Connect with us

Lajme

A do ta braktisin Zaevin partnerët e koalicionit?

Published

on

Për skandalet dhe aferat që përfshinë qeverinë kohëve të fundit duhet të ketë përgjegjësi individuale thekson kreu i Alternativës Afrim Gashi.

Në një intervistë për Alsat, Gashi pranon se qeveria përveç kontesteve me fqinjët nuk ka arritur t’i zgjidh problemet reale të qytetarëve.

Pavarësisht këmbënguljes së opozitës ai thotë se zgjedhje të parakohshme nuk duhet të ketë pa u përmbyllur më parë proceset euro-atlantike të vendit, respektivisht pasi vendi të marrë datën për fillimin e negociatave me BE-në në vjeshtë dhe anëtarësimit të plotë në NATO.

Pas rrumbullakimit të këtyre proceseve Gashi nuk përjashton mundësinë e braktisjes së qeverisë.

Kryeministri Zaev si duket po e humb besimin tek partnerët shqiptarë të koalicionit qeverisës, sidomos bazuar në kritikat e opinionit që kjo qeveri ka dështuar në rrafshin ekonomik. Gjatë rikonstruimit, kryeministri Zaev largoi nga koalicioni qeverisës partinë shqiptare RDK pa asnjë konsultim paraprak.

Njohësit e zhvillimeve politike thonë se kryeministrin Zaev e mbanë BE dhe SHBA, ndryshe ky koalicion qeverisës që moti do të ishte shkatërruar. Sipas tij me përmasa dramatike do të ishte nëse BDI do të dilte nga qeveria, dhe jo partitë “opozitare” që janë pjesë e qeverisë.

“Zaevin e mban BE dhe ShBA, përndryshe që moti ky koalicion do të ishte shkatërruar.Koalicioni nuk është parimor dhe është i ndërtuar nga faktori i jashtëm dhe padyshim se mund të lëkundet.Partitë opozitare në koalicionin e tij kanë më tepër përfitime në pozita dhe financa dhe do të ishte shumë vështirë të dalin nga qeveria.Do të ishte zhvillim me përmasa dramatike nëse BDI e Ali Ahmetit do të vendoste të dilte nga qeveria pas humbjes së fuqisë në koalicionin e Zaevit dhe përgjimeve të fundit ku shpalosen keqpërdorime me buxhetin, emërimet në pozita dhe tendenca tjera negative nga zyrtarë të lartë të BDI- së. Në koalicione të tillla me kompozime të ndryshme etnike , forca politike nuk qëndron më tek lideri por tek grupet e intersit ashtu siç e shohim tek qeveria e Zaevit”, ka deklaruar për Zhurnal, analisti politik, Selim Ibraimi.

Ndryshe, edhe nëse Alternativa që i ka tre deputet do ta braktiste qeverinë, prap kryeministri Zaev do të kishte shumicë parlamentare prej 62 deputet, gjegjësisht 49 LSDM, 10 BDI, 2 PDSH dhe Amdi Bajram që braktisi koalicionin me VMRO-në dhe kaloi në LSDM, por një gjë është e sigurt se në rast largimit të partisë së Afrim Gashit, kjo qeveri bëhet edhe më jostabile për sa i përket numrave në Kuvend.

 

BURIMI: Zhurnal.mk

Continue Reading

Lajme

Dauti: Për shtetësinë e vëllezërve Azizi, nuk duhet mendim nga ASK-ja

Published

on

By

Dauti: Për shtetësinë e vëllezërve Azizi, nuk duhet mendim nga ASK-ja

Për dy vëllezërit pa shtetësi të lindur, rritur e shkolluar në vendëlindjen e tyre në Kumanovë (rasti i paraqitur mbrëmë në Alsat M) të cilët nga muaj gusht i vitit të kaluar kanë aplikuar përsëri për marrjen e shtetësisë, kushdo që nuk zbaton ligjin do duhet të pergjigjet penalisht.

Dy janë momentet që duhet potencuar për byrokratët që guxojnë të jenë mbi ligjin:

1. Personat që kanë jetuar deri më 8 shtator 1991 në territorin e Republikës së Maqedonisë, marrin shtetësi vetëm me njërin nga dokumentet e përcaktuara. Pra, Agjencionit për Siguri Kombëtare-ANB, nuk i kërkohet mendim.

2. Edhe po të jetë parashtruar kërkesa nga “i huaj” për të cilët duhet të jep mendim ANB-ja, ai mendim nuk duhet të jepet më vonë së gjashtë muaj sepse me ndryshimet e fundit të ligjit thuhet: “Organi i cili vendos për paragrafin 1 pika 8 të ketij neni (fjala është për ANB- në) miraton vendim në afat prej gjashtë muajve pas parashtrimit të kërkesës së të huajit” .

Continue Reading

Bota

Presidenti i Francës, Emmanuel Macron është goditur me shuplakë

Published

on

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Lajme

Kriza energjetike problem për kompanitë!

Published

on

By

Kriza energjetike problem për kompanitë!

Kyetari i Odës Ekonomike Branko Azeski dhe Kryetari i OEMVP-së Mendi Qyra do të kërkojnë nga Qeveria që të zgjidhet problemi me krizën energjetike të bizneseve dhe kompanive. Mendi Qyra tha se do të mundohen të gjejmë zgjidhje edhe për të rinjtë që të mos ikin nga vendi.

“Një ndër problemet më të rëndësishme që ka biznesi sidomos mikro dhe biznesi i vogël është energjetika që ne sigurisht të kërkojmë nga Qeveria të gjejmë forma më të përshtatshme që të zgjidhet ky problem. Përveç problemin e energjetikës ne kemi problemin e resurseve njerëzore e cila për fat të keq të rinjtë edhe pjesa tjetër e popullatës po largohet nga Maqedonia dhe ne bëjmë ç’mos që të gjejmë forma të përshtatshme që ky problem të zbutet”, tha Mendi Qyra, kryetar i OEMVP.

“Ne do t’i përfaqësojmë interesat e bizneseve, kompanive, edhe në kushte kaq të vështira. Unë e di bagazhin e kolegut tim, dhe besoj që do t’i ndjek sukseset e tij të veprimtarisë”, theksoi Branko Azeski, kryetar i Odës Ekonomike.

Continue Reading

Aktuale