Connect with us

Bota

A mundet të ndodhë një “Srebrenicë” tjetër në Siri

Published

on

Fushata e dehumanizimit me të cilën po përballen sirianët është shumë e ngjashme me atë që çoi në gjenocidin e boshnjakëve.

Refugjatët që po rikthehen, janë duke u përndjekur, arrestuar dhe burgosur. “Arsyet” e një sjelljeje të tillë janë të shumta, nga formalitetet lidhur me dokumentet e tyre, tek akuzat për ekstremizëm dhe kriminalitet. Ka pak përzgjedhje në “shënjestrën” e tyre. Burrat, gratë dhe fëmijët po dëbohen, dhe këtu përfshihen profesorë dhe punëtorë, ish-zyrtarë dhe aktivistë të shoqërisë cicile, inxhinierë, djemtë dhe vajzat e tyre të mitur.

Ata raportohen nga forcat e sigurisë, zyrtarët dhe njerëzit e zakonshëm, shpesh vetëm në bazë të theksit të të folurit apo pamjes së tyre fizike. Në kampet e refugjatëve, po infiltrohen provokatorë besnikë të regjimit, që merren me identifikimin e atyre që duhen deportuar dhe përballur me burgimin, torturën, zhdukjen dhe vdekjen.

Ata mësyjnë me forcë që pa gdhirë, në mesnatë ose në mes të ditës, duke arrestuar familje të tëra ose vetëm burrat, nën të qarat e grave dhe fëmijëve të tyre. Qeveria nuk duhet të pengohej në zbatimin e misionit të saj “patriotik”, duke thirrur për raportim familjet, pavarësisht paralajmërimeve nga disa aktivistë të shoqërisë civile, apo protestave të dobëta të komunitetit ndërkombëtar.

Si të ishte në jerm, publiku i mbështet aktet e tyre, dhe dehumanizmin e egër që përhapet përmes diskursit publik të diktuar nga mediat. Një mori titujsh të mbushur me urrejtje, i konsideron refugjatët një problem, që duhet të zgjidhet për hir të “shtetit dhe mirëqenies sonë”.

Sapo u dorëzohen forcave të regjimit, refugjatët ndalohen menjeherë, për hetimin e të shkuarës së tyre. Shumica e meshkujve të moshës 18-60 vjeç, që pasi janë rikthyer me forcë, nuk janë parë më. Teksa i lexoni këto paragrafë, mund të pyesni pse nuk citohet kombësia e refugjatëve, edhe pse ngjan me situatën aktuale në Siri, ku refugjatët sirianë po kthehen me forcë nga Libani.

Kjo ndodh pasi teksti është në fakt një fragment nga libri “Liria fatale” e gazetarit të mirënjohur malazez Seki Radonçiç, që përshkruan keqtrajtimin e refugjatëve boshnjakë në Malin e Zi në vitin 1992. Në librin e tij, Radonçiç, ka dokumentuar në mënyrë të hollësishme mënyrën se si refugjatët boshnjakë, u grumbulluan dhe iu dorëzuan forcave të regjimit serb boshnjak të udhëhequr nga Radovan Karaxhiç, që më vonë u dënua për krime kundër njerëzimit dhe gjenocid.

Gati 3 dekada më vonë, shumica e meshkujve dhe djemve që u kthyen me forcë në zonat që kontrolloheshin nga trupat e Karaxhiçitt, vazhdojnë të jenë të listuar si “të zhdukur”. Mbetjet e disa prej tyre, janë gjetur në fund të një liqeni artificial pranë kufirit mes Serbisë dhe Malin e Zi, kur ai u drenazhua në vitin 2010.

Ne nuk do ta zbulojmë kurrë fatin e pjesës tjetër të tyre. Gjuha e dehumanizimit, që i mundësoi këto krime, ka qenë frymëzuese për valën botërore të islamofobisë, të personifikuar nga kriminelë si Andres Breivik dhe Brenton Tarrant.

Sot në Liban ndodhen më shumë se 1 milion refugjatë sirianë, dhe kjo ka krijuar një tendosje të madhe për ekonominë e vendit, ashtu si edhe mbi marrëdhëniet komplekse dhe të brishta midis komuniteteve etnike.

Për më tepër, një nga aleatët më të rëndësishëm të Asadit në rajon, Hezbollahu, është një lojtar i mirënjohur në arenën politike të Libanit, duke e bërë edhe më komplekse çështjen e refugjatëve sirianë. Është e qartë që ky vend ka nevojë për mbështetje ndërkombëtare, që refugjatët të kenë trajtimin e duhur derisa të arrihet një zgjidhje politike në Siri, e cila të garantojë të drejtën e tyre për një rikthim vullnetar, të sigurtë dhe dinjitoz.

Populli libanez, nuk ka pse të pranojë më shumë refugjatë, sesa gati të gjitha vendet perëndimore të marra bashkë. Por, fushata e dehumanizimit e udhëhequr nga politikanët dhe mediat libaneze kundër refugjatëve sirianë në Liban, mund të ketë pasoja të tmerrshme, që do të kishin një ndikim shumë të madh, që do t’i kapërcente kufijtë e vendit.

Synimi kryesor i kësaj fushate, duket të jetë lehtësimi i rikthimit të detyruar të refugjatëve në zonat e kontrolluara nga Asad, i dëbimit të tyre, apo bërjes së kushteve të jetesës kaq të tmerrshme, sa që ata që mos kenë zgjidhje tjetër veçse të largohen.

Këto politika, nuk janë vetëm në kundërshtim me normat ndërkombëtare, por mund të sjellin një valë të re refugjatësh sirianë, që përpiqen të arrijnë brigjet evropiane në kërkim të sigurisë. Shoqata Siriane për Dinjitetin e Qytetarëve (SACD), ka paralajmëruar vazhdimisht se rikthimi i refugjatëve në zonat e kontrolluara nga Asad, nuk është i sigurtë për shumicën dërrmuese të sirianëve të zhvendosur nga shtëpitë e tyre.

