne mirëpresim marrëveshjet e bëra në Bruksel më 30 shtator me lehtësimin e Përfaqësuesit Special të BE-së Mirosllav Lajçak. Ne kërkojmë nga të dyja palët që të arrijnë deri te një zgjidhje afatgjate për këtë çështje. Kjo krizë është ilustrim i mëtutjeshëm i faktit se nuk ka alternativë tjetër ndaj dialogut, qoftë për Kosovën dhe qoftë për Serbinë. Nuk ka asnjë rrugë tjetër përpos një marrëveshje finale gjithëpërfshirëse ligjore për një zgjidhje të qëndrueshme për kontestin mes dy vendeve. Ne kërkojmë nga Beogradi dhe Prishtina që të vazhdojnë me dialog konstruktiv në frymën e kompromisit të lehtësuar nga BE-ja. Kemi nevojë që t’i ikim çfarëdo akti të njëanshëm që mund ta minojë këtë dialog. Marrëveshjet për këtë të arritura përmes dialogut që nga viti 2011 kanë krijuar përparësi të dukshme tek popullata dhe mbesin obligative për të dyja palët. Ne i kërkojmë që të gjitha palëve që të respektojnë dhe zbatojnë të gjitha obligimet e tyre të arritura përmes dialogut”.

“Presidenti jonë Emmanuel Macron është i përkushtuar plotësisht në këtë drejtim dhe në përpjekjet që bën Përfaëqësuesi Special i BE-së për dialogun Mirosllav Lajçak dhe ne gjithashtu dëshirojmë të mbështesim përpjekjet për reforma që po bën qeveria në Kosovë , veçanërisht për luftimin e korrupsionit, sundimin e ligjit dhe zhvillimin ekonomik”, tha ajo.

Continue Reading

Bota

Pamje nga Greqia, uji po merr para çdo gjë, mbyllen shkollat

Published

on

By

Ministri i Krizës Klimatike dhe Mbrojtjes Civile, Christos Stylianidis , në Greqi në një konferencë urgjente dha një raportim lidhur me mekanizmat shtetëror për të përballuar këtë situatë. Në fillim të konferencës, Stylianidis foli për një fenomen shumë të rrezikshëm, që po ndodh aktualisht në Greqi dhe që ka shkaktuar përmbytje masive.

Sidomos për Atikën, ministri grek përmendi se 385 thirrje janë bërë në Brigadën e Zjarrfikësve në më shumë se 20 zona, shumica prej tyre për përmbytje- më konkretisht, 340 prej tyre, ndërsa 11 ishin për evakuimin e qytetarëve. Siç e përmendi ai, problemet kryesore në lidhje me akumulimin e ujit dhe trafikun e automjeteve gjenden në Elefsina, Hamosternas, Petrou Ralli, Pire dhe Avenue Kifissias.

Shkollat do të mbyllen nesër në Evia, Halkidiki. “Ne kemi parandaluar shumë incidente, të cilat mund të zhvillohen në mënyrë të pakëndshme,” tha Stylianidis, duke folur për dy ditë kritike, ndërsa theksoi se të gjitha forcat në vend janë në gadishmëri të plotë.

“Le të shmangim çdo lëvizje të panevojshme për aq kohë sa të zgjasin fenomenet e motit,” rekomandoi edhe një herë Stylianidis.

 

Continue Reading

Bota

Vritet me thikë një deputet në Angli

Published

on

By

Vritet me thikë një deputet në Angli

Deputeti konservator britanik, Sir David Amess, ndërron jetë pasi u qëllua me thikë gjatë një takimi me zgjedhësit e tij këtë të premte.

Policia bëri me dije se një person është arrestuar lidhur me sulmin. Gjithashtu njoftoi se nuk ka ndonjë person tjetër të përfshirë në këtë ngjarje, raporton A2.

Fillimisht u raportua që deputeti Amess ishte plagosur rëndë dhe po operohej, por fatkeqësisht nuk ka mundur t’u shpëtojë plagëve. Ngjarja ka ndodhur brenda një kishe. Nuk dihen ende motivet, teksa policia ka nisur hetimet paraprake.

Continue Reading

Aktuale