Connect with us

Lajme

Joveski: Prokurorët dhe gjykatësit duhet të jenë me integritet

Published

on

Prokurori Publik Shtetëror Lubomir Joveski në konferencën e sotme për media në pyetjet e gazetarëve për qëndrimin e tij për vetingun në gjyqësi, u përgjigj se mbështet procedura të atilla dhe theksoi se gjyqësori dhe gjykatësit duhet t’i nënshtrohen ndonjë kontrolli.

“Të qartësojmë, unë mbështes një proces të tillë, në të cilin në kuadër të prokurorisë dhe gjyqësisë do të mbeten të ndershmit, ato që luftojnë për të drejtën, ata që kanë zbatim joselektiv të ligjit, prokurorë publik dhe gjykatës me integritetin e tyre”, theksoi Joveski.

Tha se të gjithë e kanë parë çfarë ka ndodhur me vendimin e fundit në pjesën e ndërtimit të kundërligjshëm, gjegjësisht si Gjykata e interpreton këtë dispozitë.

“Mendoj se gjykatësit e tillë nuk e kanë vendin në gjyqësor dhe me siguri Këshilli Gjyqësor do të duhet pas procedurës përkatëse ta hetoj këtë pjesë. Unë pas publikimit të aktvendimit kërkova edhe praktikë gjyqësore. Praktika gjyqësore në lidhje me këto vepra penale është plotësisht e qartë, atje nuk kërkohen as procesverbale nga inspektorët, e as nëse dikush ka denoncuar, mjafton personi të filloj të ndërtoj pa miratim të ndërtim”, potencoi kryeprokurori publik.

Lidhur me dorëheqjen e prokurores speciale Katica Janeva, Joveski potencoi se dorëheqja është akt i saj personal, duke shtuar se nuk ka çfarë të komentojë mëtej.

Në pyetjet e gazetarëve nëse Prokuroria ka informata prej nga i ka “bombat” publikuesi me pseudonimin “El Çeka”, Joveski u përgjigj se nuk kanë informacione.

“Lidhur me këtë rast , siç dihet, në Gjykatën Themelore – Kërçovë është dorëzuar propozim akuzë për publikimin e bombave, por prokuroria ende e heton rastin në lidhje me publikim e mëtutjeshëm të materialeve nga bisedat e përgjuara”, sqaroi prokurori.

 

 

BURIMI: MIA

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Lajme

Paralajmërohet ngritje e përditshme e çmimit të derivateve deri në janar

Published

on

By

Paralajmërohet ngritje e përditshme e çmimit të derivateve deri në janar

Shoqata e Naftëtarëve të Kosovës ka paralajmëruar se do të ketë vazhdimisht ngritje të çmimit të derivateve deri në muajin janar, raporton Express.

Kryetari i kësaj shoqate, Fadil Berjani, ka deklaruar se edhe pse çmimet po rriten, s’ka nevojë për panik.

“Ne e kuptojmë çfarë është ekonomia jonë dhe çfarë jete kanë qytetarët. E them me përgjegjësi që është i shtrenjtë çmimi, por këtë s’e bën shoqata e naftëtarëve, por berza dhe organizata prodhuese OPEC. Kur kemi reduktim më të madh, çmimi është më i lartë. Po fillojmë që nga SHBA-ja e deri në Kosovë është panik e madhe.

Organizata prodhuese ka dalë me komunikatë se deri në janar do të ketë probleme dhe ngritje të përditshme të çmimeve. Kjo rritje është duke vazhduar dhe do të ndodhë e s’ka të ndalur. Çmimi me shumicë po rritet e ai me pakicë është real. S’po rriten çmimet në mënyrë të theksuar, por në mënyrë të lehtë. Qytetarët po shërbehen me çmim real. Në tregjet botërore rritja reflekton edhe në Kosovë. Por ne jemi më të lirët në rajon e s’ka nevojë për panik”, ka deklaruar Berjani në KTV.

Sipas tij, në vend furnizimi po bëhet me derivate cilësore e më s’po ka ankesa nga qytetarët.

Berjani ka apeluar te qytetarët që të mos frikësohen sepse “do të ketë me bollëk derivate në Kosovë”.

Continue Reading

Aktuale