UNHCR e ka pranuar se nuk ka qasje në disa zona në Siri që janë nën kontrollin e Asadit, dhe për pasojë nuk është në gjendje të konstatojë, nëse është rikthimi i refugjatëve është i sigurtë apo ajo. Dëshmitë e njerëzve që iu besuan rusëve, dhe u bënë pjesë e të ashtuquajturave “marrëveshjeve të pajtimit” me regjimin sirian, dhe ata që u detyruan të riktheheshin nga kampi Rukban në Liban pranë kufirit me Jordaninë, flasin për paraburgime sistematike, rrahje, presione, rekrutime të detyruar në ushtri, zhdukje dhe vdekje.

Kthimi me forcë i refugjatëve që kundërshtuan dikur regjimin e Asadit, pa krijuar kushtet minimale të domosdoshme, për të pasur një jetë të sigurt dhe dinjitoze, të garantuar dhe monitoruar nga një mekanizëm i fuqishëm ndërkombëtar, nënkupton që ata mund t’i presë i njëjti fat si boshnjakët që iu dorëzuan dikur Karaxhiçit.

Shumica e sirianëve me të cilët kam biseduar, thonë janë të gatshëm të rrezikojnë jetën e tyre në përpjekje për të shkuar në Evropë, se sa të rikthehen në shtëpitë e tyre, dhe të përpiqen të mbijetojnë nën mëshirën e Asadit. Një eksod i tillë, do të shkaktonte padyshim një krizë të re në Evropë.

Për më tepër, diskursi i dehumanizimit që po përdoret aktualisht në Liban, është krijimi i mundësive të reja të rekrutimit për radikalizim, çka në një periudhë afatgjatë do të përbënte një kërcënim real për Libanin dhe Evropën.

Prandaj, marrja e masave të shpejta për të ndalur fushatën e dehumanizimit ndaj refugjatëve sirianë, nuk është vetëm një detyrim moral për BE-në, OKB-në dhe pjesën tjetër të bashkësisë ndërkombëtare, por edhe një domosdoshmëri politike. Përndryshe, mund të shohim shumë shpejt një Srebrenicë siriane./përktheu dhe përshtati in7.tv/

 

BURIMI: Al Jazeera

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Bota

Është zgjidhur misteri i deleve që bënin rrethin në Kinë!

Published

on

By

Është zgjidhur misteri i deleve që bënin rrethin në Kinë!

Javën e kaluar, një video e deleve në Kinë duke lëvizur në rrathë për 12 ditë u bë virale në mediat sociale

Pronari i fermës tha në atë kohë se nuk mund ta kuptonte pse kjo sjellje ishte zhvilluar tek delet dhe pasi videoja origjinale u publikua nga kanali shtetëror kinez People’s Daily, ai tha se delet ishin të shëndetshme.

Menjëherë pas publikimit të videos, u zhvilluan teori konspirative që shkuan aq larg sa flisnin për shenja që tregonin “fundin e botës”.

Sipas shkencëtarëve, megjithatë, shpjegimi për sjelljen e deleve ka shkaqe krejtësisht natyrale dhe sigurisht që nuk lidhet me sëmundjen listeriozë, e cila mund të shkaktojë çorientim te kafshët, pasi të gjitha kafshët e prekura prej saj ngordhin brenda 48 orëve.

“Duket se këto dele janë mbajtur në një vend për një kohë të gjatë dhe kjo mund të ketë bërë që ato të sillen në mënyrë të çuditshme, pra të qarkullojnë për shkak të stresit të shkaktuar nga burgimi i tyre i gjatë”, tha profesori Matt Bell nga Departamenti i Bujqësisë i Universitetit. në Gloucester.

“Sapo filluan disa dele, pastaj u bashkuan të tjerat sepse janë kafshë tufe dhe duan të jenë me “miqtë” e tyre”, shtoi profesori britanik.

Continue Reading

Bota

Makina futet brenda një dyqani në SHBA, 1 viktimë dhe 19 të plagosur

Published

on

By

Makina futet brenda një dyqani në SHBA, 1 viktimë dhe 19 të plagosur

Një makinë ka përfunduar brenda një dyqani “Apple” në SHBA, duke i marrë jetën një personi dhe duke plagosur 19 të tjerë. Aksidenti i rëndë ndodhi në orët e para të mëngjesit, ndërsa autori dyshohet se ka humbur kontrollin e mjetit

“Një SUV me ngjyrë të errët kaloi me një shpejtësi marramendëse dhe goditi shumë njerëz”, tha prokurori i qarkut, ndërsa drejtuesi është ende i paidentifikuar.

Njësitë reaguese gjetën “shumë pacientë të plagosur para dyqanit dhe brenda në dyqan, ndërsa disa të tjerë ishin ngjitur pas murit nga automjeti”, tha shefi i zjarrfikësve gjatë një konference shtypi të hënën.

Apple lëshoi ​​një deklaratë duke thënë se “zemrat tona janë me anëtarët e ekipit dhe klientët tanë që u plagosën dhe të gjithë ata që u prekën nga ky incident i tmerrshëm”.

Dyqani Apple ndodhet në këndin e pasmë të dyqaneve luksoze Derby Street. Hyrja e dyqanit përballet me një parking të madh ku qindra vizitorë ecin çdo ditë.

Zona e blerjeve është veçanërisht e ngarkuar gjatë sezonit të festave, me dyqanin Apple dhe restorantet dhe dyqanet përreth që mbledhin turma të mëdha këtë kohë të vitit.

Continue Reading

Aktuale