Connect with us

Kosovë

Kosova ka argumente për ta paditur Maqedoninë për vrasjen e Begut dhe Mirsadit

Published

on

Vendet e Ballkanit kanë strategji të njëjtë veprimi, kanë të njëjtat politika të ndjekura nga politikanët që zakonisht në këto vende janë të korruptuar, të pasur dhe vrasës kur është në pyetje lëshimi i pushtetit, thotë publicisti dhe analisti politik, Gazmend Islami.

Islami pohon se, ngjarjet e ndodhura në Maqedoni në muajin maj tregojnë më së miri se deri ku ka shkuar bashkëpunimi mes shërbimeve të fshehta të tri shteteve, Shqipëri, Kosovë, Maqedoni.

“Vetë bërja publike e AKI-së se ka informuar krerët e shtetit për grupin që kishin vendosur të hyjnë në luftë në Maqedoni tregon më së miri se deri ku është i zhytur krimi i organizuar i pushteteve. Po të ishim një shtet normal dhe demokratik menjëherë pas ngjarjeve të ndodhura në Kumanovë do të duhej të kërkonte themelimin e një grupi punues të përbashkët mes dy shteteve nën mbikëqyrjen e SHBA-së dhe BE-së për të pasur një neutralitet për të ardhur në përfundim se kush ishin ata që grupin e shqiptarëve e futën në luftë dhe i tradhtuan. Kush ishin protagonistet kryesor në shërbimin e Maqedonisë që hartuan planin deri në detaje, a ishin të implikuar edhe AKI-a dhe SHISH-i shqiptar në këto ngjarje”, thotë Islami për gazetën “Bota sot”.

Ai thekson se, kur të bëhej kjo, atëherë shteti i Kosovës ka të drejtë të akuzoj shtetin maqedonas për vrasje të planifikuara, për organizimin e prishjes së stabilitetit në Rajon, nuk ka dyshim se SHBA kanë përgjimet dhe dinë për përgatitjen e kurthesh ndaj shqiptareve në Kumanove, por për të arritur kjo do të duhet të ketë vendosmëri nga shteti i Kosovës që kësaj çështje ti shkohet deri në fund.

“Në bazë të asaj që shkruhet se në mesin e gjallëve gjatë arrestimeve ishin edhe Beg Rizaj e Mirsad Ndrecaj tregon më së miri se kemi të bëjmë me vrasje të qëllimshme shkelet e drejta ndërkombëtare ku shteti duhet të dënohet për krime të kryera”.

“Kemi edhe autopsinë e kryer nga ekspertet e mjekësisë ligjore në Prishtinë që dinë se si ka ardhur vrasja e Beg Rizajt e Mirsad Ndrecajt, sepse ata mund të përcaktojnë edhe kohën e vdekjes.

Pra e gjithë e drejta është në anën e Kosovës për të ngritur akuzë dhe akuzuar shtetin maqedonas, por kur mendojmë se pse kjo nuk ndodh vijmë në përfundim se pas krejt kësaj që ka ndodhur është i implikuar edhe shteti i Kosovës. Prandaj nuk pritet se këta do të bëjnë për të zbardhur të vërteten e Kumanovës”, thotë publicisti dhe analisti politik Gazmend Islami.

BURIMI: lajmpress

Continue Reading

Kosovë

Suma: Vendimi i Supremes është befasues, pa asnjë argument

Published

on

Gjykata Supreme ka hedhur poshtë vendimin e Panelit Zgjedhor për Ankesa dhe Parashtresa që komuna e Hanit të Elezit të shkojë në rivotim.

Supremja e ka pranuar si të bazuar ankesën e kandidatit të Partisë Demokratike të Kosovës për kryetar të Hanit të Elezit, Mehmet Ballazhi.

“Kolegji i Gjykatës Supreme e ka aprovuar si të bazuar ankesën e kandidatit për kryetar të komunës së Hanit të Elezit, Mehmet Ballazhi, nga Partia Demokratike e Kosovës (PDK), dhe ka anuluar vendimin e PZAP-së, duke e kthyer çështjen në rivendosje” thuhet në vendimin e Supremes, njofton Klankosova.tv.

Me këtë rast ka ardhur edhe reagimi i kandidatit të pavarur për kryetar të Hanit të Elezit Rufki Suma.

Suma në Info Magazine në Klan Kosova tha se vendimi i Supremes nuk ka asnjë bazë edhe asnjë argument.

“Realisht është një vendim befasues. Ne ende nuk e kemi të qartë, një panel e ka marrë një vendim Gjykata Supreme e rrëzon atë vendim, e kthen përsëri në rivendosje pa ndonjë argument dhe pa ndonjë arsyetim në pesë faqe që i përshkruan më së shumti veprimet e PZAP-it”.

“Përndryshe vetëm akuzon se PZAP-i nuk ka pasur argumente të mjaftueshme për të marrë një vendim të tillë. Edhe njëherë po e them. Nuk tregon se në çka është e bazuar, në cilat argumente është i bazuar? kur vet kandidati tregon se i ka vizituar vendvotimet. Dhe me rastin e vizitës së vendvotimeve ajo është ndikim direkt”.

Paneli Zgjedhor për Ankesa dhe Parashtresa, para disa ditësh kishte anuluar votat për kryetar të Komunës së Hanit të Elezit.

Sipas PZAP-së, zgjedhjet janë anuluar për shkak të minimit të integritetit të zgjedhjeve si rezultat i presionit dhe organizimit me qëllim të përfitimit dhe mbështetjes së votuesve.

Kandidati i PDK-së, Mehmet Ballazhi sipas rezultateve të KQZ-së, për zgjedhjet e 17 tetorit ka marrë me 50.98% të votave.

Continue Reading

Kosovë

Haxhiu reagon për dënimin me 8 muaj burgim për dhunuesit e 15-vjeçares

Published

on

By

Haxhiu reagon për dënimin me 8 muaj burgim për dhunuesit e 15-vjeçares

Ministrja e Drejtësisë, Albulena Haxhiu ka reguar pas dënimit me vetëm 8 muaj e 8 ditë burg për personin që dhunoi një 15-vjeçare në Pejë.

Haxhiu thotë se është e shqetësuar për këtë vendim siç e quan ajo absurd dhe të padrejtë. Ajo thekson se vendime të tilla motivojnë dhunuesit dhe dhunojnë për së dyti herë viktimat.

“Sapo përfundova fjalën në konferencën që i dedikohej viktimave të krimit, u njoftova me lajmin që dhunuesi seksual ndaj vajzës 15 vjeçare qenka dënuar me vetëm 8 muaj e 8 ditë burgim, pa asnjë rrethanë rënduese dhe fatkeqësisht shumë rrethana lehtësuese. Jam shumë e shqetësuar në raport me këto vendime absurde të padrejta dhe që motivojnë dhunuesit dhe që dhunojnë për së dyti herë viktimat”, ka shkruar Haxhiu në Facebook./21Media

Continue Reading

Kosovë

Kosovë, një i vdekur dhe tri raste të reja me COVID

Published

on

By

Kosovë, një i vdekur dhe tri raste të reja me COVID

Tre persona kanë rezultuar të infektuar me COVID-19 gjatë 24 orëve të fundit në vend, ndërsa një tjetër ka humbur betejën me virusin.

Të dhënat e prezantuara nga Ministria e Shëndetësisë thonë se janë kryer 1298 testime. Sot janë shëruar 20 qytetarë, derisa numri i përgjithshëm i të shëruarve është 157.225. Në total numri i rasteve aktive është 438.

Continue Reading

Aktuale